Policija (06.03.20)

pjatk, 06. měrca 2020 spisane wot:

Po njezbožu ćeknył

Narć. 60lětny wodźer BMWja je zawčerawšim wječor w Narću do sćežora na­dróžneho wobswětlenja zrazył, při tym 6 000 eurow škody načinił a na to z městna njezboža ćeknył. Swědcy pak we wsy bydlaceho spóznachu a policiju informowachu. Zastojnicy muža na to doma wopytachu, hdźež jeho z podawkom konfrontowachu. Při tym woni zwěsćichu, zo steješe wón pod njesnadnym wliwom alkohola.­ Test wunjese pola 60lětneho na wšěch­ 1,9 promilow alkohola w kreji. Tak prošachu policisća jeho k wotedaću kreje. Nětko njezměje so wón jeno zawinowanja njezboža pod wliwom alkohola dla zamołwić, ale tež ćeknjenja z městna njezboža dla.

Ponowja domiznisku stwu

pjatk, 06. měrca 2020 spisane wot:

Wobydlerski etat tež za hajenje stawiznow, nałožkow a tradicijow

Wojerecy (AK/SN). Druhi raz ma město Wojerecy lětsa wobydlerski etat. Prioritnu lisćinu za město a wokolne wsy je měšćanska rada na swojim zašłym posedźenju schwaliła. Zdobom wobzamknychu wosebite logo. Dohromady bu 129 namjetow zapodatych, kotrež je wosebita dźěłowa skupina po předpisanych kriterijach posudźowała.

Za město same móža 71 000 eurow wudać. Tak chcedźa w Małej Nydeji hrajkanišćo z čumpjelu, suwadłom a pěskowym kašćikom natwarić. Dalše małe hrajkanišćo nastanje w Kinajchće. Hrajkanske nastroje kupja za park při woby­dlerskim centrumje Piwarska hasa 1. W nutřkownym měsće přihotuja „wobydlersku łuku“, hdźež móhli raz pło­ninu za smykanje natwarić. Dale sadźa w měsće 20 nowych štomow a nastaja runje telko wotpadkowych sudobjow.

Smochćicy (CRM/SN.) Lětuši póstny seminar w Smochčanskim Domje biskopa Bena zahaji so minjenu póndźelu pod titulom: „Kmane jeno za njedźelne narěče? Wjesołe poselstwo a jeho hódnoty“. Zarjadowarjo třoch ekumeniskich wječorow z přednoškami a diskusiju su nimo kubłanskeho domu w Smochćicach tež Ewangelsko-lutherski cyrkwinski wobwod Budyšin-Kamjenc, dekanat Budyšin a Towarstwo Cyrila a Metoda. Čłon předsydstwa TCM Tomaš Rječka přitomnych tuž serbsce a němsce powita. Tež nawoda domu Sebastian Kieslich je so słowa jimał. Młodostny Leo Čórlich z Budyšina pak poda k přednoškomaj přiměrjene hudźbne wobrubjenje.

„Vita-Min – Žiwjenje z hórnistwom“ rěka wosebita wustajeńca, kotraž je nětko w elementariju Kamjenskeho Muzeja zapadneje Łužicy widźeć. Přehladka zaběra so mjez druhim ze sćěhami hórnistwa na dnownu wodu. Sobudźěłaćerjej muzeja Anja Wittich a Bodo Pleski witaštaj tam tele dny Wolfganga Michelsa (wotprawa), kiž je čas žiwjenja w brunicy dźěłał. Foto: Feliks Haza

Dołho na to čakali

pjatk, 06. měrca 2020 spisane wot:
Delanscy starši a ći z Kulowskich kónčin su po wčerawšim wuznaću gmejnskeje rada Ralbicy-Róžant k Ralbičanskej šuli znajmjeńša trochu wolóženi. To bě mój zaćišć, jako jich wčera po wuradźowanju rady zetkach. Runje nětkole je wažne, zo dóstawaja starši wšu móžnu podpěru a zo w boju wo swoje předewzaće njepopušća. Na tónle signal njejsu jenož woni, ale wša zjawnosć dołho čakali! Bě woprawdźe načasu, zo je skónčnje k tomu dóšło. Trochu wšak so přiwšěm dźiwam, mjenujcy, zo započina gmejna hakle nětko argumenty zběrać, zo móhli w přichodnym 5. lětniku dwě rjadowni wutworić. Problem dźě njeje hakle wot wčerawšeho znaty a starši běchu so hižo w januarje na wjesnjanostu wobroćili. Radšo pak pozdźe, hač scyła nic! Fakt je, zo steja gmejnscy radźićeljo a wjesnjanosta za staršimi a wuprajeja so tež za wutworjenje dweju rjadownjow 5. lětnika we Worklecach. A to je za mnje jasny signal do přichoda. Janek Wowčer

