Wulki hołk a tołk knježeše cyły kónc tydźenja na Budyskim nalěću. Tu dožiwichu wopytowarjo wot pjatka hač do wčerawšeho wječora při najrjeńšim wjedrje wjele hudźby a kulinariske zajimawostki. Wo dobru naladu postara so mjez druhim ansambl ­Lidová muzika z Chrástu, kotryž měješe tohorunja serbske štučki w programje. Foto: Carmen Schumann

Krótkopowěsće (28.05.18)

póndźela, 28. meje 2018 spisane wot:

Dalše pjenjezy k dispoziciji

Drježdźany. Za mjezy přesahowace projekty su dalše 7,4 miliony eurow z programa Interreg Pólska-Sakska 2014–2020 k dispoziciji, zdźěli wčera sakske wobswětowe ministerstwo w Drježdźanach. Spěchować maja so zhromadne přirodne a kulturne herbstwo, regionalna mobilita, mjezy přesahowace wu- a dalekubłanja kaž tež partnerske zhromadne dźěło.

Slědźa w nadawku UNESCO

Choćebuz. UNESCO je prof. dr. Annu Amelinu jako mějićelku specifiskeje katedry w fachowym wobłuku mjezykul­turalita Braniborskeje techniskeje uniwersity (BTU) Choćebuz-Zły Komorow wobkrućiła, kaž BTU dźensa wozjewi. Delnjołužiske wysokošulske kubłanišćo přisłuša wubranej syći dwanaće katedrow po cyłej Němskej za přeslědźenje kulturneho namrěwstwa UNESCO.

Hudźbny festiwal zahajeny

Zazběh wobnowjenja znateho mosta

pjatk, 25. meje 2018 spisane wot:
Na mjeztym 54. parkowy a kćenjowy swjedźeń w Kromolanskim parku staj kćenjowa kralowna Stefanie Engler a Jabłoński wjesnjanosta Dietmar Noack (CDU) minjeny kónc tydźenja tysacy hosći witałoj a jim k zahajenju sud piwa wudałoj. Jedyn z wjerškow bě zazběh saněrowanja znateho Rakec mosta w parku. Po lětadołhich prócowanjach dóstachu za to nětko spěchowanske srědki. Za dohromady 2,4 miliony eurow móža móst tuž wobnowić a tež parkej nowe wobličo dać. Jedyn z hudźbnych wjerškow bě njedźelu wustup znateje spěwarki Stefanie Hertel z jeje kapału. Tež přehladka oldtimerow je wjele ludźi přiwabiła. Foto: Martina Arlt

Policija (25.05.18)

pjatk, 25. meje 2018 spisane wot:

Konjacy zapřah twochnył

Njedźichow. Bjez kontrole bě zawčera­wšim připołdnju konjacy zapřah w Njedźichowje po puću. 65lětny wobsedźer bě swojej konjej runje před wóz zapřahnył, jako so jedyn z njeju stróži a poda so hromadźe z tamnym konjom a wozom po Kulowskej dróze do směra na zwjazkowu dróhu B 97. Tam powali zapřah wobchadne znamjo. Připadnje přitomnemu znatemu wobsedźerja brunačow so po­radźi zapřah zadźeržeć. Ludźo so při ­„wulěće“ na zbožo žani zranili njejsu, ­jedyn z konjow so při klamje zrani.

Na muzejowy swjedźeń

pjatk, 25. meje 2018 spisane wot:

Njeswačidło. Mjeztym hižo 14. muze­jowy swjedźeń wotměje so njedźelu, 27. meje, wot 13 hodź. na Njeswačanskim torhošću. Wo lóštnu zabawu postara so tam hudźbne ćěleso Morawscy wagabundźa. Tež woblubowane rjemjeslniske wiki zaso na Parkowej a na dwěmaj dworomaj přewjedu. Wětrowski klub oldtimerow so tohorunja předstaji. Dźěći zakładneje šule rejuja publikumej k wjeselu. Tež zumba a aerobic-poskićenja steja na programje. Dale budu wopytowarjo na cyrkwinu wěžu zalězć móc. W domi­zniskim muzeju a w hrodowym parku su wodźenja předwidźane. Wjesne towarstwo Přećeljo domizny a kultury wjeseli so na mnohich zajimowanych wopytowarjow.

Na zjawny přednošk

Budyšin. Wjacerěčnosć jako wužadanje a wobohaćenje je tema zjawneho přednoška w Budyskim Serbskim instituće štwórtk, 31. meje, w 14 hodź. Referować budźe prof. dr. Dieter Halwachs z Uniwersity Graz, a to wo aktualnej rěčno-kulturnej mnohotnosći w Grazu. Přednošk budźe němskorěčny.

