Hudźba k 1. adwentej
Budyšin. Hudźbne chłóšćenki zaklinča njedźelu, 3. decembra, we 18 hodź. w Budyskej cyrkwi Našeje lubeje knjenje. Sopranistka Magdalena Kircheis a tenor Christian Lutz zahajitaj hudźbny zazběh do adwentneho časa z twórbami Scheina, Bacha, Distlera a dalšich komponistow. Magdalena Römhild a Friedemann Böhme hrajetaj tři sonaty za husle a pišćele tak mjenowaneho „Drježdźanskeho Mozarta“, Johanna Gottlieba Naumanna (1741–1801). Tele hudźbne chłóšćenki buchu hakle lětsa w Drježdźanskim archiwje wuhrjebane, do notow zestajane a zaklinča tuž nětko prěni raz. Wšitcy su wutrobnje přeprošeni. Zastup je darmotny.
Zaswěća adwentnu pychu
Chrósćicy. Serbske wjesne towarstwo Domizna Chrósćicy přeproša jutře nawječor na Chróšćansku nawjes. Tam zaswěća w 17 hodź. adwentnu pychu. K tomu zanjesu dujerjo adwentnu hudźbu. Wo mały přikusk budźe postarane. Wšitcy su wutrobnje přeprošeni.
Koncertuja w klóštrje
Policija (01.12.17)
Alfa Romeo najspěšnišo smalił
Šešow. Na zwjazkowej dróze B 96 při wotbóčce do Šešowa je policija tele dny spěšnosć měriła. Z něhdźe 600 kontrolowanych je 18 šoferow dowolenu spěšnosć 70 km/h překročiło. Njesławny rekord docpě Alfa Romeo z Wojerowskim čisłom. Te smaleše tam ze 129 km/h. Wuslědk za jeho wodźerja rěka: 240 eurow pokuty, dwaj dypkaj a měsac nóžkować.
Jung wólbny wuslědk wotprěwa
Běła Woda (AK/SN). Dwaj měsacaj po wólbach wyšeho měšćanosty Běłeje Wody zapoda kandidat Rico Jung (njestronjan) na Drježdźanskim zarjadniskim sudnistwje skóržbu, z kotrejž wón wólbny wuslědk wotprěwa. „Přičiny su předewšěm po mojim měnjenju njedowolene wólbne wobwliwowanje přez wólbne wabjenje tamneho kandidata“, wón zdźěli. „Argumenty, z kotrymiž je wokrjes moje přičiny znapřećiwjenja wotpokazał, mje njepřeswědčeja.“
Rico Jung, kiž jako komornik Běłeje Wody dźěła, je wólby wyšeho měšćanosty 24. septembra snadnje přěhrał. Dotalny wyši měšćanosta Torsten Pötzsch (Klartext) dósta 4 894 hłosow, Jung 4 661. Na to Jung 3. oktobra znapřećiwjenje zapoda, dokelž bě po jeho měnjenju jeho napřećiwny kandidat na njedowolene wašnje wabił.
Wjele wot dobreje wole wotwisne
Jako wosebitosć našeje hornjołužiskeje architekturneje krajiny wobhladuje restawrator Budyskeho Serbskeho muzeja Jan Bart kładźite domy ze stołom. Zawčerawšim přednošowaše wón w rjedźe „Kofej w třoch“ bohužel małemu, za to pak jara zwědawemu kruhej zajimcow.
Po adwentnych wikach dundać
Prěni adwentny kónc tydźenja je w mnohich gmejnach kruty termin, zo tam adwentne wiki přewjeduja. Někotre z nich smy tule zestajeli, narok na dospołnosć pak přehlad nima.
Njeswačidło. 27. raz wotměja so jutře, sobotu, adwentne wiki w Njeswačidle. We wjesnym muzeju wotewru w 13 hodź. wosebitu hodownu wustajeńcu z historiskimi klankacymi domami kaž tež z małymi wobchodami. W Mildnerec pjekarni móža dźěći dopołdnja poprjančki pjec. Na žurli hosćenca poskića šulerjo zakładneje šule popołdnju dohodowny program. Wězo tež rumpodich wiki wopyta. Najwšelakoriše stejnišća poskića drohoćinki kaž tež jědź a napoje. Fararka Susanne Aechtner budźe nawječor adwentny nyšpor swjećić, a pozawnowy chór ze swojimi dohodownymi štučkami lětuše wiki zakónči.
Małe wiki sympatiske
Nižozemske wojerske wozydła běchu wčera w Nowej Wjesce po puću, a ...
Krótkopowěsće (01.12.17)
Nowa domjaca protyka wušła
Budyšin. Nakładnistwo Via Regia je wudało „Nowu hornjołužisku domjacu protyku 2018“. Publikacija nawjazuje na 25lětnu tradiciju knižneje protyki, kotruž bě serbski nakładnik dr. Frank Stübner w swojim nakładnistwje Lusatia wudawał. Po zwučenym wašnju wobsahuje publikacija najwšelakoriše přinoški tež serbskich awtorow mjez druhim wo kulturje a stawiznach Hornjeje Łužicy.
Na zjawny dialog so dojednałoj
Zhorjelc. Zjawnje wo přichodźe Zhorjelskeje twornje rěčeć, na to stej so koncern Siemens a dźěłarnistwo IG metal wuchodneje Sakskeje dojednałoj. Jeho prěni społnomócnjeny Jan Otto rěči „wo prěnim wuspěchu kedźbnosće, kiž móhli ze zhromadnje natwarjenym ćišćom docpěć“. Kajki móhł dialog konkretnje być, wo tym chcedźa so načolni zastupjerjo wobeju stron najprjedy dorozumić.
Wostanje dale šefdirigent
Policija (30.11.17)
Paduši w kinje
Wojerecy. Chětro njepřijomnje skónči so minjenu póndźelu wječor za Wojerowčanku wopyt kina w měsće. Wona bě poslednje předstajenje dnja wopytała a tam swoju móšeń ležo wostajiła. Jako tole hakle doma pytny a hnydom do kina zazwoni, pak so tam hižo nichtó njepřizjewi. Tuž so wona nazajtra do kina poda a so najprjedy wjeseleše, zo bě něchtó móšeń namakał a personalej wotedał. Pohladnywši pak do njeje žona zwěsći, zo běchu pjenjezy z móšnje pokradnjene. Policija pad přepytuje.
