rjadownja 9b: Mandy Alena Fries, Marie Tscharntke, Richard Jens Lehmann, Richard Pischtschan, Nils Robel Foto: Feliks Haza

Wyša šula „Korla Awgust Kocor“ Kulow

štwórtk, 29. junija 2017 spisane wot:
rjadownja 10a: Antonia Baltz, Laura-Sophie Böhme, Hanna Bresan, Anita Elstner, Silvia Elstner, Michelle Milk, Vicky Rehnus, Clara Antonia Scholz, Emilie Stoppel,­ Josefin Wendt, Clemens Graf, Nicolas Heinrich, Konrad Kokel, Konstantin Linke, Antonio Mark, Niels Markgraf, Paul Mickel, Markus Rang, Max Scholze, Martin Stoppel Foto: Andreas Rümcke

rjadownja 10b: Jessica Buchheim, Lena Günther, Alina Klose, Michelle Kowalick, Leah Kretschmer, Jessy Mietsch, Dorothea Tanneberger, Francy Ullrich, Theo Gasch, Maximilian Haubold, Nils Hölzner, Jamie Kaiser, Tony Leifer, Jonas Neumann, John Schmidt, Eric Stolarski Foto: Andreas Rümcke

rjadownja 9HS: Lina Frenzel, Jolina Klinge, Justine Schiemenz, Benedikt Mickel, Tobias Schmidt, Dominik Sengbusch Foto: Andreas Rümcke

Dźěći přežiwjeja rjane dny z LIPU

štwórtk, 29. junija 2017 spisane wot:
Runja minjenym lětam organizuje Smjerdźečanske swójbne srjedźišćo LIPA zaso dźěćacy prózdninski poskitk. Na nim wobdźěla so tuchwilu dwanaće serbskich dźěći w předšulskej starobje. Wone zhromadnje sportuja, sej hrajkaja a so kupaja, kaž tule w Kulowskej lěsnej kupjeli. Nimo toho zaběraja so ze strowym zežiwjenjom a na přikład pod nawodom kubłarkow swój wobjed same warja. Prěni raz přewjedźe LIPA dalši tajki tydźeń přidatnje kónc prózdnin. Foto: Alfons Handrik

Porjedźenka

štwórtk, 29. junija 2017 spisane wot:
W rozprawje wo abibalu Budyskeho Serbskeho gymnazija 19. junija smy mylnje pisali, zo móžeše předsydka SŠT maturantam, kotřiž su so za studij wučerstwa roz­sudźili, wosebite zrěčenje přepo­dać. To njewotpowěduje wěrnosći, wšako leži tole w zamołwitosći Sakskeje kubłanskeje agentury. Awtor prosy wo wodaće. SN

Radworska šula „Dr. Marja Grólmusec“ bu 1926 jako wjesna šula załožena, do kotrejež přewažnje dźěći serbskeho pochada chodźachu. W samsnym šulskim twarjenju wuknjechu mjeztym generacije dźěći z Radworja a wokoliny. Wot časa politiskeho přewróta je Brigita Grundmannowa zakładnu šulu nawjedowała a bu kónc šulskeho lěta 2016/2017 na wuměnk rozžohnowana. Jeje najlubše městno na šuli bě mjez dźěćimi.

Na Radworskej zakładnej šuli skutkowaše minjene šulske lěto 15 wučerkow. A wuknyło je tam 168 dźěći 1. do 4. lětnika, mjez nimi mnohe z němskorěčnym pozadkom. Wšitke pak su so na wučbje serbšćiny wobdźělili. „Prócujemy so wšitkich šulerjow we woběmaj rěčomaj derje kubłać. To je naš prěni zaměr. Dokelž maja šulerjo wšelake wuměnjenja je wažne wědźeć zo něšto wosebje derje móža. Tak je ‚šula pod słóncom‘, hesło našeho dźěła“, Brigita Grundmannowa wuzběhnje.

Koncepciju 2plus zwoprawdźić

Nowa hotline požadarjam

srjeda, 28. junija 2017 spisane wot:

Drježdźany (SN/JaW). Sakska kubłanska agentura (SAB) poskića ze swojimi regionalnymi wotnožkami wot dźensnišeho wšitkim požadarjam wo wučerske městno w Sakskej nowy serwis. We wšěch wotnožkach maja wot dźensnišeho serwisowu hotline, piše sakske ministerstwo za kultus w nowinskej zdźělence. „Tam poradźuja fachowcy SAB zajimcow w prašenjach k požadanju a přistajenju w sakskim šulstwje kaž tež wo zwoprawdźenju paketa wučerskich naprawow“, kaž z ministerstwa rěka. Telefoniske poradźowanje poskićeja w Budyskej wotnožce kubłanskeje agentury pod čisłom 0160/984 77 525 stajnje wot póndźele do pjatka wot 8 do 17 hodź. Kaž kultusowe ministerstwo dale zdźěla, móža zajimcy za wučerstwo swoje prašenja k poža­danju a paketej wučerskich naprawow tež pod e-mailowej adresu wotbyć.

Ministerstwo kroči njewšědny puć, zo by wo wučerjow wabiło. Bě dźě so wjele mjenje zajimcow přizjewiło, hač su k zaručenju wučby na šulach trěbni.

Pisany kwěćel dźěćaceje zabawy

póndźela, 26. junija 2017 spisane wot:

Chrósćicy (SN/BŠe). „W kraju wjesołych dźěći“ bě hesło sobotneho popołdnišeho programa na Chróšćanskim Krawčikec dworje. Najmłódši sobuskutkowacy folklorneho festiwala wjedźechu přihladowarjow do wosebiteho paradiza, tworjo skónčnje pisany kwěćel dźěćaceje zabawy. Program zahajił bě dorost Smjerdźečanskeje rejwanskeje skupiny. Delnjoserbski dźěćacy a młodźinski ansambl přednjese skerje cunje zynki. Tři rejwarki z Delnjeje Łužicy pak překwapichu z modernym breakdancom.

Wjelelětnu nawodnicu Radworskeje zakładneje šule Brigitu Grundmannowu (wobraz nalěwo) su po 25lětnym skutkowanju w tymle zastojn­stwje dźensa na zasłuženy wuměnk rozžohnowali. Tež nawodnica Worklečanskeje zakładneje šule Lucija Kuškec (naprawo) je so z dźensnišim poslednim šulskim dnjom do renty podała. Foto: Bianka Šeferowa/Feliks Haza

nawěšk

SERBSKE NOWINY podpěruja:

Novi Sad – kulturna stolica Europy

nowostki LND