Krótkopowěsće (25.10.17)

srjeda, 25. oktobera 2017 spisane wot:

Piraća najtuńši byli

Praha. Čěska powěsćowa agentura čtk je nakłady kampanjow jednotliwych politiskich stron w njedawnych parlamentnych wólbach wozjewiła. Přeličene na jednoho zdobyteho wolerja wopokazachu so jako „najtuńši“ Piraća (58 centow za jedyn wolerski hłós). Dobyćer wólbow, hibanje ANO, wuda w tym zwisku 2,3 eura na wolerja a „najdróša“ strona TOP 09 samo 9,2 euraj.

George Young njebohi

Sydney. Wjelelětny manager skupiny AC/DC George Young je njedźelu w starobje 70 lět zemrěł. Starši bratr tohorunja w najwuspěšnišej hardrock-band hrajaceju Angusa a Malcolma bě mjez druhim zamołwity za organizaciju turnejow a nahrawanjow. Nimo toho skutkowaše jako producent a spěwytwórc.

Lipsk na „biblioteku lěta“

Lipsk. Sakske statne ministerstwo za wědomosć a wuměłstwo je zhromad­nje z Němskim zwjazkom knihownjow wčera­ Wysoku šulu za hudźbu a dźi­wadło „Felix Mendelssohn Bartholdy“ Lipsk jako „biblioteku lěta“ wuznamje­nił. Mjez druhim mytowachu jeje sylnu inowaciju wosebje na polu digitaliza­cije. Myto je z 10 000 eurami dotěro­wane.

Kehelerjo Sokoła podleželi

Policija (24.10.17)

wutora, 24. oktobera 2017 spisane wot:

Bencin z BMWja wotklumpali

Biskopicy. Paduši njekradnu ćěriwo jeno z nakładnych awtow, w nocy na njedźelu činjachu to w Biskopicach tež pola wosoboweho awta typa BMW. Po tym zo běchu wěko tanka namócnje wočinili, wotklumpachu 20 litrow bencina a načinichu tak dohromady 80 eurow škody.

Předstaja knihu

wutora, 24. oktobera 2017 spisane wot:

Budyšin. Nowu knihu Pawoła Roty „Z kameru a pisakom po Delanach“ předstaja štwórtk, 26. oktobra, w 19.30 hodź. w Budyskej Smolerjec kniharni. Zaměrnje a z wulkej přichilnosću je Pawoł Rota ze swojimi njeličomnymi přinoškami, powědkami a basnjemi w běhu lětdźesatkow Delanam w serbskim pismow­stwje trajny pomnik stajił. Na knižnym předstajenju čitaja wurězki z jeho knihi. Awtor budźe přitomny.

Socialne poradźowanje

Hlinka. Zapósłanc Sakskeho krajneho sejma a prawiznik Hajko Kozel (Lěwica) přeproša pjatk, 27. oktobra, na darmotne socialne poradźowanje do rumnosćow „Stareje šule“ w Hlince (Cunnersdorf) w gmejnje Schönteichen. Zhromadnje z prawiznikom Gregorom Janikom, w socialnym prawje wosebje wobhonjenym, skići wón pomoc při rozrisanju problemow, kotrež so často w socialnych prašenjach jewja. Poradźowanje wotměje so wot 13 do 16 hodź.

Mjezynarodny flair w hosćencu

wutora, 24. oktobera 2017 spisane wot:

Klukš (HN/SN). Wot lětušeho swjedźenja Božeho spěća wobhospodarja 45lětny Madźar Attila Horváth něšto lět zawrjeny Klukšanski hosćenc, kotremuž je wón nowe žiwjenje zadychał. Ze swojej žiwjenskej towaršku, docentku za madźaršćinu a němčinu, bydli wón w Budyšinje. Tu zajimuje so wón jara za stawizny, kotrež­ wšak su z madźarskim kralom Matthiasom Corvinusom zwjazane.

Jónu zwóńk – stajnje zwóńk

wutora, 24. oktobera 2017 spisane wot:

Wo swojich dožiwjenjach w běhu nimale poł lětstotka jako zwóńk w najwjetšej simultanej cyrkwi Němskeje a jako sobudźěłaćer Budyskeho tachantstwa za najwšelakoriše nadawki je Handrij Njek wězo tójšto dožiwił. Njedawno wědźeše wón serbskich seniorow we wobłuku jich měsačneho zetkanja ze swojim fenomenalnym pomjatkom na něštožkuli dopomnić, štož běchu zdźěla tež sami dožiwili. Ze swojim šibałym wašnjom zamóže wón tež derje zabawjeć a někotružkuli zwažliwu naležnosć złahodźić. Byrnjež so po 47 lětach słužby loni do renty po­dał, „zaby wón na wuměnk hić“. Bydli dale na tachantstwje a spjelnja hišće kopicu nadawkow. Tak widźi w tymle powołanju swójske powołanje: jónu zwóńk – stajnje zwóńk.

