Wěstota so polěpšiła njeje
Běła Woda (AK/SN). Zhorjelska policajska direkcija chce z rjemjeslnikami a přemysłownikami sylnišo hromadźe dźěłać a wotsamo w firmach naprawy přećiwo kriminaliće namjetować. „Wěstotu móžemy jeno zaručić, hdyž so kóždy jednotliwc sobu wo to stara“, praji policajska hłowna komisarka Monika Kütter, referentka za wobydlerske prašenja w Zhorjelskej policajskej direkciji, tele dny na stajnym blidźe k wěstoće w Běłej Wodźe. Drježdźanska rjemjeslniska komora, policajska direkcija a Zhorjelski wokrjes běchu přeprosyli. Nimale 50 zastupjerjow rjemjeslniskich zawodow, policije, wokrjesa a města bě přišło.
„Kriminalita w hraničnej kónčinje k Čěskej a Pólskej je dale wulka“, rozłoži Monika Kütter k naprašowanju w 3 500 zawodach Zhorjelskeho wokrjesa loni w aprylu. Wjace hač pjećina zawodow bu loni a nimale dwě třećinje wot lěta 2012 wot paduchow domapytanych. 65 procentow z nich bě samo wjace hač jónu wopor kriminality. Kritisce pak Monika Kütter přispomni, zo 42 procentow woprašanych zadobywanje scyła nic abo nic w kóždym padźe přizjewiło njeje.
Swěca, kołć a pjenjezy
Chrósćicy (JK/SN). W poslednim lońšim posedźenju Chróšćanskeje gmejnskeje rady kritizowane njedostaki při a w pěstowarni „Chrošćan kołć“ su po słowach wjesnjanosty Marka Klimana (CDU) wotstronjene abo budu w padźe nahłeho přistupa korigowane, ručež to wjedro dowoli. Tole rjekny Kliman na wčerawšim posedźenju radźićelow. Wotstronić nahły přistup gmejnu ničo njepłaći. Jón zapołoža tak, zo hižo pohórška njebudźe a zo stej wěstota a přijomny přistup k pěstowarni zaručenej.
Kulturne poskitki bóle wužiwane
Kulturne institucije w nošerstwje města Budyšina zhladuja na dobru bilancu minjeneho lěta. Kaž zdźěla měsćanske zarjadnistwo, wupokazuje statistika 2016, zo je wjace ludźi jich poskitki wužiwało.
Budyšin (SN/CoR). Ličba wopytowarjow w Muzeju Budyšin je loni wo něhdźe štwórćinu přiběrała. Dohromady bě jich 17 500, štož je 4 300 wjace hač w lěće 2015. Muzejowy nawoda dr. Jürgen Vollbrecht widźi přičinu za stupace wopytowarstwo w jara wuspěšnych wustajencach. Předewšěm přehladka z fotografijemi Rolfa Dvoraćeka je mnohich ludźi přiwabiła. „Mějachmy pak tež dobry wothłós na dalše poskitki, kaž na přikład za młodostnych a dźěći, ale tež za šulerjow a seniorow“, rozłoži dr. Vollbrecht.
Krótkopowěsće (03.02.17)
Přesadźowanje dźe dale
Worklecy. Budyske zarjadniske sudnistwo je nowy termin za nanuzowane přesadźowanje Worklečanskeho hosćenca postajiło, a to srjedu, 22. měrca, w 11 hodź. Tole wuchadźa z terminoweho přehlada na internetnej stronje sudnistwa. Po prěnimaj terminomaj loni w juniju a awgusće měješe spočatk januara dalši być. Tón pak bu přestorčeny.
Dwaj wokrjesaj móžnej
Podstupim. Braniborske krajne knježerstwo móhło sej předstajić, zo nastanjetej při wokrjesnej reformje dwaj delnjołužiskej wokrjesaj, a nic, kaž dotal planowane, jenož jedyn. Tole je financny minister Christian Görke (Lěwica) připowědźił. Poprawom chcychu město Choćebuz a tři wostejace wokrjesy do jednoho wulkowokrjesa zjednoćić.
Spožča rjad swjateho Jurja
Krótkopowěsće (02.02.17)
Tilich pojědźe do Čěskeje
Drježdźany. Na přeprošenje čěskeho ministerskeho prezidenta Bohuslava Sobotki pojědźe sakski ministerski prezident Stanisław Tilich (CDU) přichodnu wutoru na dwudnjowy wopyt do Čěskeje. Spočatnje su politiske rozmołwy z čěskim premierom planowane. Srjedu chce Tilich sakske předewzaća wopytać, kotrež maja w Čěskej wotnožku.
