Wjace wěstoty na šulskim puću
Dźěwin (AK/SN). Mjez Dźěwinom a Slepom ma bórze kolesowanska šćežka podłu hłowneho puća nastać. Tole zdźěli twarski zamołwity Slepjanskeho zarjadniskeho zjednoćenstwa Steffen Seidlich na zašłym posedźenju Dźěwinskeje gmejnskeje rady. „Planowanske podłožki su k nam dóšli. Na tymle zakładźe móža nětko nošerjo zjawnych zajimow swoje stejišćo zapodać.“
Do toho pak dyrbi zarjadnistwo hišće wažnej nadawkaj spjelnić, Seidlich rozłoži. Tak dyrbja zapodać próstwu, zo smědźa lěs wužiwać a dalšu, zo smědźa nowy lěs wosadźeć. Z tym maja so narunać štomy, kotrež dyrbja za kolesowansku šćežku pušćić. Potom hodźi so projekt zwoprawdźić. Profitować maja z toho předewšěm dźěći, kotrychž wšědny puć do Slepjanskeje šule ma wěsćiši być.
Srjedźišćo ma zwjazować
Na městnje bywšeho hosćenca multifunkcionalny areal nastał
Pančicy-Kukow (SN/MWj). Nowe wjesne srjedźišćo napřećo klóštrej Marijinej hwězdźe su wčera w Pančicach-Kukowje oficialnje přepodali. Hižo loni w oktobru běchu je dotwarili, z wčerawšim swjedźenjom smě so komunikaciska arena z hrajkanišćom a pawiljonomaj zjawnje wužiwać. Wopytowarjam je chór Šule Ćišinskeho pod nawodom Marije-Terezy Rychtarjoweje někotre serbske štučki zanjesł. Moderatorka Bogna Korjeńkowa witaše nimo zapósłanče Sakskeho krajneho sejma Elaine Jenčec a dalšich hosći wjesnjanostu Markusa Kreuza (wobaj CDU) a architekta Marka Dźisławka.
Wjesnjenjo sej són spjelnili
Worklecy (JP/SN). Kupu komunikacije, kreatiwity a kultury su wčera we Worklecach přepodali. K tomu witaštaj wjesnjanosta Clemens Poldrack (njestronjan) a Christina Hozyna wjele wopytowarjow před nowym multifunkcionalnym twarjenjom. Holcy w serbskej narodnej drasće poskićištej na słowjanske wašnje chlěb a sól, Jette Njekec zahra na gitarje. Po słowach wjesnjanosty bě wčera za Worklecy historiski dźeń, na kotrymž móžachu nowowuhotowanu kupu skónčnje zjawnosći přepodać. Wón dźakowaše so předewšěm wobydlerjam, kotřiž su ze swojim angažementom projekt zmóžnili, kaž tež wšitkim na zwoprawdźenju wobdźělenym firmam.
Drježdźanski hólči chór kapałnikow wobrubi wčera nyšpor w ...
Pisany program na nawsy dožiwili
Krótkopowěsće (12.05.25)
Přetorhnjenja we wusyłanju
Lipsk. Wot dźensnišeho hač do 25. meje přewjedźe Srjedźoněmski rozhłós (MDR) wobšěrne hladanske dźěła na Wojerowskej škričkowej staciji. Naprawy dla wjacore słuchanske programy MDR nachwilnje wupadnu. Program MDR SACHSEN je najsylnišo potrjecheny a to wosebje w městach Wojerecy, Běła Woda, Kamjenc, Biskopicy a Budyšin. Wšitke programy pak steja bjez přetorhnjenjow jako livestream w interneće k dispoziciji.
Eyckec w Awstralskej wustupiła
Sydney. Koncert serbskeje wuměłče, solistki na thereminje, Caroliny Eyckec, we hłownej žurli wuznamneho „Sydney Opera House“ bě wčera prěni wjeršk jeje dwaj tydźenjej trajaceje turneje po Awstralskej. Dalše stacije koncertow zhromadnje z „Australian Chamber Orchestra“ su přichodne dny Brisbane, Melbourne a Canberra.
Čěski wulkopósłanc w Ruskej
Čěscy hudźbnicy k rejowanju pohnuwali
Wojerecy (KD/SN). Z huslemi, pišćałkami, spěwom a dudami móžeš wulkotnje serbsku folklornu hudźbu hrać. Tole su srjedu wopytowarjo koncerta we Wojerowskim hrodźe nazhonili a z wjele přikleskom mytowali. Něhdźe sto wopytowarjow je přišło.
Čěska kapała Lidová muzika z Chrástu njezanjese jenož čěske pěsnje, ale tež delnjoserbsku a hornjoserbsku hudźbu, připowědźi županka župy „Handrj Zejler“ Gabriela Linakowa. Tak jědnaće hudźbnikow serbsku hudźbu tež w druhich kónčinach Němskeje rozšěrja. „Zahrajemy tule hudźbu, dokelž ma wona dobru kwalitu“, rjekny nawoda kapały Vojtech Kouba. Wón moderěrowaše hudźbny wječor serbsce, čěsce a němsce a připowědźi mjez druhim spěwy z albuma skupiny „Za čěskimi horami“. Skupina pěstuje hižo někotre lěta serbsku spěwnu folkloru a poby tež na Mjezynarodnym folklornym festiwalu Łužica.
Kukowčenjo swój wóz dotwarili
Prěnja prezentacija spokojaca
Radźićeljo awtomatiske přełožowanje z hornjoserbšćiny zeznali
Chrósćicy (JK/SN). Skerje zrědka so stawa, zo wotměje so posedźenje gmejnskeje rady na historiskim dnju a w historiskim wokomiku. Wčera w Chrósćicach radźićeljo napjeće čakachu, štó drje je nowy bamž. Spočatk swojeho posedźenja woni tuž trochu přestorčichu. Dokelž pak so we Vatikanje dlijachu, so radźićeljo potom tola rozsudźichu, dnjowy porjad wotdźěłać. Tón wšak z přewjele dypkami pjelnjeny njebě.
Policija (09.05.25)
Kolesowarce znjezbožiłoj
Wojerecy. Hnydom dwě wobchadnej njezboži, při kotrymajž běštej kolesowarce wobdźělenej, stej so srjedu we Wojerecach stałoj. Najprjedy kolesowaše 72lětna po připołdnju na Friedrichowej, jako ju 86lětny wodźer Hyundaja přesćahny. Za dosć wotstawka pak dróha šěroka dosć njebě, tak zo so kolesowarka nabóčneho kamjenja šmórny a padny. Žonu dyrbjachu zranjenu do chorownje dowjezć. Hodźinu pozdźišo chcyše 65lětna wodźerka Audija na Nisčanskej dróze naprawo do industrijoweje přestrjenje wotbočić, njewobkedźbowaše pak, zo pokazowaše ampla čerwjenu swěcu. W tym wokomiku 41lětna kolesowarka dróhu přeprěči, dokelž jeje ampla zelene pokazowaše. Žona padny, ale so na zbožo jeno snadnje zrani. Škoda na kolesu a awće wučinja dohromady něhdźe 5 000 eurow, kaž policija zdźěli.
