Wjeršk póstniskeje sezony steji před durjemi. Štóž přeco ...
Cil 2045: Klimje hižo nješkodźeć
Města Wojerecy, Grodk a Běła Woda so zhromadnje wo to prócuja, hač do lěta 2045 zastaranje ludnosće z klima-neutralnym zhotowjenjom a składowanjom ćopłoty zaručić.
Wojerecy/Grodk/Běła Woda (AK/SN). We wobłuku swojich prócowanjow wo klimoneutralnosć hač do lěta 2045 su Wojerowske zastaranske zawody (VBH) kaž tež měšćanskej zawodaj Grodk a Běła Woda wotpowědnu studiju wudźěłać dali. Na tutej běchu Choćebuski Fraunhoferski institut za energijowu infrastrukturu a geotermiju, Lipsčanski inženjerski běrow Tilia tzwr a Institut za resursowu eficiencu a energijowe strategije Karlsruhe wobdźěleni. Studija přepytowaše móžnosće wotkryća a zapřijeća žórłow wobnowjomnych energijow a wotpowědnych technologijow za produkciju a składowanje ćopłoty kaž tež přiměrjenje ćopłotnych syćow na potrjebu přichoda. Při tym měješe wona wosebje regionalne wobstejnosće, wuměnjenja a potrjeby wobkedźbować.
Krótkopowěsće (16.02.23)
Akciski dźeń pola Alstom
Budyšin. Dźěłarnistwo IG metal protestowaše dźensa z akciskim dnjom po cyłej Němskej přećiwo wottwarej dźěłowych městnow a zniženju mzdow na stejnišćach twornjow za ćahi. W přitomnosći Budyskeho zapósłanca w Sakskim krajnym sejmje, Marka Šimana (CDU), su zastupjerjo zawodneje rady a dźěłarnistwa w Budyšinje koncernej Alstom wumjetowali, „specialistow wućěrić“.
Infineon twari w Drježdźanach
Neubiberg. Po zdźělence chipoweho koncerna Infineon je předsydstwo předewzaća zhromadnje z dohladowanskimi gremijemi plany za wutwar swojeho Drježdźanskeho zawoda schwaliło. Do toho běše zwjazkowe hospodarske ministerstwo dočasny zazběh projekta přizwoliło. Start twarskich dźěłow budźe nazyma 2023. Z wutwarom nastanje něhdźe 1 000 nowych dźěłowych městnow.
Nowa fararka w Minakale
Hojenje njeje móžne
„Posłuchaj lěkarja, prjed hač jeho trjebaš!“, serbske přisłowo namołwja.
Tuž wěnuje so student mediciny Pětr Dźisławk w nowej seriji znatym a mjenje znatym chorosćam, zo by je čitarjam trochu bliže rozłožował (13).
Tydźenja wěnowachmy so procesej nastawanja cirozy jatrow. Zo alkohol a njestrowe zežiwjenje při tym wulku rólu hrajetej, čitarjow zawěsće překwapiło njeje. Jeničce 35 procentow pacientow z najraznišim stopjenjom cirozy jatrow, kotruž mjenujemy Child C, dlěje hač lěto přežiwi.
Prózdninska zaběra digitalnje
Zwonka šulskeho časa dźěćom nowe medije spřistupnjeja
Malešecy (MiR/SN). W Malešanskim dźěćacym dnjowym přebywanišću „Wódny muž“ su dźěći w prěnim prózdninskim tydźenju dwaj dnjej digitalnje po puću. „Zmóžnjamy swojim chowancam poskitki zwonka wšědneho dnja“, rjekny nawodnica pěstowarnje Borbora Kralowa. „Zo so z digitalnym swětom zaběramy, pak je prěni raz.“ Dźěći zeznaja na tableće hrajnu app wo wohnjowej woborje. Zdobom wužiwaja BOOKii-knihu z wotpowědnym wobsahom a BOOKii-pisak. Byrnjež app w němčinje předležała, je poskitk serbski. Wšako so w app njerěči. Hortowe dźěći pisaja skript za słuchohru a ju z pomocu BOOKii-pisaka resp. šmóratka nahrawaja.
Zapósłanča přeprošuje na jězbu
Berlin. Wot 16. do 17. měrca přeprošuje zapósłanča zwjazkoweho sejma Kathrin Michel (SPD) na busowu jězbu z Budyšina do Berlina. Wobdźělnicy wopytaja mjez druhim zwjazkowy sejm, wobdźěla so na plenarnym posedźenju, wopytaja dwě ministerstwje a podadźa so na kołojězbu po Berlinje. Jězba, přenocowanje, snědań a dwójce wobjed su darmotne. Přizjewjenja přijimuja pod telefonowym čisłom 03591 2744690.
Poskića kurs čěšćiny
Budyšin. Štóž ma zajim za rěčny kurs čěšćiny wot 20. julija do 17. awgusta w Praze abo wot 13. awgusta do 4. septembra w Českich Budějovicach, njech w Rěčnym centrumje WITAJ hač do 15. měrca swoje přizjewjenske podłožki woteda. (Póstowe naměsto 2, 02625 Budyšin, e-mail: ). Wotpowědny formular a dokładne informacije su na internetnej stronje pod „rěčne kursy – čěšćina“ přistupne.
Wo Krabaće powědałoj
Swójske interpretacije zaklinčeli
Policija (15.02.23)
Městno hajnika wobškodźili
Ćisow. Kaž je policija hakle nětko zhoniła, su njeznaći minjeny tydźeń hońtwjerske městno hajnika pola Ćisowa wobškodźili. Po prěnich přepytowanjach su skućićeljo za to pyrotechniku wužiwali. Při rozbuchnjenju bu drjewjana konstrukcija chětro wobškodźena. Wěcnu škodu wobliča na něhdźe tysac eurow. Samsny pad sta so minjene dny pola Wysokeje we Wóslinčanskej gmejnje. Tež tam wužiwachu za njeskutk pyrotechniku.
Palaca tema Koslowčanow dale trapi
Wjesnjanosta gmejny Njeswačidło Gerd Schuster (CDU) je Koslowčanow tele dny na zjawnu zhromadźiznu přeprosył, zo by jich wo aktualnym połoženju kołowokoło Koslowskich hatow informował. Přeprošeni běchu tež Jan Jeschke, nawoda zarjada za wobswět a lěsnistwo w krajnoradnym zarjedźe Budyskeho wokrjesa, Angelika Schröter z jednaćelstwa Přirodowědneje stacije Njeswačidło z.t. a Tobias Mehnert, předsyda towarstwa Zelena liga Sakskeje z.t.
Jurij Lebza je zawodnje krótki zarys stawiznow wo nastaću Koslowskich hatow a jich wobhospodarjenju hač do dźensnišeho podał. To bě wosebje tež za mnohe młode swójby, kotrež su minjene lěta do Koslowa přićahnyli, jara informatiwne. Zhonichu trěbne informacije k škitej přirody, štož je w nich zahoritosć za to zbudźiło.
