Miłoraz njetrjeba so zhubić
Z energijohospodarskeho wida za to přičiny njeje, rěka w nowej studiji
Drježdźany (SN/at). Wjes Miłoraz přesydlić z energijohospodarskich přičin trjeba njeje. To je jedne z hłownych dopóznaćow aktualneje studije k Rewiziji rewěroweho koncepta koncerna Łužiska energija a milinarnje (LEAG) 2021 wědomostnikow Němskeho instituta za hospodarske slědźenje (DIW) a Techniskeje uniwersity Berlin. Frakcija Zwjazka 90/Zelenych w Sakskim krajnym sejmje bě nadawk dała, zo měli Berlinscy wědomostnicy planowanja LEAG pod energijowohospodarskimi aspektami na plawsibilitu pruwować. Koawtor studije prof. dr. Pao-Yu Oei z DIW a klimowo- a energijopolitiski rěčnik frakcije Zelenych dr. Daniel Gerber staj wuslědki wčera online předstajiłoj.
Kandiduja za wólby zwjazkoweho sejma
Serbske Nowiny maja na hornjołužiskich direktnych kandidatow z wólbneju wokrjesow 156 a 157 slědowace prašenja:
Roland
Ermer nastupi we wólbnym wokrjesu 156 Budyšin za CDU.
Daniela
Trittmacher nastupi
za Die Basis we wólbnym wokrjesu 156 Budyšin.
Dirk Nasdala nastupi za Swobodnych wolerjow we wólbnym wokrjesu 156 Budyšin.5.Wobydlerjo w Němskej su dale a starši. Kak zaručiće, zo njespjećuja so waše rozsudy zajimam młodostnych?Caren Lay – Lěwica
1.Chcemy potrjechene kónčiny sylnić. Žadamy sej tuž klučowe připokazanki w poměrje 60:40 abo 70:30. Nimo toho trjebamy zmysłapołnu strukturu a z elektrifikaciju wožiwjene železniske čary. Chcemy demokratiske sobupostajowanje při rozdawanju srědkow zmóžnić, tež Domowina měła sobu wobzamkować směć.
2.Trjebamy přewrót wobchada, dele z dróhow na železniske čary. A dyrbimy wobnowjomne energije masiwnje wutwarić. To wunjese nowe dźěłowe městna, tež za naš region.
„Fachowe mocy jara požadane“
Zo předewzaća sobudźěłaćerjow pytaja, pokazuje so w přizjewjenych swobodnych dźěłowych městnach. W regionalnej dźěłowej agenturje rěča wo dalšim polěpšenju na dźěłowych wikach.
Budyšin (SN). Połoženje na wuchodosakskich dźěłowych wikach so tuchwilu zaso polěpša. Tale pozitiwna powěsć we wčerawšej rozprawje Budyskeje wotnožki Zwjazkoweje agentury za dźěło zwobraznja, zo so tudyše hospodarstwo po zdźěla restriktiwnych wobmjezowanjach předewšěm druheho lockdowna koronapandemije dla zaso zhraba. „W nimale wšitkich branšach předewzaća zaso personal pytaja, tež we wosebje potrjechenych wobłukach“, praji Ilona Winge-Paul, operatiwna jednaćelka Budyskeje agentury za dźěło, a mjenuje hóstne přemysło kaž wobłuki wuměłstwo, zabawu a wočerstwjenje.
Zdobywanje fachowcow dale w srjedźišću steji, tajkich maja sej předewzaća zawěsćić. Jedne zwěsćenje po słowach Ilony Winge-Paul dale płaći: „Poradźowanje a spěchowanje dalekubłanja w firmach přistajenych bytostnje na wuznamje nabywatej. Fachowe mocy su na dźěłowych wikach jara požadane.“
Dobrowólne ekologiske lěto w biosferowym rezerwaće
Zajimcam, kotřiž chcedźa so w škiće přirody a wobswěta angažować, pobrachuja často móžnosće. Runje młódša generacija je minjene lěta na přikład z hibanjom Fridays for future pokazowała, zo chce politisce skutkować. Tak skići dobrowólne lěto na přikład we wobłuku ekologije móžnosće, něšto zeskutkownić. Młodźi ludźo w starobje 16 do 27 lět smědźa so wo tajke prócować. Poskitki nańdu pola přirodo- a wobswětoškitnych institucijow. Hač we wobłuku biologiskeho ratarjenja, wobswětoweho kubłanja abo w institucijach, móžnosće su najwšelakoriše. Nimo angažementa móža zajimcy tajke lěto zdobom jako powołansku orientaciju wužiwać.
