Wjesne stawizny žiwje předstajili
Chelno pola Radworja swjećeše minjeny kónc tydźenja 500. róčnicu wobstaća. Nimo kóždolětneho chodojtypalenja bě to prěni wjetši swjedźeń po lěće 1985, hdyž běchu posledni raz meju mjetali.
Chelno (SN/BŠe). Wjes Chelno drje ludźo zwjetša ze zwjazkowej dróhu B 96 zwjazuja. Minjeny kónc tydźenja dožiwichu tam wopytowarjo čiłu wjesnu zhromadnosć. Za 500lětne wobstaće sydlišća wuhotowachu wobydlerjo swjedźeń, na kotrymž móžachu hosćo wjele stawizniskich zajimawostkow zhonić.
Při předawarni tež kermušowali
Něhdy bě w nimale kóždej wsy nakupowanišćo, hdźež poskićachu twory wšědneje potrjeby. Runočasnje běchu to socialne centrumy, hdźež so wjesnjenjo rady k bjesadźe zetkawachu. W našej lětnjej seriji na něhdyše wjesne wobchody dopominamy.
Dźensa: Worklecy (17)
Kaž na mnohich dalšich wsach tež we Worklecach dźensa wjace žadyn wobchod za twory wšědneje potrjeby nimaja. Před něhdźe 200 lětami bě to hinak. Po tym zo bě so Nowosličan Jakub Hórnik 19. meje 1829 z Hańžu Michałkec z Worklec woženił, je wón z pomocu přichodneju staršeju dom napřećo chorowni kupił. Přewšo pilny Jakub Hórnik njeje jeno črije płatał, ale tež połtřeća hektara pola wobdźěłał. Nimo toho měješe wobchodźik z drobnymi tworami. Hórnikecom narodźi so 1830 holčka Madlena a 1833 syn Michał, kiž je nam dźensa jedna z najwuznamnišich wosobinow serbskeho narodneho a kulturneho žiwjenja 19. lětstotka.
Přijomna swójbna atmosfera knježeše minjenu njedźelu na dworowym ...
Stat přewostaji miliony eurow
Wobšěrne inwesticije w Slepjanskej a Trjebinskej gmejnje planowane
Trjebin (CK/SN). Nimale dźesać milionow eurow chcedźa přichodnje w gmejnomaj Trjebin a Slepo inwestować. To je sakske krajne knježerstwo minjeny tydźeń wobzamknyło. Kaž statny minister a šef statneje kenclije Oliver Schenk (CDU) w Trjebinje zdźěli, přewostaji swobodny stat 2,8 milionow eurow za wopłóčki, pěstowarnju a wohnjowu woboru z wotpowědnych fachowych spěchowanskich fondsow. Přidatnje přewozmje Sakska swójski podźěl wobeju komunow we wobjimje 6,5 milionow eurow. „To je wuwzaćny rozsud na zakładźe wosebiteho połoženja“, rjekny šef sakskeje statneje kenclije. W meji bě energijowy zastaraćel LEAG zdźělił, zo swój dotalny rewěrowy koncept změni, tak zo njetrjebaja južny dźěl Slepoho, Rowno, Mułkecy a Trjebink wotbagrować. W meji 2017 su LEAG, swobodny stat, wokrjes a wobě gmejnje deklaraciju podpisali, kak chcyli přez hórnistwo zawinowany inwesticiski zastatk nachwatać. LEAG přewostaji za to 780 000 eurow. Po tym pak njeje so po měnjenju gmejnskich radźićelow Slepoho a Trjebina dołhi čas ničo stało.
Krótkopowěsće (27.08.19)
Serbowka časne sluby złožiła
Auerbach. Sara Rječkec z delnich Sulšec je dźensa swój čas jako nowicka w rjedźe šulskich knježnow Našeje lubeje knjenje w Auerbachu zakónčiła. Jako sotra Alojsia Rječkec złoži wona dźensa dopołdnja na Božej mši swoje časne sluby, zdźěli Katolski Posoł. Hakle před lětomaj bu Sulšečanka tam zadrasćena. Za tři lěta chce wona wěčne sluby złožić.
