Policija (23.11.15)
Sprjejcy. Wustróžana bě sobotu popołdnju mać wosom měsacow stareho dźěsća w Sprjejcach. Wona bě swoju dźowku 55lětnej wowce k wuchodźowanju dowěriła. Jako so ta po dwěmaj hodźinomaj hišće nawróćiła njeje, poča so mać starosćić a informowaše policiju. Kaž pak so krótko na to wukopa, bě so 55lětna jenož w lěsu zaběžała. Prjedy hač policija wjetšu pytansku akciju zahaji, so wona nawróći.
Čas kermušow hižo zaso nimo
W njeličomnych delanskich domjacnosćach su wčera kermušu swjećili, poslednju tohole lěta. Hižo sobotu wječor běchu zajimcy na kermušne reje do Konjec přeprošeni.
Ralbicy (aha/SN). „Kermuša je radostny swjedźeń. Wosebje tohodla, zo wopominamy poswjećenje swojeho Božeho domu“, zahaji wosadny farar Šćěpan Delan wčerawšu Božu mšu w Ralbičanskej cyrkwi. Swjatočne kemše stej dujerski orchester a cyrkwinski chór Lilija pod nawodom Achima Dučmana a Bernadet Šołćineje dostojnje wobrubiłoj. Na pišćelach hraješe Tomaš Wjenk.
Krótkopowěsće (20.11.15)
LND a Lusatia w Drježdźanach
Drježdźany. 45 nakładnistwow ze Sakskeje pokazuje wot dźensnišeho w Drježdźanskim Japanskim palaisu swoje wudźěłki zašłych lět. Mjez nimi stej tež Ludowe nakładnistwo Domowina a Budyske nakładnistwo Lusatia. Saksku knižnu přehladku wuhotuje ministerstwo za hospodarstwo, dźěło a wobchad swobodneho stata. Přehladka traje hač do 27. nowembra, zastup je darmotny.
Kotissek myto přijimał
Podstupim. Wolfgang Kotissek, nawoda Serbskeho folklorneho ansambla Slepo, je wčera w Podstupim myto jako „Towarstwo lěta“ přijimał. Wuchodoněmski lutowarniski zwjazk počesći z tym wulki angažement Slepjanskeho towarstwa při hajenju serbskeje kultury. „Slepo je jeničke městno w Němskej, hdźež so hišće dudy hraja“, we wobkrućenju rěka.
Małolětnych ćěkancow zadomili
Policija (20.11.15)
Kamjenc. Kamjenske hamtske sudnistwo je wodźerja awta zasudźiło, dokelž je wopity a bjez jězbneje dowolnosće po puću był. Tohodla dyrbi tysac eurow pokuty płaćić. Tola porok, zo je šofer w Pančicach-Kukowje małotransporter zapalił, Kamjenčanej dopokazać njemóžachu.
Njezbožo z třomi awtami
Lubij. W Lubiju su dźensa rano na Nowosólskej wuchowansku słužbu, wohnjowu woboru a policiju k městnu njezboža wołali. Z dotal njeznateje přičiny zrazychu tam VW Golf, VW Tiguan a Mazda 6 do so. Při tym so w Mazdźe jedna wosoba ćežko zrani, kotruž do chorownje dowjezechu. Dróha wosta wjacore hodźiny dospołnje zašlahana.
Saněrowanje dróše
Lětsa znowa z dźěćatkom
632. Budyske Wjacławske wiki ze znatym a nowosćemi
Budyšin (SN/MWj). Po wšěm zdaću najstarše hodowne wiki Němskeje wotewru 27. nowembra, w Budyšinje. Hač do 20. decembra budźe na 632. Wjacławskich wikach něhdźe 90 wikowarjow a gastronomow swoje twory poskićować. Wiki budu wšědnje wot 10 do 20 hodź. wočinjene, štwórtk a sobotu samo hač do 22 hodź. Kaž z radnicy rěka, su za wiki wobšěrny kulturny program zestajeli.
Runja zašłym lětam dožiwja wopytowarjo tež lětsa Wojerowske dźěćatko, kotrež z přewodźerkomaj dariki rozdźěli. Wone přińdźe sobotu, 28. nowembra, w 16 hodź. na Hłowne torhošćo. Njedźelu, 29. nowembra, wyši měšćanosta Alexander Ahrens (njestronjan) wiki w 12 hodź. oficialnje wotewrje a štyri metry dołhi wosušk Bänsec pjekarnje nakraje.
