Krótkopowěsće (12.12.22)
Wikowarjo z optimizmom
Lipsk/Drježdźany. Wikowanski zwjazk Sakskeje hlada po třećej adwentnej njedźeli optimistisce na dochody wobchodow do hód. Kaž jednaćel Gunter Engelmann-Merkel praješe, tež wjedro dobremu wobrotej dopomha: „Wjele ludźi zymske drasty nakupuje.“ Najebać inflaciju widźa někotři wobchodnicy podobnu situaciju kaž do pandemije.
Z prominentnymi awtorami
Drježdźany. Dom Ukrainy w Drježdźanach přichodny štwórtk, 15. decembra, prominentnych awtorow z kraja wot wójny potrjecheneho předstaja. Nimo Sofije Andruchowyč wočakuja Andrija Ljubku a Romana Malynowskyja na čitanje a rozmołwu, kaž zetkawanski centrum dźensa informowaše. 1982 rodźena Andruchowyč je znata z lěta 2016 wozjewjenym romanom „Der Papierjunge“.
„Čěski“ móst w Sakskej
Adwentno-literarny wječor
Chrósćicy. Hudźbno-literarne čitanje z awtorku Měranu Cušcynej a z komponistom Janom Cyžom za klawěrom dožiwja wopytowarjo jutře, sobotu, w 19.45 hodź. w Chróšćanskej putniskej hospodźe. Ze swojimi cunimi adwentnymi stawiznami kaž „W Hodźanach“, „Jandźelina“ abo „Flockdownkino“ přihotuje Měrana Cušcyna publikum tak prawje na hody. Ale tež na dalše zabawne powědančka, na stawiznički wo ludźoch a humorno-skurilne wobkedźbowanja wšědneho dnja smědźa so zajimcy wjeselić.
Z horcym winom pomhać
Budyšin. Z wosebitym stejnišćom je wot dźensnišeho hač do njedźele towarstwo „Witajće w Budyšinje“ na Budyskich adwentnych wikach zastupjene. Na Bohatej hasy napřećo drogeriji DM poskićuja horce wino kaž tež wot ćěkancow zhotowjene hodowne dariki. Tež rozmołwy budu při stejnišću móžne. Dobytk budźe na dobro dźěławosće towarstwa.
Na wiki do klóštra
Lute małe kamuški za rěč
Społnomócnjeny za serbske prašenja města Kulowa rozprawjał
Kulow (AK/SN). Za spěchowanje a zachowanje serbskeje rěče a kultury so w Kulowje mnozy akterojo zasadźeja. Su to swójby runje tak kaž komuna, katolska wosada a towarstwa kaž Bratrowstwo. „To su lute małe kamuški. Jenož zhromadnje móžemy to zdokonjeć“, rjekny nawoda twarskeho zarjada a społnomócnjeny za serbske prašenja města Kulowa Stephen Rachel předwčerawšim w swojej rozprawje za lěto 2022.
Z wosebitym ćahom běchu na swj. Mikławša wuchodosakscy přećeljo ...
Wažny element strukturneje změny – Łužiski kruh
Łužiski kruh je so štwórtk w Choćebuzu zešoł, zo by wo stawje strukturneje změny we Łužicy diskutował. Wjetšina wobdźělnikow widźi kónc wudobywanja brunicy hač do lěta 2038 jako njerealistiski.
Choćebuz (AK/SN). Po słowach wyšeho měšćanosty Běłeje Wody Torstena Pötzscha (Klartext), dyrbjeli so łužiske gmejny, kotrež bjezposrědnje při brunicowych jamach leža, bóle we strukturnej změnje wobkedźbować. „Schwalenje spěchowanych projektow dyrbjało poměr 70:30 na dobro tutych gmejnow měć. Puć je hišće dołhi ale je zmysłapołny“, rozłoži Pötzsch jako rěčnik sakskich komunow.
Krótkopowěsće (09.12.22)
Kulturno-turistiski koncept
Budyšin. Marketingowa towaršnosć Hornja Łužica-Delnja Šleska je lětsa w meji turistisku poradźowansku agenturu społnomócniła, zo by nowy kulturno-turistiski koncept za region wuwiła. Cyłkowny facit studije, kotruž su zawčerawšim w Budyskim Němsko-Serbskim ludowym dźiwadle předstajili je, so z marketingom na jadrowe temy fokusěrować.