Na starym Błótowskim dwórnišću w Choćebuzu su twarske dźěła zahajene. Tam chcedźa nowy tunl dwórnišća do směra na nutřkowne město wobchadnej syći přiwjazać.­ Dokelž nowy zwisk dobre wuměnjenja trjeba, ponowja tež puć a zarjaduja parkowanske kaž tež taksijowe městna. Foto: Michael Helbig

Steja za staršimi

pjatk, 06. měrca 2020 spisane wot:

Róžant (SN/JaW). Starši, kotřiž maja swoje dźěći za přichodny 5. lětnik na Ralbičanskej wyšej šuli přizjewjene, su wčera dźělny wuspěch žnjeli. Po nimale dwuhodźinskim wurjadnym klawsurnym pose­dźenju gmejnskeje rady Ralbicy­Róžant bě jasne: Gmejna steji za delanskimi a Kulowskimi staršimi.

Krótkopowěsće (06.03.20)

pjatk, 06. měrca 2020 spisane wot:

53. Zeszyty Łużyckie wušli

Waršawa. W Instituće za zapadnu a južnu slawistiku Waršawskeje uniwersity su 53. Zeszyty Łużyckie z ćežišćom „Małe rěče pytaja za identitu“ wušli. Mjez druhim pisaja tam Nicole Dołowy-Rybińska a Cordula Ratajczakowa wo rěčnej praksy na Serbskim gymnaziju, Dietrich Šołta wo knize „Świtanie“ Haliny Barań a Zdzisław Kłos wo biografiji Benedikta Dyrlicha „Doma we wućekach 1“.

Kretschmer podpěruje ratarjow

Drježdźany. Sakski ministerski prezident Michael Kretschmer (CDU) wostaja wotewrjene, hač Sakska w Zwjazkowej radźe­ nowelěrowanju hnojenskich po­stajenjow přihłosuje. „Widźu to jara, jara kritisce“, rjekny wón stam ratarjow, kotřiž su wčera w Drježdźanach demonstrowali. Kretschmer chce tomu zadźěwać, zo „činja na škodu přistojnych ratarjow politiku, kotraž prawa njeje“.

Tež Hilse wotpokazany

Policija (05.03.20)

štwórtk, 05. měrca 2020 spisane wot:

Trik z wnučkom njefungował

Kamjenc. Hnydom třo rentnarjo w Kamjencu a wokolinje dóstachu předwčerawšim spodźiwne telefonaty wot po­zdatnych wnučkow. W prěnim padźe žadaše sej njeznaty 25 000 eurow a přizjewi, zo chce popołdnju na kofej přińć a sej pjenjezy wotewzać. W druhim padźe dósta 82lětna podobny telefonat. Tež tu so wobšudnik ke kofejej přizjewi a wudawaše, zo trjeba pjenjezy. Přišoł pak nichtó njeje. A skónčnje přizjewi so njeznaty ­pola 90lětneje žony a žadaše sej 20 000 eurow. Na zbožo wšitcy třo rentnarjo pospyt wobšudnistwa spóznachu a słuchatko połožichu. Wšitke pady je kriminalna policija přewzała a namołwja staršich ludźi, dale skedźbni być.

Płaćizny njejsu přemóžace

štwórtk, 05. měrca 2020 spisane wot:

Nowosličanske hońtwjerske drustwo hłownu zhromadźiznu přewjedło

Nowoslicy (aha/SN). Wjetšina 55 zapisanych čłonow Nowosličanskeho hońtwjerskeho drustwa je so na wutornej hłownej zhromadźiznje w tamnišim towarstwowym domje wobdźěliła. Kaž předsyda drustwa Pětr Wawry rozprawješe, přewostajeja woni wotnajerjam cyłkownu płoninu 354 hektarow. Přewažnje su to pola a łuki kaž tež 116 hektarow lěsa. Čłonka předsydstwa drustwa Gesine Kutterowa je w swojej rozprawje wo financach tež lońše wupłaćenja wotnajerjam wuhódnoćiła. To wšak žada sej dokładne dźěło, hdyž dyrbja 587 zahonow a parcelow rozdźělneje wulkosće wobkedźbować, zo bychu kóždeho mějićela objektiwnje wupłaćili.

Serbska debata

nowostki LND