Ekskursija do jastwa
Budyšin. Powołanskoinformaciski centrum Budyskeje agentury za dźěło přeproša zajimowanych młodostnych na zarjadowanje do Budyskeho jastwa. Pjatk, 31. meje, w 10 hodź. chcedźa tam wukubłanje na justicneho zastojnika/justicnu zastojnicu předstajić. Zajimcy změja składnosć, nadrobne informacije takrjec z prěnjeje ruki dóstać a so zdobom z dźěłowym wobłukom na městnje zeznajomić. Jim posrědkuja dale pokiwy za požadanje a za wuběr požadarjow a rozłoža wuměnjenja, wobsahi wukubłanja a pozdźiše powołanske perspektiwy. Wopyt jastwa je jenož z płaćiwym personalnym wupokazom móžny. Wobmjezowanych městnow dla měli so zajimcy pěrizjewić, a to pod telefonowym čisłom 03591/ 661 410 abo pod .
W Koćinje pozastać
Přećelny personal a čerstwy lód
Dobry wothłós na wužitnu akciju
Smječkecy/Łaz (AK/SN). 48hodźinska akcija Budyskeho wokrjesa skruća zhromadnosć a socialnu žiłku w młodostnych. To podšmórny Worklečanska šulska socialna dźěłaćerka Franciska Zopic minjeny pjatk w Kulowje. „Socialny angažement je za šulerjow wažne nazhonjenje“, wona zwurazni a přepoda zakładnym šulerjam pokal a wopismo za jich wobdźělenje. Woni běchu insektowe hotele zhotowili. Druzy barbjachu skaterowe nastroje při měšćanskim haće. Kulowčenjo słušachu minjeny kónc tydźenja k wjace hač 1 000 wobdźělnikam lětušeje akcije. W 93 skupinach angažowa- chu so šulerjo Budyskeho wokrjesa za socialne, ekologiske, kulturne a politiske projekty.
Meja na nowym městnje stała
Posledni mejski kónc tydźenja su na mnohich městnach za to wužiwali, swoju meju powalić, zhromadnje swjećić a a so zabawjeć. Rjany nałožk pěstuja kóžde lěto tež w Pěskecach.
Pěskecy (aha/SN). Minjeny kónc tydźenja swjećachu w Pěskecach mejemjetanje. Wo jeje přihot a přewjedźenje postara so 20 čłonow wopřijacy młodźinski klub ze swojim hakle 18lětnym předsydu Aleksandrom Wałdu. Połtřeća lěta ma wón, kiž je tele dny poslednje abiturne pruwowanje na gymnaziju złožił a bórze studij wučerstwa w Lipsku nastupi, wotežki młodźinskeho kluba w rukomaj. Nowe w Pěskecach lětsa bě, zo stajichu meju na sewjernej stronje zboka gratownje wohnjoweje wobory. Je to mjeztym třeće městno, na kotrymž meja steji.
Nowe tež bě, zo staj Patrick Šołta a Křesćan Bejmak z dźewjeć porami Šewsku, Katyržinku, Hory módre a samo modernu reju nazwučowałoj.
Třo Serbja do wokrjesneho sejmika wuzwoleni
Jedyn wólbny wokrjes je we wčerawšim rozprawnistwje SN wo wólbach Budyskeho wokrjesneho sejmika pobrachował, zo by dospołny wuslědk předležał. Tón bu po připołdnju wozjewjeny. Serbske wolerske zjednoćenstwo (SWZ) změje znowa runja CDU a Lěwicy jednoho wokrjesneho radźićela.
Budyšin (SN/at). Dawid Statnik za CDU (2 397 hłosow), Jan Budar za Serbske wolerske zjednoćenstwo (508 hłosow, wobaj wólbny wokrjes 12) a Hajko Kozel za Lěwicu ( 1 958 hłosow, wólbny wokrjes 6) su woni třo Serbja, kotřiž budu w nowym Budyskim wokrjesnym sejmiku sobu dźěłać. Jeničke wuměnjenje nětko je, zo woni wólby přiwozmu.
