Rjemjesło zwuměłstwom

póndźela, 03. awgusta 2015 spisane wot:

Tójšto wotkrywać mějachu domoródni kaž tež hosćo zbliska a zdaloka sobotu w Dołhej nocy Bórkowskich wuměłskich a rjemjeslniskich statokow.

Bórkowy (SN/JaW). Miła lětnja nóc je tež lětsa tysacy zajimcow na 5. dołhu nóc wuměłskich a rjemjeslniskich statokow w Bórkowach přiwabiła. Su to rjemjeslniske a wuměłske wiki w najwjetšim rozbrojenym sydlišću (Streusiedlung) Němskeje, wu­zběhny nowinska rěčnica Bórkowskeje gmejny Kerstin Möbes.

Krótkopowěsće (03.08.15)

póndźela, 03. awgusta 2015 spisane wot:

Planuja azylowe přijimanišćo

Lipsk. Tež w Lipsku planuja dom požadarjow azyla jako tak mjenowane prěnje přijimanišćo. W něhdyšim internaće wučomnikow ma městno za 510 wosobow nastać, kaž rěčnica krajneje direkcije dźensa zdźěli. Přichodny pjatk maja zajimcy składnosć sej areal wobhladać.

Pomocny skutk maltezow přijimuje

darjene drasty, kaž rěkaše.

„Hłodowy kamjeń“ widźomny

Děčín. Horceho sucheho wjedra dla je pegel Łobja w sewjernej Čěskej najniši wot lěta 1952. W gmejnje Těchlovice pola Děčína samo po dołhim času historiski „hłodowy kamjeń“ zaso z wody rěki saha. Fachowcy běchu z tym ličili, zo bu kamjeń při wutwarje Łobja zničeny. Hłodowe kamjenje pokazuja na wosebje suche a z hłodom zwjazane lěta.

Mjenje njezbožow na twarje

Berlin. Ličba dźěłowych njezbožow na twarnišćach Němskeje dale woteběra. Tole wuchadźa z rozprawy powołanskeho drustwa. Loni zličichu po wšej Němskej 104 000 dźěłowych njezbožow, 1,4 procenty mjenje hač 2013 a 16 procentow mjenje hač před dźesać lětami. Wosebje často znjezbožeja dźěłaćerjo přeco hišće na rěblach, róštach a třěchach.

Hnujacy dźeń rozžohnowanja za wjesnjanostu

póndźela, 03. awgusta 2015 spisane wot:

Hamor (JoS/SN). Wjele słowow dźaka a mnohe dopomnjenske dary sposrědkowachu minjeny pjatk wjelelětnemu Hamorskemu wjesnjanosće Rolandej Trunschej (njestronjan). Po 30 lětach je wón zastojnstwo złožił. Bjez dźiwa, zo dźakowachu so jemu za „žiwjenski skutk“, z kotrehož profituja wobydlerjo a pěstowarnje runje tak kaž wobornicy, rjemjeslnicy a předewzaćeljo. Wulke zbožo we wšěch lětach wězo bě, zo maja z Bjerwałdskim najwjetši jězor Sakskeje před nosom a w gmejnje z Hamorskej milinarnju wulkeho dawkipłaćerja.

Roland Trunsch je rodźeny Wojerowčan, kotrehož bě lubosć k mandźelskej do Hamora přiwabiła. Jako twarski inženjer dźěłaše w milinarni a je so na dobro gmejny čestnohamtsce angažował. Jako trjebachu 1985 noweho wjesnjanostu, chcyše so wón spočatnje dwě lěće zadźěłać. Dokelž pak jeho předchadnik njejapcy schorje, dyrbješe wot 1. nowembra 1985 gmejnu sam nawjedować.

Policija (03.08.15)

póndźela, 03. awgusta 2015 spisane wot:

Kamjenc. Wohnjowych wobornikow z Kamjenca, Jěžowa, Lückersdorfa, Gelenauwa a Bambrucha wołachu sobotu wječor k zasadźenju do Jěžowa, zo bychu tam woheń we wulkim konjencu hašeli. Konje wšak w nim na zbožo njeběchu, dokelž su w lěću na pastwje. Město toho wužiwa konjacy wikowar Bernd Lichthorn halu tuchwilu jako skład za mašiny. Mjeztym zo móžachu někotre z nich wuchować, so tam składowane walčki syna a słomy spalichu. Tež solarna připrawa na třěše hale so dospołnje zniči. Dokelž w bliskosći hydrant pobrachowaše, dyrbjachu wodu za hašenje z rěki klumpać. Kelko škody je při wohenju nastało, njehodźi so hišće rjec, rozměr pak je po słowach wobsedźerja imensny.

Olympiada wjeršk była

póndźela, 03. awgusta 2015 spisane wot:

Wotměnjawy wjesny swjedźeń w Róžeńće přewjedli

Róžant (aha/SN). Wot časa přewróta přewjeduja Sernjany a Róžant wotměnjejo wjesny swjedźeń. Kónc tydźenja nětko su jón Róžeńčanski młodźinski klub, tamniša wohnjowa wobora a wjesna rada zhromadnje přihotowali a wuhotowali. Hižo minjenu srjedu běchu započeli stany, bary a jewišćo twarić. Mnozy zwólniwi předewzaće podpěrachu, tak zo bě hač do 40 pomocnikow při dźěle. Hižo k zazběhej swjedźenja pjatk wječor na jedyn-euro-party knježeše wuběrna nalada.

