Twarske projekty přihotuja
Z mostom, šulskej třěchu a dalšimi předewzaćemi so radźićeljo zaběrali
Pančicy-Kukow (SN/MWj). Telko twarnišćow kaž tuchwilu w gmejnje Pančicy-Kukow hižo dołho njebě. A tež přichodnje drje jich mjenje njebudźe. Znajmjeńša dyrbjachu so čłonojo gmejnskeje rady na swojim wčerawšim posedźenju z najwšelakorišimi tuchwilnymi a přichodnymi twarskimi projektami zaběrać.
Tak přepodachu Budyskemu inženjerskemu běrowej Exner & Schramm nadawk, wottorhać mały a hižo dlěši čas zawrjeny móst nad Klóšterskej wodu při bywšim hosćencu w Pančicach-Kukowje. Tón planuje tohorunja wutwar statneje dróhi S 100 a nowotwar hłowneho mosta nad Klóšterskej wodu, štož ma so klětu zwoprawdźić. Tuž je rozumne, zo ma samsny běrow tež wottorhanje mjeńšeho mosta w swojej ruce, argumentowaše wjesnjanosta Markus Kreuz (CDU).
Na slědach swjateje Ludmile
Na přeprošenje čěskeho towarstwa „Svatá Ludmila“ poda so minjenu póndźelu přibližnje 50 Serbowkow a Serbow na slědy swj. Ludmile do sewjeročěskeho wokrjesneho města Česká Lípa. Ju česćuja jako dobru wjerchowku a swjatu žónsku na stronje swojeho mandźelskeho Borživoja z rodu Přemysłow a zdobom jako wowku a kubłarku pozdźišeho wjercha Wjacława. Tak steješe wona jako wurjadna historiska wosobina na spočatku konstituowanja čěskeho naroda w 9. a 10. wěku. Dźěše tehdy wo zjednoćenje słowjanskich kmjenow. Přez lětstotki wobwliwowaše jeje skutkowanje sobu čěski stat a jeho duchowne wuwiće.
Nětko wotměwa so k wopominanju wuznamneje wjerchowki a maćerje pjeć dźěći 1 100. róčnica jeje namócneje smjerće. 15. septembra 921 wona na Tetinskim hrodźišću Tuntowa a Gommona jako martrarka za wěru a narod zemrě. Tuž njeměło so tež w dźensnišim času na nju pozabyć, a to byrnjež Čěska mjeztym do sobu najsekularizowanišich krajow słušała.
Za ponowjenje wobeju pišćelow Budyskeje tachantskeje cyrkwje je ...
Minjene 25 lět tójšto na dobro žonow wuzbytkowali
Budyšin (CS/SN). W přewrótowym času po lěće 1989 su žony w Budyšinje zapal noweho časa wužili, zo bychu něšto na dobro žonow wuzbytkowali. W tymle času nastaštej žónski centrum a tež škitny dom za žony. Žony a mužojo, kotřiž su tehdy něšto zdokonjeli a so hišće dźensa na wšelakich runinach zasadźuja, su so zawčerawšim, wutoru, w Kamjentnym domje zešli, zo bychu „25 lět dźěło na dobro žonow a jich runostajenja“ wopominali.
Krótkopowěsće (17.11.16)
Dalšej padaj ptačeje gripy
Borna. W Sakskej stej dalšej padaj ptačeje gripy wobkrućenej. W mortwymaj kačkomaj, kotrejž běchu minjenu njedźelupři jězoru njedaloko Lipska našli, su strašny wirus H5N8 zwěsćili, zdźěli Lipšćanski krajnoradny zarjad. Minjeny tydźeń běchu wirus pola mortweje kački při samsnym jězoru namakali. Po wšej Sakskej dyrbi pjerizna w kurjencach wostać.
„Freitalska skupina“ w srjedźišću
Drježdźany. Prawniski wuběrk Sakskeho krajneho sejma je so dźensa na wurjadnym posedźenju z móžnymi kontaktami sakskeho wustawoškita z prawicarskoradikalnej „Freitalskej skupinu“ zaběrał. Na njezjawnym posedźenju prašachu so zastupnikow nutřkowneho a justicneho ministerstwa. Lěwica bě sej tele wurjadne posedźenje žadała.
Ivana Trump wulkopósłanča?
Policija (17.11.16)
Pěšk so ćežko zranił
Budyšin. Ćežke wobchadne njezbožo je so wčera wječor w Budyskej Strowotnej studni blisko Röhrscheidtoweje kupjele stało. Tam chcyše 35lětny muž něhdźe w 17 hodź. dróhu přeprěčić, jako wosobowe awto typa Audi přijědźe. Jeho 25lětny wodźer njemóžeše zražce hižo zadźěwać a do muža zajědźe. 35lětny so při tym ćežko zrani. Jeho dyrbjachu z helikopterom do Drježdźanskeje chorownje transportować. Na wosobowym awće nasta něhdźe 2 500 eurow škody. Policija zawěsći na městnje wšelake slědy. Přiwšěm pytaja swědkow, kotřiž su wobchadne njezbožo snano wobkedźbowali. Tući njech so pod telefonowym čisłom 03591/ 36 70 přizjewja.
Ludźo měli dokładnje wotwažować
Problematika wopłóčkow Radworčanow hižo njepušći. W zašłych tydźenjach běchu mnozy wobydlerjo gmejny zaso raz list zaměroweho wopłóčkoweho zwjazka „Mała Sprjewja“ dóstali, zo maja nětko popłatki za wužiwanje zjawnych kanalow płaćić.
Policija (15.11.16)
Wopity z awtom jěł
Malešecy. Wčera w nocy je so wodźer Opela w Malešecach na Hućinskej dróze přećisnył. Po zdaću je 25lětny kontrolu nad jězdźidłom zhubił. Na kóncu so wukopa, zo měješe młody šofer 1,4 promile alkohola w kreji.
Wo aspektach mjeńšin
Dworowe dźiwadło hosći putało
Ćišćanski „swjedźeń towarstwow“ je kóžde lěto jedyn z wjerškow wjesneho žiwjenja, organizowany přeco wot druheje skupiny na žurli hosćenca „Zeleny wěnc“.
Ćisk (KD/SN). Lětsa je prěni króć dwanaće čłonow Ćišćanskeho wjesneho dźiwadła, kotrež wjesnemu kulturnemu towarstwu přisłuša, před wulkej ličbu přihladowarjow minjenu sobotu 90minutowski „telewizijny wječor“ z někotrymi widejami a skečemi wuhotowało. Za sportowe wusyłanje su wubědźowanje Formula-1 na Ćišćanskich wjesnych dróhach filmowali. W přinošku we wobłuku wosebiteho Sakskeho špihela wěnowachu so lóštnje mejestajenju z Hanumarinej pólku na jewišću, a to jako minimalistisku wersiju nimale bjez młodostnych. Jenož jedyn młody muž so z holcu kolebaše, a to bě na kóncu w serbskej narodnej drasće woblečena gumijowa klanka.
Starši Ćišćanski porik z Hanu (Annet Zarodnikowa) a Matthesom (Tobias Hermann), přeješe sej, zo by přeco dosć młodostnych było, kotřiž serbske nałožki prawje haja. W lubosćiwje wuhotowanej bydlenskej kulisy z połstatych lět čłonaj dworoweho dźiwadła po programje wjedźeštaj.
