Na wuprawu do Błótow
Kamjenc. Župa „Michał Hórnik“ Kamjenc a Serbske wjesne towarstwo Domizna Chrósćicy přeprošatej na kubłansku jězbu do Błótow. Sobotu, 17. julija, chcedźa čołmikować a hudźbny wječor ze skupinu Kula Bula w Bórkowach dožiwić. Wotjězd je w 16.30 hodź. z Chrósćic, a nawrót budźe na samsnym městnje wokoło 0.30 hodź. Jězba płaći na wosobu 25 eurow (bus a čołmikowanje). Přizjewić móža so zajimcy hač do srjedy, 7. julija, w Chróšćanskim regionalnym běrowje Domowiny pod telefonowym čisłom 035796-96254 abo z mejlku na .
Wustajeja karikatury
Wojerecy. Wustajeńca wo změnje klimy pod hesłom „Škituj nas Božo“ wabi tuchwilu do Wojerowskeho Domu Martina Luthera Kinga. Přistupna je ekspozicija stajnje njedźelu po Božej słužbje kaž tež we wotewrjenskim času běrowa cyrkwje a w domje zaměstnjeneho wobchoda. Chceće-li sej hinaši termin wučinić, přizjewće so pod telefonowym čisłom 03571 /972073 abo z mejlku na . Wustajeńca nasta w zhromadnym dźěle ze Slepjanskej wosadu. Dokelž nimaja městno za wšitke tafle, budu tam dotal pokazowane karikatury 25. julija wuměnjene.
W dźěłowych skupinach za jubilej dźěłać
Chrósćicy (SN/MiR). W Chrósćicach chce mějićel swoju ležownosć předać zajimcej, kiž chce tam twarić. Gmejnska rada dyrbješe k naprašowanju za twarske předewzaće (Bauvoranfrage), kotrež hižo pola wokrjesa předleži, stejišćo podać. Dosć mała ležownosć je na kromje wsy do směra na Staru Cyhelnicu. Na třiróžkatej płoninje ma jednore domske nastać. Nětko jewi so prašenje, hač dyrbja za to wjesnu taflu přestajić a štó to zapłaći. Wjesnjanosta Marko Kliman (CDU) zdźěli, zo, dyrbjeli-li wjesnu taflu přestajić, to wokrjes wukonja a zapłaći. Tak gmejnje žane kóšty njenastanu.
Za 800. róčnicu prěnjeho naspomnjenja Chrósćic a Prawoćic, kotraž budźe za štyri lěta, je Chróšćanski wjesnjanosta Marko Kliman připowědźił, zo maja so wutworić wšelake dźěłowe skupiny. Wobdźělić měli so na nich třo do štyrjo čłonojo gmejnskeje kaž tež wosadneje rady a dalši zajimcy. Skupiny maja po dorěčenju z wosadnym fararjom Měrćinom Deleńkom ideje a namjety zběrać, kak hodźi so jubilej woswjećić.
Policija (02.07.21)
Bankownica kedźbliwa była
Kulow. Wobšudnicy po telefonje su póndźelu 81lětnu rentnarku poćežowali. Žona z Noweje Wsy pola Kulowa bě sej wěsta, zo žadyn dołh nima, čuješe pak so pod ćišć stajena. Tak so rozsudźi žadanu sumu 1 500 eurow zapłaćić. Sobudźěłaćerka banki pak je ju na móžne wobšudnistwo skedźbniła a přeswědči starušku, pjenjezy njepřepokazać, ale so radšo na policiju wobroćić.
Wosebity dźak pomocnikam
Dóstanu dalše pjenjezy
Wojerecy (AK/SN). Město Wojerecy dóstanje znowa srědki ze serbskeho komunalneho programa. To zdźěli wyši měšćanosta Torsten Ruban-Zeh (SPD) wutoru na posedźenju měšćanskeje rady.
Město so za serbskosć angažuje
Wo rozsudach knježerstwa za regiony chcedźa ze zamołwitymi rěčeć
Budyšin (CS/SN). Budyski wyši měšćanosta Alexander Ahrens (SPD) je rozhorjeny rozsuda sakskeho ministerstwa za kultus dla, přestrukturować powołanske wukubłanje tak, zo maja někotre wukubłanske směry w Budyšinje wotpadnyć. Na srjedownym posedźenju měšćanskeje rady wón měnješe, zo njeje tu poslednje słowo hišće prajene. „To njedamy sej lubić, runje nětko, hdyž wobkedźbujemy, zo je dale a mjenje požadarjow za nawuknjenje rjemjeslniskich powołanjow, na přikład pjekarja. Mamy na wědomje brać, zo njeje wulka ličba młodostnych hižo mobilna a tuž na zjawne wobchadne srědki pokazana.