Potrjeba za sparom so měnja
Zo čłowjek měrnje spi, njeje samozrozumliwe. Mnozy maja z tym wulke ćeže. Měrćin Weclich je so wo tym z Ralbičanskim lěkarjom Gerdom Jahnyjom rozmołwjał.
Maja mnozy ludźo problem, zo njemóža prawje spać?
Dipl.-med. G. Jahny: Wobhladawši sej ličbu pacientow w swojej praksy, ma ně- hdźe dwaceći procentow z nich problem, zo hubjenje spja. Tole su w rěčnej hodźinje wospjet tež narěčeli. To rěka, zo njemóža nóc prawje přespać, zo překrótko spja, zo njemóža sej prawje wusnyć. Njeje to přeco chorosć. Přičiny toho maja so wuslědźić, štož je často hižo w rozmołwje z domjacym lěkarjom móžno. Při tym na přikład zwěsćam, zo su symptomy po zdaću falowaceho spara swojoraznosć ćěła, kotrež praji: „Wjace spara nje- trjebam.“
Što je normalny spar?
Dipl.-med. G. Jahny: Normalny spar – štož dołhodobnje pod tym zrozumiš – je, zo so do łoža lehnješ, zo sy sej po 20 do 30 mjeńšinach wusnył a zo rano zwjetša w samsnym času wotućiš. Wot toho je tójšto wotchilenjow móžnych. Hač su to chorobne přičiny abo nic, hodźi so při přepytowanju často jednorje wujasnić.
Kelko spara čłowjek trjeba?
Po tym zo su Wojerowsku Einsteinowu hasu nimale lěto ponowjeli, su ju ...
Hajko Kozel zaso w sejmje
Drježdźany (SN/JaW). Hajko Kozel je zaso čłon Sakskeho krajneho sejma. Z tym ma Lěwica po lěće přestawki znowa serbskeho zapósłanca, zdźěli frakcija Lěwicy medijam. Kozel je dźensa při zawjazanju pre- zidentej sejma dr. Matthiasej Rößlerej tež serbsce wotmołwił, wón SN wobkrući.
„Samozrozumliwje budu so, kaž hižo w zašłosći, tež přichodnje za zajimy serbskeho ludu zasadźeć. Při tym chcył so předewšěm ćežam přewzaća kóštow za šulerkski transport dźěćom ze serbskich swójbow wěnować, kotrychž starši su so ze zajima za maćernorěčnu wučbu hinak rozsudźili, hač wot krajneho rady předwidźane“, rjekny Kozel w zdźělence. Zdobom chce wón docpěć, zo so financowanje Załožby za serbski lud dynamizuje.
Hajko Kozel bě so za nawrót do sejma rozsudźił, po tym zo běchu zapósłanču Annekatrin Klepsch za kulturnu měšćanostku Drježdźan wuzwolili, na čož wona swój mandat złoži. Špatneho městna na krajnej lisćinje Lěwicy dla njedocpě Kozel při lońšich wólbach skok do Sakskeho krajneho sejma.
Krótkopowěsće (19.11.15)
Dóstanu wjac spěchowanja
Berlin/Flensburg. Federalistisku uniju europskich narodnych mjeńšin (FUEN) spěchuje Zwjazk wot klětušeho z poł milionom eurow. Zyšenje wo 400 000 eurow je etatowy wuběrk zwjazkoweho sejma wobzamknył, zdźěli FUEN. Prezident FUEN Hans-Heinrich Hansen ma to za wysoke hódnoćenje mjeńšin a za wuslědk prócowanjow mnohich podpěraćelow.
Rozsud přestorčili
Radwor. Na posedźenju zawčerawšim su Radworscy gmejnscy radźićeljo rozsud wo zjednoćenju stawnistwow na teritoriju gmejny do jednotneho w Malešecach přestorčili. Wobzamknychu ponowjenje dróhi při Lodowej pincy w Lutobču. Dale počesćichu štyrjoch kameradow wohnjoweje wobory z rjadom pomocnikow při wulkej wodźe 2013.
Informuja tež wo Serbach