Ze snadnuškim předskokom 0,3 procentow je Alternatiwa za Němsku (AfD, 29,4 procenty) wólby Budyskeho wokrjesneho sejmika před CDU (29,1 procent) dobyła. Nowemu wokrjesnemu sejmikej přisłuša 98 wokrjesnych radźićelow. Konstituowace posedźenje je za póndźelu, 12. awgust, předwidźane.
Krótkopowěsće (28.05.19)
Myto dźiwadłu tež za kubłanje
Choćebuz. Choćebuske Piccolo-dźiwadło dósta wčera w Gerje dźiwadłowe myto Zwjazka. Ze 119 požadarjow su jědnaćoch wuzwolili. Myto je 75 000 eurow hódne. Braniborska ministerka za kulturu Martina Münch (SPD) ma počesćenje Piccolo-dźiwadła za wulkotne připóznaće, dokelž „je institucija wuraz ekscelentneho kulturneho kubłanja“.
Sezona zahajena
Drježdźany. Truskalcowa sezona w Sakskej a Braniborskej je oficialnje zahajena. Tuchwilu drje je wunošk hišće minimalny, ale wot Božeho spěća liči krajny zwjazk Sakski sad z wjace zrawymi płodami. Potom móža sej ludźo swoje truskalcy pola wobhospodarjerjow polow sami šćipać. Lětsa pak budźe po informaciji zwjazka mjenje słódkich płodow, dokelž je so jich plahowanska přestrjeń trochu pomjeńšiła.
Biblioteka wustaja fotografije
Popłatk za stejnišća we wobłuku festiwala zwyšeny
Chrósćicy (aha/SN). Poslednja zhromadźizna gmejnskeje rady Chrósćicy we wólbnej dobje 2014 do 2019 započa a zakónči so minjeny štwórtk z njezjawnym dźělom. Mjeztym zo so radźićeljo po bywšej šuli rozhladowachu, kotruž na gmejnske a kulturne srjedźišćo přetwarjeja, rozłožowaše wjesnjanosta Marko Kliman (CDU) mjez druhim, zo njebudu kaž předwidźane wo rjadowanju twarskich naležnosćow wokoło Chróšćanskeje Měroweje dróhi w zjawnym, ale njezjawnym dźělu rěčeć.
Radźićeljo rozjimachu wjacore předłohi, kotrež wšitke jednohłósnje schwalichu. Naćisk lětušeho hospodarskeho plana z jeho přiłohami bě wot 2. do 10. meje zjawnje wupołoženy. Pisomne abo ertne znapřećiwjenja z ludnosće žane njeběchu.
Wšitcy Horjenjo swjeća
Hory. Wjes Hory w gmejnje Halštrowska Hola pohosći lětsa zastupjerjow sydom dalšich wsow z němskim mjenom Bergen, ležacych we wosom zwjazkowych krajach Němskeje. Su to Bergen na kupje Rujany w Mecklenburgsko-Předpomorskej, Bergen we wokrjesu Celle a Bergen nad rěku Dumme w Delnjej Sakskej, Bergen w Posaarskej, Bergen nad rěku Nahe w Porynsko-Pfalcy, Bergen-Enkheim w Hessenskej a chiemgauski Bergen w Bayerskej. Wot 30. meje do 2. junija chcedźa woni zhromadnje swjećić. 1. junija budźe na jewišću zabawny program. Mjez druhim předstajitej so tam Židźinska drastowa skupina kaž tež šulska a domizniska stwa Ptačecy.
Wotkryja Wincarjec studnju
Meju mjetali a zhromadnje spěwali
Zdźěla dołhe rynki před wólbnymi lokalemi
Rakecy (SN/MkWj). Cyłkownje 1 882 wólbokmanych je so w Rakecach na wčerawšich wólbach gmejnskeje rady wobdźěliło, štož wotpowěduje 65,8 procentam. Při tym je Rakečanske Swobodne wolerske zjednoćenstwo z 45,6 procentami jako najsylniša móc wušło. CDU je sej ze 26,2 procentomaj druhe městno wudobyła. Prěni króć budźe AfD (13,6 proc.) z jednym zapósłancom w nowym gmejnskim parlamenće zastupjena. Porno tomu je Lěwica swojeho dotalneho radźićela přisadźiła. Jenož 2,7 procentow bě za tutu stronu hłosowałoj, za Zelenych 2,6 procentow.
Njeswačidło (SN/BŠe).