Předpisy dźěło poćežuja

wutora, 24. oktobera 2017 spisane wot:

Zarjadnistwa gmejnow a zarjadniskeho zwjazka trjebaja dobry dorost

Róžant/Pančicy-Kukow (JK/SN). Jako je na minjenym posedźenju gmejnskeje rady­ Ralbicy-Róžant dotalny zastupowacy wjesnjanosta Tomaš Bjeńš próstwu, jeho z funkcije wotwolić, wopodstatnił, poda wón jako přičinu rozsuda mjez druhim njespokojace zarjadniske struktury a wobćežnosće w gmejnje kaž tež w zarjadniskim zwjazku Při Klóšterskej wodźe. W tym dypku staj jemu wjesnja­nosta Hubertus Ryćer (CDU) kaž tež předsyda zarjadniskeho zwjazka Měrko Domaška přihłosowałoj.

Diskusija znowa rozpłomjeniła

wutora, 24. oktobera 2017 spisane wot:

Wo škiće wjelkow w Sakskej znowa wótrje diskutuja. Přičina je najmłódši podawk pozdatneho nadpada wjelka abo wjelkow pola Łazka. Wowčer Swen Šlafka bě tam předwčerawšim wjacore zahinjene wowcy našoł.

Łazk/Budyšin/Rěčicy (SN/JaW). Wjelki staraja so w Budyskim wokrjesu znowa wo wótre diskusije. Kaž mnohe regionalne medije, tež Serbske Nowiny, wčera hižo rozprawjachu, běchu njedźelu pola Łazka wjacore wowcy mortwe našli. „15 skoćatow bu morjenych, dalše hišće pytaja“, zdźěli wčera medijowy rěčnik krajnoradneho zarjada Gernot Schweitzer na naprašowanje SN. „Posudźowarjo njemóža wjelka jako skućićela wuzamknyć, byrnjež stadło z elektropłotom a předpisanym bantom škitane było“, Schweitzer rozjasni. Mortwe skoćata hromadu znosyć pomhachu njedźelu wowčerjej Swenej Šlafce, kotremuž stadło słuša, mnozy pomocnicy a wohnjowa wobora.

Krótkopowěsće (24.10.17)

wutora, 24. oktobera 2017 spisane wot:

Dalše spěchowanje

Drježdźany. Sakske statne ministerstwo za wědomosć a wuměłstwo (SMWK) chce wysoke šule a slědźerske zarjadnišća při próstwach wo spěchowanske programy Europskeje unije z přidatnym milionom eurow podpěrać. Za to je SMWK spěchowansku směrnicu EuPro­Net zdźěłało.

Realistiske rozestajenje trěbne

Choćebuz. Łužiska hospodarska iniciatiwa (WiL) kritizuje minjeny štwórtk wot organizacije AGORA energijowy přewrót wozjewjenu studiju „Přichod za Łužicu“ (SN rozprawjachu). Tam žadana lětna spěchowanska suma 100 milionow eurow njeje wjace hač kapka na horcy kamjeń. LEAG wšědnje 2,5 milionow eurow za nadawki a mzdy we Łužicy wudawa. Je trjeba so realistisce z tymle procesom rozestajeć, rěka ze stron WiL.

Za nowy młodźinski orchester

Kermušne wjesela na nawsy

póndźela, 23. oktobera 2017 spisane wot:
Chróšćenjo a wobydlerjo wokolnych wsow swjećachu wčera kermušu. Při tej składnosći wabjachu jich na tamnišej nawsy zaso kermušne wjesela z karuselom a wja­corymi budkami. Bjez dźiwa, zo knježeše tam při přijomnym wjedrje čiłe žiwjenje. Předewšěm swójby z dźěćimi tónle poskitk we wulkej ličbje wužiwachu. Tež Marće a Benej (prědku) je so na karuselu spodobało. Foto: SN/Maćij Bulank

Rozestajenja wo wopłóčkach, kajkež mějachu je něhdy w Delanach a před lětami we Wotrowje, su nětko tež Wulke Ždźary a Koblicy dosćahnyli. Wobydlerjo du tam na barikady.

Łaz (AK/SN). Prócowanja wo dołhodobne a nošne wotwodźowanje wopłóčkow we Wulkich Ždźarach a Koblicach dale traja. Wjace hač 50 potrjechenych je sej na zašłym posedźenju Łazowskeje gmejnskeje rady žadało, zo měła so wola wobydlerjow respektować. Z wosom přihłosowanjemi, jědnaće přećiwjenjemi a wzdatymaj hłosomaj gmejnscy radźićeljo globalne wobličenje, kalkulaciju popłatkow kaž tež wopłóčkowe wustawki za Koblicy a Wulke Ždźary wotpokazachu. Gmejna bě centralne wotwodźowanje z ćišćowej připrawu namjetowała. Wobydlerjo žadaja sej porno tomu system z přirodnym spadom. „Technisce je to bjeze wšeho móžno“, praji Horst Alte z Kulowskeho inženjerskeho běrowa. Po jeho měnjenju pak bychu přidatne klumpy trěbne byli. Popłatki bychu dimensije docpěli, kotrež njebychu prawnisce zastupujomne byli.

Serbska debata

nowostki LND