Skónčnje w samsnej wulkosći
Policija (18.04.18)
Zastojnikam so spřećiwjał
Kamjenc. Jězba 41lětneho wopiteho je so zawčerawšim wječor na Kamjenskim policajskim rewěrje skónčiła. Při kontroli zwěsćichu pola njeho 1,74 promilow alkohola w kreji. Jako chcychu zastojnicy jeho do chorownje k přepruwowanju kreje dowjezć, chcyše 34lětny sobujěducy tomu zadźěwać. Na to so tež wopity šofer přikazam policistow spřećiwješe. Tuž jeho sputachu a na policajski rewěr dowjezechu, hdźež smědźeše so wuspać.
Dźěła derje pokročuja
Gmejnska rada Slepo staja dalše wuhibki za swój šulski kompleks
Slepo (AK/SN). Přichodny němsko-serbski šulski kompleks w Slepom ma wobsahowje kaž barbnje derje wothłosowane wonkowne a sportowe připrawy dóstać. K tomu wuznachu so radźićeljo Slepjanskeje gmejnskeje rady na swojim zašłym posedźenju. Jednohłósnje woni po intensiwnej diskusiji konceptej přihłosowachu. Zestajił bě jón inženjerski běrow Bauconzept Planungsgesellschaft mbH z Lichtensteina pola Šwikawy. Předwidźane su mjez druhim parkowanišća, kolesowe stejaki z třěšku, a přijězdy. K tomu słuša tež metalowa stela při zachodźe z dwurěčnym pomjenowanjom kubłanišća „Deutsch-sorbischer Schulkomplex. Serbsko-němski šulski kompleks“. Na njej ma tež serbska lipa widźomna być.
Robustne a wobstajne napřećo wjedru maja ławki na šulskim dworje być. „Sćěhujemy tak poručenja techniskeho wuběrka“, rozłoži inženjer za hladanje krajiny Robert Günther. Na sportowym arealu pod hołym njebjom nastanjetej kopanišćo z kumštnym trawnikom a běžnja z kumštnym pokładźenjom.
Za jewišćom budźe twarnišćo
Woblubowane koncertnišćo na Kamjenskej Pastwinej horje njeje hižo najmłódše. Tam chcedźa nětko wuměnjenja za wuměłcow polěpšić, čehoždla změja tam twarnišćo.
Z pomocu tak mjenowaneho hromakoweho pawka sej ratarske předewzaće ...
Tež maličkosć wažna
Kontrole njeparujomne
Krótkopowěsće (18.04.18)
Šulerska nowina wušła
Budyšin. Na Budyskej Serbskej wyšej šuli je wušło dźensa prěnje wudaće šulerskeje nowiny pod titlom „Přestawka!“. Ideju k tomu měł je šuler 6. lětnika. Mjeztym skutkuje w skupinje młodych redaktorow pjeć šulerjow sobu. Mjez mnohimi přinoškami stej tež dwaj w serbskej rěči. Projekt podpěrujetej wučerce Sabine Demuthowa a Kerstin Klingnerowa kaž tež redaktorka Miriam Schönbach.
Serbowce na rěčnej olympiadźe
Ralbicy. Šulerce 8. lětnika Serbskeje wyšeje šule Ralbicy Davinia Brězanec a Nora Zahrodnikec stej so wuspěšnje za Saksku olympiadu rušćiny kwalifikowałoj. 3. meje pojědźetej wonej na wubědźowanje najlěpšich šulerjow-rušćinarow sakskich wyšich šulow do kultusoweho ministerstwa w Drježdźanach. Tam změjetej Ralbičanskej šulerce pisomne a ertne nadawki spjelnić.
Garbe Pakoßnicka přesćahnył
Połojca škodow w měšćanskim lěsu zrumowana
Dažink (CS/SN). Na 23. dnju Budyskeho měšćanskeho lěsa zetka so minjenu sobotu něhdźe 60 wobydlerjow, mjez nimi wyši měšćanosta Alexander Ahrens (SPD) a dr. Robert Böhmer w Dažinku (Kleindehsa) blisko Kumwałda. Tamniša Koča hora (Kötschauer Berg) je najwuchodniši dźěl Budyskeho měšćanskeho lěsa a bě prěni raz cil tajkeje ekskursije. Dokelž tež tam wichorowe škody z lońšeho oktobra a lětušeho januara wotstronjeja, su sej wonu kónčinu wupytali.
Policija (17.04.18)
Wopity z kolesom padnył
Lejno. Chětro hłuboko do piwoweje škleńcy hladał je zawčerawšim nawječor muž w Lejnje w gmejnje Halštrowska Hola. Při kružnym wobchadźe padny 53lětny ze swojim kolesom a so zrani, tak zo dyrbjachu jeho lěkarsce zastarać. Přiwołani policisća dwělowachu, hač móže muž dale jěć. Při kontroli naměrichu pola njeho 2,38 promilow alkohola w kreji.
