Hudźbne talenty spodobny tydźeń přežiwili
Serbski ludowy ansambl lětsa prěni raz „Prózdniny z twojim instrumentom“ wuspěšnje přewjedł
„Prózdniny z twojim instrumentom“ – to bě hesło prózdninskeho přebytka cyłkownje třinaće holcow a hólcow 5. do 8. lětnika w prěnim tydźenju nazymskich prózdnin w Budyskej młodowni blisko domu Serbskeho ludoweho ansambla. Pod nawodom serbskeju naslědneju hudźbneju pedagogow Christiany Bukec a Jana Brězana wukmanjachu so woni w hraću na swojich instrumentach. Po wšědnje wjacorych probach a napinanjach pak móžachu młodźi hudźbnicy sobotu, 23. oktobra, swoje kmanosće na žuli Budyskeho Serbskeho domu publikumej předstajić. Božena Šimanec a Samuel Žur běštaj za Serbske Nowiny wćipnaj a staj so wobdźělnikow prěnjeho tajkeho wosebiteho prózdninskeho lěhwa, kotrež je Serbski ludowy ansambl zarjadował, za tym prašałoj, čehodla su so wobdźělili a kak tydźeń intensiwneho hudźenja a zwučowanja posudźuja.
Matej Šuster z Worklec – hraje na gitarje:
Forum njebudźe
W muzeju stawizny města zeznali
Lětanski simulator předstajili
Kónčne wuswědčenja přepodali
Prawy puć
Poradźeny kónc tydźenja
Wodowe Hendrichecy (SN/bš). Něhdźe 60 serbskich dźěći a jich staršich je so minjeny kónc tydźenja na prěnim zetkanju serbskich swójbow z Hornjeje a Delnjeje Łužicy wobdźěliło. Hač z Bad Freienwaldy, Drježdźan abo Janšojc, hač z ćahom abo awtom – witajo ideju su sej wone rady do Wodowych Hendrichec dojědźechu. Projekt Serbskeho šulskeho towarstwa steješe pod hesłom „Kokoška na nazymskim pućowanju“ a bě spěchowany přez załožbu za serbski lud.
Nowy semester zahajeny
Europska uniwersita Viadrina pak wjace hač tysac studowacych zhubiła
Frankfurt nad Wódru (RD/SN). Z nimale 5 000 studowacymi je Europska uniwersita Viadrina Frankfurt nad Wódru dźensa do nazymskeho semestra 2021/2022 startowała. Wo tym informowaše prezidentka Viadriny prof. dr. Julia von Blumenthal minjeny štwórtk na nowinarskej konferency. Tež hdyž poslednje zapisanja hišće běža, woznamjenja podata ličba drastiski spad. Dokładnje 6 020 studowacych bě w nazymskim semestrje 2019/ 2020, poslednim do koronapandemije, na Frankfurtskim wysokošulskim kubłanišću zapisanych. Hižo tehdy bě Viadrina wo tójšto wot rekordneje ličby zdalena, docpěteje w lěće 2016 ze 6 716. Přičiny hoberskeho spada nimo korony mjenowali njejsu.
Nazymska zaběra w internaće
Nowy semester na Instituće za sorabistiku zahajeny
Lipsk (SN/JBo). Na Instituće za sorabistiku Lipšćanskeje uniwersity su wčera nowych studentow witali. Dohromady dźewjeć nowačkam přeješe nawoda instituta prof. Edward Wornar dobry start do noweho žiwjenskeho wotrězka.
Za studij wučerstwa su so šěsć hornjoserbskich a jedna delnjoserbska studentka rozsudźili. Mjez nowačkami je runje tak jedna hornjoserbska studentka a jedyn student z Pólskeje, kotrajž wotnětka w Lipsku sorabistiku na magistra studujetaj. Prof. Wornar rozłoži přitomnym studentam a studentkam kaž tež hosćom wažnosć słowjanskich rěčow k rozumjenju serbšćiny. Z Łužicy běchu sej předsyda Domowiny Dawid Statnik, kubłanska referentka třěšneho zwjazka Kathrin Suchec-Dźisławkowa, sobudźěłaćerka Rěčneho centruma WITAJ Manuela Smolina, předsydka Serbskeho šulskeho towarstwa Katharina Jurkowa a z Budyskeje wotnožki Krajneho zarjada za šulu a kubłanje zamołwity za serbske kubłanišća Bosćij Handrik dojěli. Tež prof. Goro Christoph Kimura z Japanskeje, kiž tučasnje w Lipsku bydli, bě wčera přitomny.