Ze Zhorjelcom spokojom
Zhorjelc. We wobłuku projekta „Bydlić na probu“ je wot septembra 2015 hač do oktobra 2016 wjace hač 200 ludźi tydźeń darmotnje w Zhorjelskim starym měsće bydliło. 80 procentow wobdźělnikow měješe město za tak atraktiwne, zo móhli sej předstajić do Zhorjelca přećahnyć. Tole wuchadźa z přepytowanja, kotrež su dźensa w Zhorjelcu předstajili.
Tež w metro telefonować
Inwentura tež za strowotu wažna
Wojerecy (AK/SN). Anton a Antonia so zaso znjesetej. „Spočatnje stej na so šłoj, zranjenjow pak njebě“, powědaše hladarka zwěrjatow Anne Siegl wčera w tropowym domje Wojerowskeho zwěrjenca wo nosorohačowymaj leguanomaj. „Wot spočatka januara stej wonej zaso hromadźe.“
Wobě zwěrjeći běštej poslednja stacija třitydźenskeje inwentury w zwěrjencu. K wobstatkej słuša 96 družin z 1 106 zwěrjatami, kotrež maja so zapisać, ličić a wažić. „Při inwenturje zdobom planujemy, kotre zwěrjata móhli dołhodobnje wotedać a kotre nic. Nimo toho při tym strowotny staw zwěrjatow zwěsćamy“, rozłoži zwěrjencowy direktor Eugéne Bruins. Tuchwilu drje maja mjenje zwěrjatow hač loni, dokelž běchu 300 rybow wotedali, za to pak maja dźewjeć družin zwěrjatow wjace, mjez druhim insekty, hady, ješćelcy a bažanty. Najwjace zwěrjatow maja pola skopčkow.
Policija (02.02.17)
Zadobywarja w měsće lepili
Kamjenc. Nowy sněh je w nocy na srjedu policiji w Kamjencu pomhał zadobywarja lepić. Swědk krótko po 2 hodź. wobkedźbowaše, zo so něchto do hosćenca na Wojerowskej dróze łama, a informowaše policiju. Jako zastojnicy k městnu přijědźechu bě njeznaty hižo ćeknył. Na zasněženym puću pak bě wón zastojnikam derje widźomne slědy zawostajił. Jim slědowachu policisća po měsće hač k domej, na kotrymž bě wuchowanski rěbl přičinjeny. Na nim 27lětneho podhladneho lepichu a nachwilnje zajachu. Drogowy test wunjese, zo steješe wón pod wliwom wopojnych jědow. Kelko škody je młody muž při zadobywanju načinił njeje znate.
Swinje, smjerd a žadyn kónc?
Ralbičanska kormjernja swini zaběra dale komunalnu politiku
Ralbicy-Róžant/Budyšin (JK/SN). Nic jenož hdyž w Ralbicach kormjernje swini dla smjerdźi, so zjawnosć za njerozrisany problem planowaneho ponowjenja a rozšěrjenja kormjernje zajimuje. Kaž druhi zastupowacy wjesnjanosta gmejny Ralbicy-Róžant Michał Šołta (SWZ Delany) na januarskim posedźenju gmejnskeje rady wozjewi, je mějićelka kormjernje Anna Gröbner loni krótko do hód wo termin pola wjesnjanosty prosyła. Pozadk běchu wot wohnjoweje wobory zwěsćene njedostatki w kormjerni. Cyłkownje 21 tajkich pozicijow lisćina wobsahuje. Wo tych je chcyła knjeni Gröbner rěčeć, ale tež kak póńdźe dale z kormjernju. Terminowych ćežow dla pak so tale rozmołwa hakle 19. januara wotmě. Na rozmołwje wobdźělištaj so nimo Michała Šołty ze stron gmejny hišće Stanij Statnik jako twarski wěcywustojny kaž tež nawoda gmejnskeje wohnjoweje wobory Achim Měrćink. Tón skedźbni knjeni Gröbner na to, zo ma po zakonju winowatosć, wohnjoškitne njedostatki tak spěšnje kaž móžno wotstronić. Hewak hrozy pokuta hač do 20 000 eurow. Hižo 26.