Sobotu popołdnju pokaza šěsć mustwow na volleyballowym turněrje swoje zamóžnosće při wysokim saku. Jako najlěpši wopokazachu so kaž hižo před lětomaj znowa Smjerdźečenjo.

Porjadne wojowało je tež 19 wohnjowych woborow na wubědźowanju w hašenju, kotrež kameradojo z Konjec/Šunowa za sebje rozsudźichu.

Lědma zwisk k serbskim wsam

póndźela, 03. awgusta 2015 spisane wot:

Wobydlerjo Jitra (Milstrich) wotměchu sobotu z přećelemi a znatymi swój tradicionalny wjesny a domizniski swjedźeń, mjez druhim z wubědźowanjom wohnjowych woborow.

Jitro (SN/mwe). Mjez přeprošenymi wohnjowymi woborami z gmejnow Wóslink a Schönteichen njebě ani jenička ze serbskich wsow. „Pola nas to z wašnjom njeje, nimamy dźě tež hewak přewuski zwisk k serbskim susodam“, praji nawoda Jitrowskeho wjesneho kluba Dirk Raffe. Pjatnaće čłonow wopřijacy cyłk kóžde lěto hromadźe z wjesnej młodźinu a kameradami wohnjoweje wobory swjedźeń organizuje. To najwažniše pak jim a 330 wobydlerjam je, wjesnu zhromadnosć hajić.

Ze sylnymi muskimi hłosami a na ludowych instrumentach zamóchu originalni Wolgascy kozakojo minjeny pjatk něhdźe 75 připosłucharjow we Wojerowskej Janskej cyrkwi zahorić. Při baladach někotrehožkuli zyma woběhowaše. Foto: Martina Arlt

Krótkopowěsće (31.07.15)

pjatk, 31. julija 2015 spisane wot:

Olympia 2022 w Pekingu

Kuala Lumpur. Olympiske zymske hry 2022 wotměja so w Pekingu. To je Mje­zynarodny olympiski komitej dźensa w Kuala Lumpuru rozsudźił. Chinska stolica je so přećiwo najwjetšemu městu Kazachskeje, Almaty, přesadźiła. Peking je tak prěnje město w olympiskich stawiznach, kotrež po lětnjej w lěće 2008 nětko tež zymsku olym­piadu wuhotuje­.

Ludmila Dvořáková njeboh

Praha. Operowa spěwarka Ludmila Dvořáková je njeboh. 92lětna zemrě wohenja­ w swojim bydlenju w Praze dla, powěsćernja ČTK dźensa rozprawja. Dvořáková bě swój čas Wagnerowe a Straussowe opery spěwała. Wona skutkowaše mjez druhim w Berlinje, Mnichowje, Londonje, New Yorku a Parisu. 1972 spožčichu jej Narodne myto NDR.

Nowa internetna terapija

Lipsk. Internetnu terapiju za přiwu­znych suicidnych woporow chce Lipšćanska uniwersita poskićić. Kaž direktorka kliniki za psychosomatisku medicinu a psychoterapiju Anette Kersting zdźěla, ma internetne lěkowanje wosebje pomocne być, dokelž je anonymne. Program traje dwě lěće. Loni bě sej w Sakskej 664 ludźi žiwjenje wzało.

BVB zbožownje dobył

Policija (31.07.15)

pjatk, 31. julija 2015 spisane wot:

Budyšin. Njeznaći su w nocy na štwórtk na Budyskej Friedricha Lisztowej šulske twarjenje z hokatymaj křižomaj pomórali. Bydlenske drustwo, kotrež dom wobhospodarja, je jeju hnydomne wotstronjenje postajiło. Decernat statneho škita njeskutk přepytuje.

Budestecy. Policija je w běhu dweju tydźenjow ćežke rubježnistwo wujasniła, kotrež bě so 16. julija w Budestecach stało. Tehdy njeznaty bě so do domu wuměnkarki zadobył, ju sputał a jej z nožom hrozył. Pokradnył je něšto mało pjenjez a ec-kartku žony, z kotrejž spyta bjez wuspěcha pjenjezy wotzběhnyć. 26lětny z Lubij­skeje kónčiny je nětko zajaty.

Pytaja swójby za test

pjatk, 31. julija 2015 spisane wot:

Wojerecy (SN/mwe). Wobchadny zwjazk Hornjo Łobjo (VVO), kotryž zasadźa busy nimo Drježdźan, Mišna, Sakskeje Šwicy a druhdźe­ tež we Wojerecach, pyta swójby za test. Pod hesłom „Z awta won, nutř do busow a ćahow“ přewjedźe VVO ze swojimi partnerami wot 21. do 27. septembra projektowy tydźeń. K tomu dóstanu swójby, kotrež je zwjazk z při­zje­wjenjow wuzwolił, wosebitu potuńšenu jězdźenku. Z njej móža wone wólnje z ćahami a busami VVO jězdźić a blisko­wob­chad testować. Hač do 4. septembra je móžno so pod adresu www.vvo-online. de/umsteigerfamilie přizjewić.

Na kóncu kiwa wobdźělnikam we wobłuku­ wubědźowanja­ myto, lětna jězdźenka­ w hódnoće 1 662 eurow.

słowo lěta 2022

nawěšk

nowostki LND