Z krótkimi programami hosći wabić
Što mamy hinak činić, zo by zazběh lětušeho Mjezynarodneho folklorneho festiwala „Łužica“ 22. junija w Budyšinje wjace měšćanow na Hród wabił? Z podpěru města su změny planowane, festiwalny flair na Hłownym torhošću dožiwić móc.
Krótkopowěsće (23.03.17)
Myto wyše dotěrowane
Drježdźany. Swobodny stat je dotěrowanje Sakskeho myta bibliotekow wot dotal 4 000 na nětko 10 000 eurow zwyšił. Tak hódnoća mnohostronske dźěło a kompleksne wukony, zdźěli dźensa sakska ministerka za wuměłstwo dr. Eva-Maria Stange (SPD) w Drježdźanach. Dźěło bibliotekow je wjac hač posłužba. Je to zdobom kulturna, wědomostna, towaršnostna a socialna zamołwitosć.
Wirtuelna powołanska agentura
Krušwica. Zhorjelski wokrjes ma nětko wirtuelnu młodźinsku powołansku agenturu. Po lětomaj přihota su zamołwići dźěło internetneje platformy w Krušwicy dźensa oficialnje zahajili. Tam wěnuja so ludźom, młódšim hač 27lět, kotřiž žane powołanske abo studijne wotzamknjenje nimaja.
W manufakturje zaso awta twarja
Krótkopowěsće (22.03.17)
Lěwica žada wjac wěstoty
Drježdźany. Lěwica namołwja sakske knježerstwo, žadać sej wot hórniskich zawodow wyše wěstotne zapołožki za renaturěrowanje. Kaž rozhłós MDR wozjewja, je za to dotal 33,5 milionow eurow předwidźanych. To ma wobswětowa ekspertka Lěwicy dr. Jana Pinka za přemało. Sakske hospodarske ministerstwo mjeztym pruwuje, hač dyrbi sej Sakska wjac wěstoty za renaturěrowanje žadać.
Rada starostow na „hłownej“
Choćebuz/Wojerecy. Rada starostow iniciatiwneje skupiny za serbske ludowe zastupnistwo Serbski sejm chce so na hłownej zhromadźiznje Domowiny přichodnu sobotu we Wojerecach wobdźělić. To připowědźi rěčnik gremija za Delnju Łužicu dr. Hartmut Leipner. Na zarjadowanju chce wón sam wo zaměrach rady starostow rozprawjeć.
Za žiwe statne rezerwy
Policija (22.03.17)
Při pohrjebje kradnył
Wojerecy. Paducham po wšěm zdaću ničo swjate njeje. Póndźelu popołdnju pokradnychu njeznaći při Wojerowskim lěsnym pohrjebnišću tobołu z jězdźidła pochowanskeho předewzaća. Jeho wobsedźer w tym času runje kašć njeseše a njeboćičkeho tak k poslednjemu wotpočinkej přewodźeše. Tole je njeznaty šamale wužił a z njezamknjeneho awta tobołu hrabnył. W njej běchu wosobinske papjery a móšeń. Hódnotu rubizny trochuje wobsedźer na něhdźe 350 eurow.
Pytaja swědkow
Kamjenc. K wobchadnemu njezbožu, kotrež je so zawčerawšim krótko do 16 hodź. na Kamjenskej Wuchodnej hasy stało, pyta policija swědkow. Kolesowarka bě so před domom z čisłom 21c pěškej wuwinyła. Při tym wona tak njezbožownje padny, zo so na hłowje ćežko zrani. Z wuchowanskim helikopterom dyrbjachu ju do specialneje kliniki dowjezć. Njeznaty pěšk bě so z městna njezboža zminył. Policija pyta nětko wočiswědkow, kotřiž su podawk snano wobkedźbowali a móhli pokiwy k pytanemu pěškej podać. Informacije přijimuja pod telefonowym čisłom 03591/ 36 70.