Stejnišći dołhodobnje zawěsćić
Zaběrajo so z přichodnym financowanjom dźiwadłow w Zhorjelcu a Žitawje je Zhorjelski wokrjes wobzamknył dźěłowu skupinu wutworić. Ta ma konkretne namjety zdźěłać.
Zhorjelc (AK/SN). Sejmik Zhorjelskeho wokrjesa wuznawa so k tomu, wobstejace struktury za Gerharta Hauptmannowe dźiwadło w Zhorjelcu a Žitawje zachować. Financna wěstota za wobaj domaj ma dołhodobnje zaručena być. Tohodla wutworja dźěłowu skupinu, kotraž konkretne namjety zdźěłuje. Předwidźane je, zo wokrjesny sejmik klětu w aprylu k tomu stejišćo schwali. To su wokrjesni radźićeljo na swojim srjedownym posedźenju při jednym přećiwnym hłosu a jednym hłosawzdaću z wjetšinu wobzamknyli.
Krótkopowěsće (02.07.21)
Nowe poručenje k šćěpjenju
Budyšin. Zwjazkowa šćěpjenska komisija je wčera poručiła, ludźom po prěnim šćěpjenju ze serumom AstraZeneca jako druhe po štyrjoch tydźenjach Biontech abo Moderna dać, zo bychu lěpje přećiwo delta-warianće wirusa škitani byli. Wo natyknjenju a smjertnym padźe je Budyski wokrjes wčera informował. Incidenca wučinja tu po RKI dźensa 4,7. We wokrjesu Zhorjelc njebě wčera žadyn nowy pad. Incidenca po RKI je tam 2,0.
Medijowa syć Łužica dźěła
Budyšin/Zhorjelc. Medijowa syć Łužica je nowowutworjeny zwjazk hornjołužiskich akterow, kotryž wot wčerawšeho spěchowanje medijoweje kompetency w regionje w nadawku Sakskeho krajneho wustawa za priwatny rozhłós a nowe medije koordinuje. Nošerjej naslědneho projekta SAEK stej mjez druhim Budyski Kamjentny dom a Wojerowska Kulturna fabrika. Poskitki wozjewjeja pod .
Politiske nastajenja rozdźělne
Dary na hesło MORAWA
Zejicy/Brno. Tornado na Morawje a jeho sćěhi za ludnosć pohnuwa Towarstwo Cyrila a Metoda k pomocy. Ze swojej akciju „Łužica pomha“ chce wone pjenjezy zběrać a je Brnjanskemu biskopstwu přepokazać. Biskopstwo je zwólniwe pjenjezy potrěbnym wosadam dale posrědkować. TCM ludźi tuž k darniwosći namołwja. Pjenjezy přepokazać móža darićeljo na konto TCM pod IBAN čisłom: DE 65 750 90 300 000 828 23 66 a pod wužiwanskim zaměrom MORAWA.
Dróha zaraćena
Mały Wjelkow. Na Nowej dróze w Małym Wjelkowje hač do 30. julija medije kładu, čehoždla je wona za wobchad zawrjena. Wobydlerjam wostanje přijězd na ležownosće dalokož móžno dowoleny. Za busowe linije płaći nětko hinaše rjadowanje. Bus njemóže tuchwilu na hłownej dróze zastać. Linija 190 jědźe tuž wot zastanišća Mały Wjelkow Wulkodubrawska direktnje na zastanišćo Budyšin Wojerowska. Analognje je to w nawopačnym směrje.
Próstwa wo podpěru
Policija (01.07.21)
Sprawna wobydlerka
Wojerecy. 77lětna žona je wutoru dopołdnja na policajski zarjad we Wojerecach přišła. Při sebi měješe móšnju z pjenjezami, dokumentami a pjenježnej kartku, kotrež bě na Radskej dróze namakała. Krótko na to přizjewi so 84lětna žona, zo by tam swoju zhubjenu móšnju přizjewiła, a ju nablaku zaso dósta. Wulki dźak słuša sprawnej namakarce.
Papagaj přilećał
Běła Woda. Wobydlerka Gutenbergoweje w Běłej Wodźe měješe wutoru njewočakowany wopyt. W nocy bě papagaj z wotewrjenym woknom do jeje bydlenja přilećał. Nětko so zwěrinoškitne towarstwo tak dołho wo ptaka stara, doniž sej mějićel po njeho njepřińdźe.