Twarstwo postupuje
Kamjenc. Wjac přistajenych, wjac wobrota a wyše mzdy – twarskemu přemysłu w Sakskej so derje dźe. To zdźěli wčera krajny statistiski zarjad w Kamjencu. Tak su so mzdy lětsa w prěnim połlěće porno lońšemu wo 8,4 procenty zwyšili. Nimo toho je loni kónc lěta něhdźe 33 800 ludźi w twarskim wobłuku dźěłało. To je 2,9 procentow wjace hač w lěće 2017.
Studenća a seniorojo hromadźe
Klětu ma nowy hort hotowy być
Kaž w srjedźowěku so čuli
Serbske šulske towarstwo swójbny swjedźeń wuhotowało
Hórki (KJu/SN). Na „wulět do srjedźowěka“ je Serbske šulske towarstwo (SŠT) wčera na swojim swójbnym swjedźenju w Hórkach přeprosyło. Něhdźe 250 staršich a dźěći móžachu zarjadowarjo na 14. swjedźenju tajkeho razu witać. Njeběchu to jeno swójby z bliskich Chrósćic, Ralbic a Wotrowa, ale tež z Němcow a Malešec. Tež swójby, kotrychž dźěći do pěstowarnjow w nošerstwje SŠT njechodźa, wužiwachu rjany njedźelny poskitk ze zajimawej temu a su přichwatali.
Policija (26.08.19)
Připowěšak pokradnyli
Kubšicy. Poměrnje drohi připowěšak, z kotrymž hodźa so jězdźidła transportować, bě sobotu cil dotal njeznatych paduchow w Kubšicach. Něhdźe 9 000 eurow drohi připowěšak pokradnychu skućićeljo z terena firmy.
Wo Serbskim Sokole zhonili
Budyšin. „Serbski Sokoł běchu 1920 jako sportowe towarstwo załožili. Wone wjazaše wšitke woršty serbskeje ludnosće ze zaměrom, z pomocu sporta narodne wědomje skrućić.“ Takle rozłoži to docent na wuměnku Jurij Nuk na njedawnym zetkanju Budyskich serbskich seniorow. Rodźeny Wutołčan bě sej wot swojeho nana tójšto wo spomóžnym hibanju Serbow hač do zakaza přez nacionalsocialistow rozprawjeć dał a tak tež tójšto materiala nazběrał. Přednošk derje wukubłaneho sorabista bě tuž wosebje zajimawy.
Sokołske hibanje rozšěri so jara spěšnje po woběmaj Łužicomaj, a hižo 1923 wobdźělichu so hibićiwi Serbja na wšosokołskim (Słowjanskim) zjězdźe w čěskej Mladej Boleslavje jako łužiskoserbski zwjazk. „Běše to hłownje muske towarstwo, ale tež zajimowane žony a dźěći mějachu přistup. Předewšěm pěstowachu ćěłozwučowanje na narjadach“, kaž přednošowar podšmórny.
Krótkopowěsće (26.08.19)
Ursu chce hospodarstwo skrućić
Zhorjelc. Nowy wyši měšćanosta Zhorjelca Octavian Ursu (CDU) bu sobotu w tamnišim Gerharta Hauptmannowym dźiwadle swjatočnje do zastojnstwa zapokazany. Za najwažniše temowe ćežišćo swojeho skutkowanja mjenowaše 51lětny „skrućenje hospodarstwa w měsće. Trjebamy hospodarski rozrost, zo by wobydlerstwo přiběrało a so trěbne socialne narunanje docpěło.“
Warjenska kniha znowa předleži
Budyšin. Jedna ze serbskich bestsellerow je zaso na předań. Kniha Tomaša Lukaša z titlom „Warimy z Tomašom“ bě za někotrehožkuli zajimca přespěšnje rozebrana. Nětko je edicija w dalšim nakładźe wušła, kaž Ludowe nakładnistwo Domowina zdźěla. Wona přeproša dźěći wot wosom lět kaž tež cyłu swójbu na warjenski dyrdomdej do kuchnje.
Nětko změja piwo „Winnetou“
