Informuja wo lěsu
Pěskecy. Mjez dnjom lěsa (21. měrca) a dnjom štoma (25. apryla) wotměwaja so w rewěrach hornjołužiskeho lěsnistwoweho wobwoda wjacore informaciske zarjadowanja za wobsedźerjow lěsa a za dalšich zajimcow. W formje małych ekskursijow wobjednawaja při tym aktualne temy kołowokoło lěsa. Tajka ekskursija budźe tež sobotu, 15. apryla, wot 9 do 11 hodź. Zajimcy zetkaja so na parkowanišću mjez Pěskecami a Róžantom. Přizjewjenja přijimuja hač do 14. apryla pod telefonowym čisłom 0174 3055901 abo pod . Wobdźělnicy njech njezabudu na wotpowědnu drastu a krute črije.
Bohaty wopyt
Njeswačidło (ML/SN). 105 dorosćenych a 50 dźěći wopyta krótko do jutrow w Njeswačanskim domizniskim muzeju w běhu třoch hodźin po wotewrjenju wustajeńcu „Woheń, para a ćopły powětr“. Předewšěm dźěći wobdźiwachu wšelake modele parnicow a hrajkow, kotrež běštaj Ronny Kutschke ze Šešowa a Matthias Stein z Budyšina za přehladku přewostajiłoj. Wustajeńca je njedźelu a swjate dny popołdnju hač do 2. julija wotewrjena.
Dorost do nalěća – hdyž so wowčernja z jehnjatkami pjelni
Nic jenož na wsach, ale tež w městach maja mnozy domjacy skót. Něchtóžkuli nimo toho drobny skót plahuje. Wšitcy so wo strowotu swojich dwu- abo štyrinohatych lubuškow prócuja. Tomu přinošować chce naša serija z pokiwami z weterinarneje mediciny. (4)
Kěrluše po stwórbje klinčeli
1 378 serbskich křižerjow jutrowne poselstwo wozjewjało
W Baćonju staj złoty jubilar Antonius Rjebiš a slěbornik Matthias Rjebiš w porje jěchałoj. Foto: Maćij BulankChrósćicy (SN/MWj). 234 Chróšćanskich křižerjow je wosadny farar Měrćin Deleńk připołdnju wužohnował. Přez twarnišćo na Cyrkwinskej horje bě prowizoriski puć přihotowany. Runja druhim procesionam bě tež Chróšćanski lětsa jara dypkowny, štož swědči wo tym, zo so tež jeho křižerjam lětsa derje jěchaše, tak zo k žanym wjetšim njezbožam dóšło njeje. W jich rjadach bě jědnaće nowačkow a třo slěborni jubilarojo. Jako Chróšćanscy klóšter wobjěchachu, měješe přihladowar strowotniski problem. Zo móhli jemu wuchowanske mocy pomhać, dyrbjachu procesion skrótka zadźeržeć.
Wšitke hybridne busy pruwowane
„Baronowi“ a křižerjo
Sobustawojo dobrowólneje wohnjoweje wobory Choćebuskeho wjesneho ...
Dubjanski lěs stanje so zaso z bahnojtej krajinu
Dubjanski lěs w biosferowym rezerwaće Hornjołužiska hola a haty skići tójšto bohatstwow přirody. Projekt na dobro jednoho z nich je sakski minister za wobswět Wolfram Günther (Zeleni) generalnemu sekretarej Zwjazkoweje załožby za wobswět (DBU) Alexanderej Bonde a medijam minjenu srjedu na ekskursiji předstajił.
Jubilej w Delnjej Łužicy
Krótkopowěsće (11.04.23)
Serbski přinošk na festiwalu
Lipsk. Na w srjedźnej Němskej produkowane krótkofilmy wusměrjeny festiwal „Kurzsüchtig“ bu dźensa w Lipsku zahajeny. Wosebity hóstny kraj je lětsa Čěska. Mjez paskami, kotrež so w cyłkownje šěsć segmentach wo wuznamjenjenje wubědźuja, je tež dokumentacija „Hinterberg“ režisera Erika Šyški.
Nowa Doba single wozjewiła
Budyšin. Skupina „Nowa Doba“ je wozjewiła nowu single. Hudźbna produkcija z titulom „nalěćo“ je mjeztym druha pokazka na album skupiny „stara šula“, kotryž ma w lěću wuńć. Za nowy spěw móžachu sebi Gretu Čórlichec jako interpretku zdobyć, kaž band na Instagramje piše. Spěw je wot wčerawšeho na wšěch streamingowych platformach přistupny.
300 póstow zběhnu
Nowy spěw k jubilejej zanjesli
Přihotowanska doba za róčnicu wosady a gmejny oficialnje zahajena
Chrósćicy (MDź/SN). W Chrósćicach je so wčera wabjenski plakat k 800. jubilejej wsy w lěće 2025 zjawnosći předstajił. K tomu su tamniše pěstowarske a šulske dźěći krótki pisany program prezentowali. Mjez druhim zaspěwachu prěni króć spěw, kiž je Fabian Kaulfürst składnostnje jubileja napisał. „Naša wosada, wjele ludźi ma. Kóždy hinak tikoce – štó pak dźerži hromadźe? W njebjesach, naš Bóh tón knjez, to wě tola cyła wjes“ dźěći při słónčnym wjedrje zaspěwachu.
Cyła wjes je tež při přihotach pódla. Wot 13. do 22. junija 2025 je swjedźenski tydźeń planowany. Kaž farar Měrćin Deleńk zdźěli, „su dny rozrjadowane po hesłach a po skupinach, kotrež maja so wo wobrubjenje postarać. Hišće pak je wjele wotewrjene.“ Wosada prosy tuž wo dalše ideje za jednotliwe projekty.