Wot septembra 2020 je Elisabeth Schmidt swoje dobrowólne ekologiske lěto w zarjadnistwje biosferoweho rezerwata Hornjołužiska hola a haty wukonjała, kotryž tež UNESCO přisłuša. Po tym zo bě loni w awgusće abituru złožiła, wužiwaše młodostna z Budyšina móžnosć, swoje praktiske nazhonjenja w „zelenych powołanjach“ zběrać a so tak hladajo na studijny směr zawěsćić.
Wagonownja Niska ze znatym nowym jednaćelom
Niska (UM/SN). Nišćanska wagonownja ma noweho jednaćela. Mjeztym połdra tydźenja nawjeduje Matúš Babík předewzaće w naslědnistwje Martina Weisenpachera. Eileen Müller z dźěłarnistwa IG metal wuchodneje Sakskeje rozsud wita. „Mějach hižo prěni dźeń zeznawansku rozmołwu z knjezom Babíkom. W njej so wujewi, zo podobnje myslimoj a hłuboko do stejnišća a do jeho přichodakmanych produktow wěrimoj. Mjeztym předleži prěni poskitk ze stron dźěłodawarja, kotryž budźemy w zhromadnym jednanju spočatk nowembra rozjimać.“ Dźěłarniska sekretarka poćahuje so na warnowanski stawk, wotměwacy so spočatk julija před wrotami ELH wagonownje Niska twzr. Tehdy bě so njewola dźěławych a IG metal mjez druhim přećiwo tomu měriła, zo njeje dotalne jednaćelstwo předewzaća hladajo na tarifowe žadanje za šěsć procentami wjace mzdy zwólniwe było tomu wotpowědować. Při čimž je tele žadanje moderatne, wučinja dźě wotstawk k přestrjenjowemu tarifej 20 procentow.
Wažny signal
Z mobilnej operatiwnej jednotku
Zaměrowy zwjazk Łužiska jězorina Sakskeje móže swój personal za přichodne lěta zaměrnje rozšěrić. Jemu přewostaja ze zwjazkoweho programa „STARK“ (skrućenje transformaciskeje dynamiki w zazběhu w rewěrach a w stejnišćach wuhlowych milinarnjow) 1,26 milionow eurow spěchowanskich srědkow.
Wojerecy (AK/SN). Mjenowany zaměrowy zwjazk móže ličbu dotal štyrjoch personalnych městnow na dźewjeć powjetšić. Doba přizwolenja zahaji so 1. septembra a traje najprjedy raz štyri lěta. Nimo toho je móžno projekt podlěšić.
„Wjeselimy so nad tymle wuspěšnym přewostajenjom spěchowanskich srědkow a dźakujemy so Zwjazkej za spožčenu podpěru“, podšmórnje Michael Harig, Budyski krajny rada a předsyda zaměroweho zwjazka. „Ze spěchowanskimi srědkami budźe nětko móžno, so do skrućenja strukturow našeho zaměroweho zwjazka podać a tak strategiske zaměry čłonow zwjazka w sakskim dźělu łužiskeje jězoriny bóle forsěrować.“
Kandidaća za LEX 2021 jasne
Hospodarska iniciatiwa Łužica (WiL) je kandidatow lětušeho 17. wubědźowanja za załožićelow eksistency LEX nominowała. Myće chcedźa dobyćerjomaj spočatk septembra w Lěšćach (Hornow) přepodać.
Choćebuz (SN/bn). „Nominowani wusahuja ze swojimi konceptami z kwalitatiwnje wysokohódnotneje lisćiny kandidatow. Dźakuju so wšitkim wobdźělnikam za jich zmužitosć a za jich kreatiwitu – pandemija je wosebje załožićelam dosć wužadowacy čas“, cituje nowinska zdźělenka WiL předsydu předstejićelstwa iniciatiwy a nawodu wubědźowanskeje jury dr. Markusa Bindera.
Dohromady je so lětsa 69 wobdźělnikow ze cyłkownje 32 hospodarskimi planami wo LEX 2021 požadało. Wěcywustojna jury, zestajana z fachowcow industrije, rjemjesła a wikowanja, je namjety pruwowała a štyrjoch finalistow wuzwoliła. 2. septembra chcedźa dobyćerjomaj myće „Najlěpši předewzaćelski koncept“ resp. „Najlěpši šulerski předewzaćelski koncept“ w cyłkownej hódnoće 10 000 eurow w Lěšćach přepodać. Hakle potom kandidaća – a z nimi tež zjawnosć – zhonja, za koho je so jury rozsudźiła.