Michał Janca w předsydstwje
Budyšin. Wučer za hudźbu Michał Janca bu na wčerawšej hłownej zhromadźiznje Towaršnosće k spěchowanju Serbskeho ludoweho ansambla (SLA) do předsydstwa powołany. Předsyda Sieghard Kozel rozprawješe wo zdokonjanych projektach, kaž na přikład wo kompozitoriskim wubědźowanju w zwisku z „lětom Zejlerja a Kocora 2022“, beneficnym koncerće za Ukrainu a brošurce „70 lět SLA“.
Čěska jědla w Brüsselu
Fotowoltaika: Pro a kontra
Prašenja a wobmyslenja w zwisku z planowanym natwarom fotowoltaikowych připrawow na ratarskich płoninach staraja so tuchwilu we wjacorych gmejnach wo wobšěrne diskusije za a přećiwo tajkim připrawam.
We wjacorych gmejnach Hornjeje Łužicy, mjez druhim tež w tajkich zarjadniskeho zwjazka Při Klóšterskej wodźe, předleža tuchwilu próstwy wšelakich předewzaćow za natwar a wobhospodarjenje wulkich fotowoltaikowych připrawow na ratarskich płoninach abo jim podobnych ležownosćach. Wšitke tute firmy wotpohladuja, hladajo na tučasnu napjatu situaciju w zastaranju z milinu a energiju, spěšnje tunju milinu z přirodnymi žórłami produkować, kaž stej to słónco abo wětřik. Wětrniki so na mnohich móžnych stejnišćach nastajić njehodźa, dokelž njewotpowěduja postajenja wuměnjenjam, kotrež z poměrnje hustym wobsydlenjom tež we Hornjej Łužicy mamy. Tak zbywa jako móžnosć, produkować alternatiwnu milinu, jenož hišće solarna technologija.
Tajkile swěčkowy wobłuk kóždy nima
Rakecy (UM/SN). Najwjetši dźěl ludźi w Sakskej ma dokładne předstawy wo tym, kajki ma swěčkowy wobłuk wupadać. Z drjewa ma wón być, cyle jasne. Małe, po móžnosći z ruku wurězane figury maja hodowne sceny, hórnikow, křižowanej hamoraj, sornika při žłobiku a podobne motiwy pokazować. A swěcu spožčeja swěčki, kotrež su w samsnym wotstawku na wobłuku přičinjene. Štóž so z tajkimi wočakowanjemi na Rakečanske Cyrkwinske naměsto poda, so najprjedy raz dźiwa. Přetož swěčkowy wobłuk, kiž tam mjez busowym zastanišćom a zachodom na kěrchow steji, wopisanemu klišejej scyła njewotpowěduje. To započina so hižo z materialom, přetož Rakečanski swěčkowy wobłuk je z načerwjeneho zerzaweho metala. Pod dwurěčnym napisom Königswartha-Rakecy wuhladaš Rakečanski gmejnski wopon, ewangelsku cyrkej kaž tež z rohodźe wuskočeneho karpa jako symbol hatneje krajiny.
Wopłóčki dočasnje dotwarili
Klětu je w Rownom posledni wotrězk twarskich dźěłow na rjedźe
Slepo (CK/SN). Dwaj tydźenjej prjedy hač planowane je Krušwičanska hłubokotwarska firma Nadebor twar wopłóčkoweho kanala na Trjebinskim puću w Rownom zakónčiła. Roły su kładźene, přizamknjenja domjacnosćow spřihotowane, a hač ke křižowanišću na Miłoraskej dróze je puć asfaltowany. Někotre zbywace dźěła dyrbja hišće zdokonjeć. Wo tym informowaše předwčerawšim nawoda twarskeho Slepjanskeho zarjada Steffen Seidlich tamnišu gmejnsku radu. Jutře chcedźa z fachowcami wšitke wukonjane dźěła přepruwować, potom dróhu za zjawny wobchad zaso wotewru.
Policija (08.12.22)
Konto wotrumowali
Biskopicy. Po wšěm zdaću přewjele dowěry do dochadźacych e-mejlkow měješe předwčerawšim wobydler w Biskopicach. Wón dósta e-mejlku, kotraž zdaše so wot jeho domjaceje banki być a w kotrejž jeho napominachu, swoje bankowe daty podać. Muž žane wobmyslenja njeměješe a próstwje „banki“ wotpowědowaše. Krótki čas pozdźišo wón zwěsći, zo bě něchtó 10 000 eurow z jeho konta wotknihował.
