SLA z tójšto personalnymi změnami
Budyšin (SN/bn). Hrajna doba Serbskeho ludoweho ansambla je zakónčena. Hižo nětko hotuja so na zazběh přichodneje sezony, kotraž „budźe wjacorych přičin dla wosebita. SLA je so pod njewšědnymi wuměnjenjemi a po njewšědnych časach wotnowoty zestajał. Nětko je wažne jeho profil wótřić a – tradicije wobchowujo – modernizować kaž tež mysl, kajkuž słowo ansambl wobsahuje, mjenujcy zhromadnosć, znutřka kaž tež zwonka skrućić a tak zhromadny wuměłski kaž čłowjeski potencial wučerpać“, w zdźělence SLA rěka.
Zdobom připowědźa ansambl personalne změny na wjacorych runinach. Tak nastupi Tomaš Kreibich-Nawka w hrajnej dobje 2021/2022 jako nowy intendant SLA. Dotal bě wón tele zastojnstwo jako zastupjer a po njepodlěšenju zrěčenja ze stron intendantki Judith Kubicec komisarisce wukonjał. „Kreibich-Nawka budźe dom w přichodnymaj lětomaj zhromadnje z jednaćelku Dianu Wagnerec nawjedować“, SLA dale pisa.
Smjertne ruby Jězusa zajim zbudźili
Hnydom dwě z časa NDR znatej hudźbnej kapale stej minjeny kónc ...
Prěni literarnya hudźbny swjedźeń
Na wosebitu premjeru móža so Delnjoserbja wjeselić. W Lubinje wotměje so 21. awgusta 1. serbski literarny a hudźbny swjedźeń. Je to jedyn z dohromady 24 projektow, kotrež su we wobłuku braniborskeho idejoweho wubědźowanja „Kulturna domizna Łužica“ wuzwolili a kotryž z 15 000 eurami spěchuja. Dohromady jedyn milion eurow dóstanu projekty ze zwjazkoweho programa za sylnjenje struktury w brunicowych kónčinach. Předewzaća maja k tomu přinošować,“regionalnu identitu a atraktiwitu kulturneho poskitka we Łužicy skrućić kaž tež kulturny turizm, kulturne kubłanje a wobydlerski angažement dale wuwić“.
Wjesne wobrazy w muzeju widźeć
Wulka ličba drasty widźeć
Rozšěrjeny fundus w Nowej Jaseńcy wotnětka přistupny
Nowa Jaseńca (aha/SN). W aprylu tohole lěta bě tomu 25 lět, zo je Monika Cyžowa Serbski drastowy fundus załožiła. Za swój kredo wona ma, originalnu serbsku katolsku drastu přichodnym generacijam zachować. Z mustrowymi klankami podawa dohlad do wašnjow a tradicijow w katolskich Serbach. Nihdźe njeje tež zličiła, kelko žonam, mužam kaž tež dźěćom je w běhu štwórć lětstotka w swojim Róžeńčanskim fundusu narodnu drastu abo jenož drastowe dźěle wupožčowała. Zo pak móhła so rumnostnje rozšěrić, je sej w běhu dweju lět z podpěru mandźelskeho w Nowej Jaseńcy bróžnju z wulkej prócu a přemóžacymi idejemi jako nowy fundus zarjadowała.
Jan Awgust Warko
Kursisća prezentuja swoje twórby
Rjad bamža za Ludwiga Güttlera
Jasne lěpšiny za Europu
Mamy w Němskej snano přewjele swětoweho namrěwstwa UNESCO?
Berlin (SN/dpa). Połsta z titlom „swětowe herbstwo“ wot UNESCO wobkrućenych městnosćow mjeztym w Němskej mamy. Mjez nimi stej w Sakskej wot lěta 2004 Mužakowski park a wot 2019 Montanowy region Rudne horiny/Krušnohoří, hromadźe z Čěskej. Hrody a parki w Podstupimje a Berlinje běchu 1990 prěni titul zjednoćeneje Němskeje. Prěnja tajka městnosć w Němskej, kotrejž bu připóznaće 1978 spožčene, bě Aachenska hłowna cyrkej. Mnozy sej mysla, zo je to rjenje a derje za wone městna. Njeje pak to snadź tróšku přehnate?
„Za Italskej a Chinu steji Němska nětko na třećim městnje lisćiny krajow. Za ćežko wot wójny zničeny kraj bjez spektakularnych dźiwow přirody zda so mi to jara horjeka być, wšojedne z kotreho měritka wuchadźeš“, měni Christoph Brumann z Maxa Planckoweho instituta za etnologiske slědźenje w Halle nad Solawu.
