Sernjany a Porchow w planje
Hospodarski plan zaměroweho zwjazka za wopłóčki při Klóšterskej wodźe bě w druhej połojcy oktobra zjawnje wupołoženy. W nim je tójšto ličbow a faktow, kotrež móhli zajimować.
Wudwor (AK/SN). Zaměrowy zwjazk za wopłóčki Při Klóšterskej wodźe (AZV) ma za hospodarske lěto 2018 dwě ćežišći. „Jónu ma so hladanje wobstejacych připrawow zaručić. Zdruha matej so wjesnej syći w Sernjanach a Porchowje rozšěrić. Tak so runočasnje dołhodobne wućeženje wodočisćernjow w Ralbicach a Porchowje polěpši.“ Takle rěka w hospodarskim planje, kotryž bě wot 16. hač do 24. oktobra zjawnje wupołoženy. Po wšěm zdaću 14. nowembra chcedźa jón zastupjerjo AZV přisłušacych gmejnow wobzamknyć.
Zaměrowy zwjazk liči klětu z minimalnym dobytkom 2 350 eurow. Riziko při planowanju su wotwožowanje wopłóčkoweho błóta, staroba techniskich připrawow a stupace energijowe kóšty. „Tele rizika dyrbimy pomjenować. Zdobom pak smy winowaći ze srědkami zlutniwje wobchadźeć“, praji sobudźěłaćer AZV Jan Mikel. Wot wobstejacych kreditow chcedźa klětu 214 000 eurow wotpłaćić.
Prěni raz bě Njebjelčanski młodźinski klub minjeny pjatk na ...
Krótkopowěsće (06.11.17)
Bjez serbskeho zastupjerja
Kamjenica. Antje Feiks je nowa krajna předsydka sakskeje Lěwicy. Wona je so ze 104 hłosami přećiwo kontrahentej Andréjej Schollbachej (75 hłosow) na krajnym zjězdźe kónc tydźena w Kamjenicy přesadźiła. Serbski kandidat za krajne předsydstwo Hajko Kozel njedósta trěbnu wjetšinu hłosow. Dale zwrěšći namjet serbskeje Lěwicy, serbskopolitiskeho rěčnika krajneho předsydstwa we wosebitej jednotliwej wólbje wuzwolić. 64 procentow delegatow jón wotpokaza.
Z twarožkom w stolicy
Berlin/Koćina. Koćinski Krabatowy mlokowy swět je so wčera na twarožkowych wikach „Cheese Berlin 2017“ w němskej stolicy prezentował. Mjez druhim móžachu wopytowarjo we wikowanskej hali 9 twarožk z kirbsowymi zornjatkami woptać, kotryž je jednaćel Tobias Kockert poskićał. „Móžachmy so z druhimi twarožkarnjemi wuměnjeć a spóznachmy, zo móžemy pódla nich wobstać“, wón rjekny.
Dale wulkoměsto
„Gospel dyrbjał w cyrkwi časćišo zaklinčeć“
Kulow (AK/SN). Kak zahorjacy a natykliwy móže gospel być, je dźěłarnička minjeny kónc tydźenja na Kulowskim Starym dwórnišću pokazała. Cyrkwinskaj hudźbnikaj Carmen a Friedemann Wutzler z Drježdźan staj tam pjatk a sobotu dobru naladu šěriłoj. Wjeršk bě zakónčacy koncert w katolskej wosadnej cyrkwi.
„Sym prosće zbožowna. Wonaj staj telko energije wuprudźałoj. Kóždy bě hnuty“, měnješe 64lětna wobdźělnica Isolde Kühn z Łaza. Połdra lěta spěwa wona w Rakečanskim gospelowym chórje. Hudźba spožča jej wjele žiwjenskeje radosće. „Gospel budźi nutřkownu móc“, rjekny Łazowčanka.
Policija (03.11.17)
Konje po měsće „dundali“
Kamjenc. Pjeć koni je sej zawčerawšim Lessingowe město bliže wobhladało. Wone běchu so z pastwy w Jěžowje wudobyli, a hakle blisko Pastwineje hory móžachu je zaso popadnyć. Na pastwiny płót bě do toho hałza padnyła a konjam tak nachwilnu swobodu zmóžniła.
