Derje wabili a dobry wothłós žnjeli
Marketingowa towaršnosć Hornja Łužica-Delnja Šleska (MGO) lětuše zarjadowanja łužiskich rybowych tydźenjow najebać koronapandemiju dosć pozitiwnje hódnoći. Štyri swjedźenje, za kotrež běchu wabili, su wopytowarjo jara derje přiwzali.
Budyšin (SN/BŠe). Koronapandemija je so lětsa tež na łužiske rybowe tydźenje wuskutkowała. Najebać mnohe wotprajenja zjawneho wułójenja rybow z hatow je so MGO rozsudźiła, zaměrnje za zarjadowanja wabić. Tak rozdźělichu 15 000 lětakow, informowachu w radiju a nowinach wo nazymskej zwičnjenskej iniciatiwje. Předewšěm nowa wabjenska figura z mjenom Fischers Franzi bě zasadźena a je wosebje swójby informowała. „Něhdźe tři miliony ludźi smy z wabjenskimi akcijemi docpěli“, MGO ze sydłom w Budyšinje informuje. Zajim mjez ludźimi bě jara wulki a njedźiwajcy hygienowych naprawow a z tym zwisowacych wobmjezowanjow je dosć ludźi na swjedźenje přišło.
Wukonjeja zdźěla wjac
Wobdaruja potrěbne dźěći
Směrodajna reakcija
Štóž je so zašłe dny snano hižo trochu bojał, zo lětsa traš ...
Wjeselo pjekarja samo słodźiš
Tež serbske rjemjesło ma złote dno. Dokelž buchu wěda a kmanosće starych mištrow přez generacije dale dawane, nastachu zawody, kotrež su změny časow přetrali.
Kamjenc (BG/SN). Dlěje hač 160 lět – mjeztym w pjatej generaciji – je Zelnakec swójba w Pančicach-Kukowje a wokolinje synonym za solidne pjekarske rjemjesło. Z chlěbami, całtami, tykancami, tortami a wosuškami je tež Dominik Zelnak doma napřećo klóštrej wotrostł. Mjeztym wjedźe wón hromadźe z mandźelskej Sandru hižo dlěje hač 20 lět swójsku pjekarnju na Kamjenskej Goethowej. 23. nowembra su kulojty jubilej swjećili.
Pjekarski mišter móže na wobšěrny kruh kupcow zhladować. Woni sej předewšěm waža, zo wukonja Dominik Zelnak swoje rjemjesło bjez industrielnych přidawkow. „Dam swojim ćěstam telko chwile, kaž trjebaja, zo bychu porjadnje zrawić móhli“, wón wuswětla.
Nowu mašinu přepodali
Bjaršec lěsniski zawod dale do noweje techniki inwestuje
Smječkecy/Nowy Šěrachow (aha/SN). W lěsu Budyskeho tachantstwa južnje Noweho Šěrachowa sy předwčerawšim dopołnja při najrjeńšim pózdnjonazymskim wjedrje słyšał, zo so wjacori tam zhromadźeni tež serbsce rozmołwjeja. Přičina bě, zo su monterojo firmy z mecklenburgsko-předpomorskeho Malchowa pod nawodom hłowneho jednaćela Güntera Josta Smječkečanskej firmje Achima Bjarša za lěsne posłužby nowu mašinu přepodali. W Finskej produkowany nastroj typa John Deere Rückezug je jedyn z najwjetšich mjenowaneje serije. Wob dźeń zamóže něhdźe 80 do 150 kubiknych metrow rězaneho drjewa pod ekstremnymi wuměnjenjemi na kromu lěsa transportować. Achim Bjarš swoje mašiny hižo dawno z Malchowa bjerje, česćo sej tak wukony nastupajo poradźowanje a zastaranje z trěbnymi narunanskimi dźělemi. Wosebje pak je Smječkečan nazhonił, zo finske předewazaće hižo wot lěta 1973 wuběrne mašiny produkuje, a to z wysokej kwalitu. Wone su z wosebitej chorhojčku woznamjenjene, štož wězo napadnje.
„Jako korčmar njemóžeš to rozumić“
Hižo dlěje hač měsac su hosćency korony dla zawrjene. Runje w dohodownym času bychu wone hewak tójšto wobrota měli. Kak z tym wobchadźeja, smy so w Jědlicy naprašowali.
Jědlica (SN/MWj). Mjeztym zo wobchodnicy starosćiwje na přichodnu póndźelu zhladuja, hdyž dyrbja swój wobchod začinić, je to za Hrebikec swójbu w Jědlicy pola Wotrowa hižo zwučeny staw. Mějićeljo tamnišeho woblubowaneho hosćenca ze žurlu, pensiju a winowej pincu hižo wot spočatka nowembra nikoho pohosćić njesmědźa. Wot lěta 1906 je hosćenc w swójbnym wobsydstwje. Mjeztym dźesać lět jón René Hrebik z mandźelskej Sandru wjedźe. Ale tajke struchłe časy ani wón ani jeho staršej hišće dožiwili njejsu. W normalnych časach sy tam předewšěm kónc tydźenja bjez přizjewjenja lědma městno dóstał. A zwjetša su wulki dźěl blidow serbske swójby z bliskosće wobsadźili. Mnozy dojědźechu sej tam tež składnostnje prěnjeho swjateho woprawjenja abo firmowanja.
Pjekarjow w Budyšinje wukubłać
Hižo w meji bě rozmyslowanje sakskeho kultusoweho ministerstwa k nowej syći powołanskich šulow w swobodnym staće wulke diskusije zbudźiło. Tak chcychu pjekarjow přichodnje w Zhorjelcu wukubłać. Nětko předleži naćisk za słyšenje.