Na bywše časy dopominali
Ponowjeja druhi wotrězk puća
Ma noweho wobsedźerja
Dźensa na sudnistwje třeći raz Worklečanski hosćenc přesadźowali
Budyšin (SN/MWj). Wot dźensnišeho w 11.50 hodź. ma Worklečanski hosćenc „Při kupowym haće“ noweho wobsedźerja, abo lěpje prajene dweju. Staj to bratraj Marcus a Henry Szczepaniak z Chrósćic. Wonaj staj při třećim nuzowym přesadźowanju na Budyskim hamtskim sudnistwje z 62 000 eurami najwyši poskitk předpołožiłoj. Krótko do 12 hodź. bě čas poskićowanja nimo a sobudźěłaćer sudnistwa Andreas Amft zdźěli, zo je poskitk płaćiwy. Tež zastupjerjej Budyskeje Ludoweje banki jako wěrićelki staj jón přiwzałoj. Tak słuša hosćenc nětko Chróšćanomaj.
Hinak hač na zašłymaj terminomaj nuzoweho přesadźowanja dotalna mějićelka Marlies Hüllowa dźensa přijěła njeje. Dokelž běchu na próstwu Ludoweje banki nuzoweho zarjadnika (Zwangsverwalter) zasadźili, je tón wčera we Worklecach z pomocu policije hosćenc zawěsćił a durje zapječatował. To drje bě za dźensniše přesadźowanje njerozsudne, ma pak lěpšinu, zo móžetaj nowaj wobsedźerjej objekt nablaku přewzać.
Wizije wo cyrkwi přichoda
„Dźensa wječor njeje wšitko hinak planowane hač na tamnymaj seminaromaj, ale budźe wjele hinak.“ Takle postrowi zawčerawšim wječor rektor Smochčanskeho Domu biskopa Bena dr. Peter-Paul Straube wopytowarjow na posledni z třoch lětušich seminarow k temje reformacije. Serbskich wobdźělnikow powita wón tež w našej maćeršćinje. Je dźě TCM sobuwuhotowar kóžde lěto wotměwacych so tematiskich wječorow.
Smochćicy (CRM/SN). Jako impulsy k přemyslowanju a rozmołwje podachu štyrjo teologojo zawodne statementy. Běchu to fararka dr. Maria Heinke-Probst a farar Christian Tiede z ewangelsko-lutherskeje wosady swj. Pětra w Budyšinje kaž tež rektor dr. Straube a referent Ansgar Hoffmann z Domu biskopa Bena. A měnjenja so zasadnje njeprěkowachu.
Syć wodowoda, po kotrejž ze Zdźěrjanskeje wodarnje wulke dźěle ...
Hdźež nastawa chlěb jeno z přirodnych přidawkow
Gerda Pachow w Drěwcach ma trójce wob tydźeń swój wobchod wotewrjeny
Ze Spytečanskeho Rätzec młyna dóstawa wona wowsnu muku. Trěbne zorno za to dodawaja młynej wokolni ratarjo. Z něhdźe 50 procentow wowsneje muki a 50 procentow pšeńčneje muki, ze sele a droždźow pječe Gerda Pachow w Drěwcach we Łazowskej gmejnje wowsne całty. „Wupruwuju rady něšto nowe“, měni mějićelka Drěwčanskeho dworoweho wobchoda. Stajnje wutoru, pjatk a sobotu jón wona hižo rano zahe wotamka. Do toho něhdźe w třoch, sobotu hižo w dwěmaj, so jeje dźeń z přihotami ćěsta započina.
Dobry chlěb trjeba chwile
„Droždźe za całty trjebaja chwile. Dyrbja so najprjedy hibać“, praji Gerda Pachow. „Droždźowe ćěsto dyrbi wolumen měć. Hakle potom móžu za sobu całty wotpjec.“ Gerda Pachow pječe bjez přidatnych a barbnych maćiznow, dodawkow a bjez zesylnjakow słoda kaž glutamata. Wona ma so po přirodźe a jeje kaznjach, wužiwa recepty swojich prjedownikow. „Naše ćěło je přirodnu jědź zwučene. Wone je ze strowej jědźu žiwe a ju trjeba“, 65lětna wuzběhuje. „Najlěpši je stajnje hišće normalny rožkowy měšany chlěb.“
