Arlette Nürnberger je w Kubšicach nowe towarstwo załožiła, kotrež w nuzy pomha. Tola – hinak hač sej mysliš – nic w prěnim rjedźe ludźom, ale zwěrjatam.
Kubšicy (UM/SN). Psy Ailika, Bartholomäus und Hummel so derje čuja. Su wotpinane. Přetož Ailika a Hummel stej psaj družiny American Staffordshire-Terrier, Bartholomäus je Rottweiler. Arlette Nürnberger pak trjeba jenož słowo rjec a psy hnydom stanu. Wone wědźa, zo póńdu hnydom won na čerstwy powětr. Za Kubšičanku a jeje štyri a połlětneho syna twori trójka psow „Kožuch zboža“. Pod tutym mjenom je wona towarstwo załožiła. Arlette Nürnberger je wukubłana trenarka psow. „Hižo jako dźěćo běch do swojeho poezijoweho albuma powołanske přeće ‚dompterka‘ napisała.“ A kaž dompter tež psyča trenarka ze zwěrjatami dźěła. Wona wšak kij a křud njewužiwa, ale dźěła skerje z lubosću a začućom. Předewšěm pak stara so wona wo ludźi, kotřiž chcedźa psa wodźić.
Budyšin (SN/MiP). Hladajo na lětuše wólby krajneju sejmow w Sakskej (1. septembra) a w Braniborskej (22. septembra) přewjedźe třěšny zwjazk Domowina wosebitu akciju w zmysle wolerjow pod titulom: „Wólbne kopolaki – namołwa na serbski lud“. Hižo někotre lěta wotmołwjeja politiske strony w Němskej a Awstriskej pod hesłom „wólbne kopolaki“ před wažnymi wólbami abo politiskimi rozsudami na palace prašenja wolerjow, kotrež zhromadźa zwjazki jako zastupjerjo zajimowych skupin w jich nadawku. Tež Domowina je so hižo wjacore razy na akciji wobdźěliła. „Jako zastupjerka zajimow Serbow chcemy prašenja serbskeho ludu při nastajenju našich wólbnych kopolakow wobkedźbować“, piše w zdźělence na swojej internetnej stronje.
Serb z čłonom přirady
Budyšin. Na namjet serbskeje rady přisłuša po schwalenju zakonja wo dalewuwiću Powołanskeje akademije na dualnu wysoku šulu poradźowacemu gremijej prěni raz serbski čłon. W Budyšinje ma nastać wysoka šula, na kotrejž změja studenća wot 2025 móžnosć, akademiski studij wotzamknyć. Scyła budźe tež móžno, ze zakónčenym třilětnym powołanskim wukubłanjom studować.
Podpěruje žónsku wubranku
Budyšin. Zastupowacy jednaćel TDDK Ronald Juhnke a społnomócnjena zawoda za serbske naležnosće Carolina Měršowa staj so wčera na dźěłowu rozmołwu z Dawidom Statnikom, předsydu Domowiny, a Pětrom Brězanom, referentom třěšneho zwjazka za hospodarstwo, zetkałoj. Mjez druhim dorěčachu, zo budźe TDDK serbsku wubranku koparkow na lětušej Europeadźe z 1 000 eurami podpěrować.
Stipendij za pobyt we wukraju
Z tutym rjadom přinoškow chcemy wam měsačnje poručić, što móžeće w zahrodce abo w rostlinarni zdokonjeć. Přejemy wam wjeselo při dźěle a radosć při wobkedźbowanju toho, štož pod wašimaj rukomaj rosće.
Kruta zyma a sněh stej so w januaru do Łužicy wróćiłoj, znajmjeńša na někotre dny. Budźmy wćipni, kajki so nam měsac februar pokaza. Wulke žně w zymnym času njewočakujemy. W swójskej zahrodce abo rostlinarni wšak njeje so ničo noweho přidružiło. Na dnjach bjez zmjerzka hodźa so nadal korjeninowa zelenina kaž pastyrnak, zatkańca a módra jutnička (Haferwurzel), łopjenowa zelenina kaž rjaponka (Feldsalat), zymska žerchej (Winterkresse) abo posteleinowa solotej abo k swójbje kobołkow słušacy zymski porej (Winterporree) žnjeć. Wšelake družiny kała, kaž pupkaty kał (Rosenkohl), zeleny kał abo palmowy kał – jeli hišće maće –, hodźi so wězo tež hišće dale žnjeć.
Kulow (AK/SN). Město Kulow je do projekta Drježdźanskeje Techniskeje uniwersity „ZellSys“ (celularne energijowe systemy k přetworjenju energijoweho zastaranja w suburbanym rumje Kulow) zapřijate. Wědomostnicy su studiju minjeny pjatk na wobydlerskej zhromadźiznje w Jakubetzowym wustawje zajimcam předstajili, mjez druhim tež wuslědki wobydlerskeho naprašowanja.
Nowe wuhotowane němskorěčne pućniki w Rakečanskej gmejnje zbudźeja zajim čitarjow. Radworčan Jan Nuk pisa hladajo na wudaće SN 2. februara, w kotrymž běchmy informowali: Su pućniki jednorěčnje němsce wuhotowali, dokelž pomnikoškit dwurěčne wuhotowanje wotpokazuje a to z argumentom, zo wšak kamjenje něhdy tež dwurěčne njeběchu. Z toho stej we mni dwě prašeni wurostłoj. Hdźe je napisane, zo ma so historiska njesprawnosć diskriminacije serbskeje rěče na wšě časy dale pisać? Před někotrymi lětami sym so wo to postarał, zo smy w Radworskej gmejnje 13 historiskich kamjenjatych pućnikow wobnowili, a to dwurěčnje serbsce a němsce – z dowolnosću pomnikoškita. Čehodla rozsudźi pomnikoškit jónu tak a jónu znak?
Je so Rakečanska gmejna dała přez blido sćahnyć abo je w padźe Radworja prosće zarjadnik rozsudźił, kotryž měješe sympatije za Serbow?
Na dnju wotewrjenych duri witachu wuwučowacy a wuknjacy Budyskeho Šulskeho centruma Carity wulku syłu zajimcow. Mjez nimi běchu tež wopytowarjo z migraciskim pozadkom.
Budyšin (CS/SN). „Naše kubłanišćo ma po cyłym Budyšinje, ale tež zwonka města jara dobre mjeno. Přiwšěm nochcemy so dnja wotewrjenych duri wzdać“, wuzběhny nawoda Šulskeho centruma Carity Bertin Rautenberg w swojej wotewrjenskej narěči. Po tym zo bě zarjadowanje za čas korony wupadnyło, wotewrě zarjadnišćo na Weigangowej 8 – tak, kaž loni hižo – minjenu sobotu zajimcam swoje durje. „Za potencielnych požadarjow je wuměna z tymi, kotřiž tu hižo wuknu, esencielna. Wšako zhonja tak z prěnjeje ruki nadrobnosće k wukubłanju“, wón podšmórny.