Kwasne wobrazy sej wobhladali
Na popołdnjo wo serbskich kwasach w Slepjanskej wosadźe je njedawno tamniša Domowinska skupina přeprosyła. Do toho běchu wobydlerjow namołwjeli, stare wobrazy wo serbskich kwasach w Slepjanskim regionje zapodać. Wolfgang Kotisek z Brězowki je digitalizowaše. Na zarjadowanju samym widźachu wopytowarjo potom swoje wobrazy na wulkej płachće w Slepjanskim Serbskim kulturnym centrumje.
Při kofeju a samopječenym tykancu wjerćeše so rozmołwa wokoło nałožkow a tradicijow na serbskim kwasu. Zajimawe bě zwěsćić, štó bě na jednotliwych fotach widźeć a na čejim kwasu běchu wone nastali. Runje tak zajimawe bě, kak wulke kwasne hosćiny něhdy běchu, kotru drastu kwasni hosćo nošachu a kak je so wona w běhu časa přiměriła. Předewšěm widźeć běchu wobrazy tak mjenowanych čestnych kwasow. Ale tež fotowe dokumenty nječestnych kwasow kaž tohorunja kwasow w połněmskej drasće je sej něhdźe połsta wopytowarjow wobhladało. Pokazać pak móžachu tónraz jeno dźěl dohromady 160 wotedatych fotow. Stephanie Bierholdtec
Wobchod znowa wotewrjeny
W Njebjelčanskej předawarni poskićeja regionalne a biologiske wudźěłki
Njebjelčicy (aha/SN). Hač do časa politiskeho přewróta móžachu Njebjelčenjo a wobydlerjo wokolnych wsow twory wšědneje potrjeby w dwěmaj Njebjelčanskimaj wobchodamaj kupować. Mjeztym zo běchu bywšu konsumowu předawarnju hižo 1992 zawrěli, slědowaše wosom lět pozdźišo tež Deleńkec wobchod. Dokelž wjesnjanosta Tomaš Čornak (CDU) wědźeše, kak wažne tajke městno we wsy runje za staršich ludźi je, prócowaše so wo rozrisanje. Jako planowachu lěta 2000 twar noweho gmejnskeho centruma, wutworichu tam tohorunja předawanske rumnosće.
Kartki za schadźowanku na předań
Budyšin. Za lětušu schadźowanku 25. nowembra započnu póndźelu, 6. nowembra, w Budyskej Serbskej kulturnej informaciji zastupne lisćiki předawać. Wone płaća w předpředani dźesać, při wječornej kasy dwanaće eurow, potuńšene pjeć eurow. Skazane zastupne lisćiki, kotrež su hač do póndźele, 20. nowembra, přez přepokazanku zapłaćene, hodźa so tež hakle na dnju schadźowanki při kasy „2“ wotewzać. Kontowe daty namakaja zajimcy wot póndźele na internetnej stronje Załožby za serbski lud a Serbskeje kulturneje informacije (SKI).
Z nazhonjenjow zašłych lět a w zajimje druhich wopytowarjow proša w SKI wo to, wšitke skazane/rezerwowane lisćiki hač do wutory, 21.nowembra, w SKI zapłaćić a wotewzać, hewak wone spadnu a budu dale předate!
Na Hućinjanskim pohrjebnišću dopomina nětko małe wopomnišćo na ...
Krótkopowěsće (03.11.17)
Znowa mjenje bjezdźěłnych
Budyšin. W oktobrje bě we wuchodnej Sakskej 19 371 ludźi bjez dźěła, 37 mjenje hač měsac do toho. Wuwiće překwapja, dokelž je ličba bjezdźěłnych minjene lěta sezony dla wot oktobra přiběrała. Powołanska kwalifikacija bjezdźěłnych a dalši přirost swobodnych městnow stej přičinje tohole wuwića, zwěsći šef Budyskeje agentury za dźěło Thomas Berndt.
W Błótach wjace kórkow žnjeli
Lubin. Po woteběracych ličbach su lětsa zaso wjace kórkow na błótowskich polach žnjeli. Jich bě wjace hač 30 000 tonow, kaž Błótowske towarstwo jako zastupjer plahowarjow wčera w Lubinje zdźěli. Loni nažnjachu 29 000 tonow kórkow. Wunošk móžachu stopnjować, byrnjež so plahowanska přestrjeń tele lěto tróšku pomjeńšiła.
Nowej hrjedźe na wěži