Brigada dwójce koncertuje

Tučasne poměry njespokojeja

pjatk, 25. meje 2018 spisane wot:

Delanscy radźićeljo bychu rady wjace za swoju gmejnu wuskutkowali

Róžant (JK/SN). W gmejnje Ralbicy-Róžant je dźeń a ćešo nadawki na dobro komuny a wobydlerjow zmištrować. Byrnjež za najwšelakoriše projekty spěchowanske srědki dóstała, ma gmejna postajeny swójski podźěl zwjesć. Hižo tón pak jeje tuchwilne móžnosće často přesahuje. Hladajo na trěbny nowotwar pěstowarnje w Ralbicach je to chutny a dorazny signal politikarjam, poměry změnić. To bě tež wuprajenje wjacorych radźićelow na wčerawšim posedźenju gmejnskeje rady. Sakska a Zwjazk w pjenjezach runjewon płuwatej, gmejny pak njemóža najwažniše nadawki zwoprawdźić.

Nowy wonkowny napohlad dóstawatej tele dny dwě postawje na dworje klóštra Marijineje hwězdy w Pančicach-Kukowje. ­Tak ponowjataj Handrij Rjelka a Karl-Heinz Mittag (na wobrazu) čěskeho lawa studnje před klóšterskej cyrkwju. Tež postawa swj. Marije dóstawa nowy napohlad, štož wobstara Rjenčec firma z Dobrošic. Najpozdźišo ke klóšterskemu a swójbnemu ­swjedźenjej srjedź junija budźetej wobě postawje hotowej a róšty wottwarjene. Foto: SN/Maćij Bulank

Krótkopowěsće (25.05.18)

pjatk, 25. meje 2018 spisane wot:

Chce so z kulturnej stolicu stać

Žitawa. Město Žitawa chce so ze swojej němsko-pólsko-čěskej wokolinu wo titul europskeje kulturneje stolicy 2025 požadać. Po słowach wyšeho měšćanosty Thomasa Zenkerta (Žitawa móže wjace) zdźěłaja přichodne měsacy koncept. Hornjołužiske města, wokrjes Zhorjelc a susodźa w Čěskej a Pólskej požadanje podpěruja. Nimo toho maja kooperaciske zřěčenje ze słowjenskej Novej Goricu, kotraž so tohorunja wo titul prócuje.

Nowe čisło digitalnje wušło

Budyšin. Dalše čisło informaciskeho łopjena „Naša Domowina digitalnje“ je dźensa wušło, kaž Domowinski zarjad zdźěla. Temy mjez druhim su zwołanje 19. hłowneje zhromadźizny Domowiny kaž tež přeprošeni na dźeń wotewrjenych duri w Muzeju Měrćina Nowaka-Njechorńskeho a na VIII. mjezynarodny festiwal dudakow w Slepom.

Měnjernje skónčnje fairniše?

Wulki swjedźeń z nowosćemi

štwórtk, 24. meje 2018 spisane wot:

Budyšin (SN/MWj). Drje runje prawe wjedro wupytali su sej organizatorojo 1 016. Budyskeho nalěća, kotrež so wot jutřišeho hač do njedźele w sprjewinym měsće wotměje. Po wěšćenju wjedrarjow chce swjaty Pětr Budyšanow a jich hosći z wjele słóncom a lětnimi temperaturami zapleńčić. Wonkowne wuměnjenja za wulki měšćanski swjedźeń njemóhli tuž lěpše być. Tež wobsahowje su sej zamołwići w radnicy tójšto wumyslili. Wjace hač 500 sobuskutkowacych wuhotuje na Žitnych wikach, Hłownym torhošću a Mjasowych wikach kulturne programy. Nowe budźe jewišćo w saněrowanej rozwalinje Mnišeje cyrkwje na Wulkej Bratrowskej. Dalša nowosć je limitěrowany nopach z Budyskim motiwom, kotryž hodźi so wšudźe wróćić abo tež sobu domoj wzać.

Za „Krónu“ kompromis našli

štwórtk, 24. meje 2018 spisane wot:

Wo přichodźe měšćanskeje hale hišće ničo njerozsudźene

Budyšin (CK/SN). Po ani poł hodźinje bě wčerawše wurjadne posedźenje Budyskeje měšćanskeje rady nimo. W jeničkim dypku dnjoweho porjada je so přemóžaca wjetšina radźićelow za to wuprajiła, wo kupje „Króny“ znowa jednać. Dwaj radźićelej so hłosa wzdaštaj. Hižo na posedźenju 25. apryla bě dwaceći radźićelow za kup hłosowało, ale tež jědnaće přećiwo njej. Na to zapołoži wyši měšćanosta Alexander Ahrens (SPD) swój weto, hłownje tohodla, dokelž njebě jasne, za čo ma so areal wužiwać. Kaž wón informowaše, je runje wčera twarske naprašowanje do radnicy dóšło, a to wot ludźi, kotřiž so za „Krónu“ hižo zajimowachu, jako le­žeše płaćizna hišće pola 3,4 milionow ­eurow.

Serbska debata

nowostki LND