Přichodne lěta budu jara lutować
Z dołhodobnym hospodarskim strukturnym konceptom, kiž płaći wot lětušeho hač do lěta 2020, reaguje Slepjanska gmejna na swoje tuchwilne napjate pjenježne połoženje.
Slepo (AK/SN). Hač do lěta 2020 chce Slepjanska gmejna dohromady 219 000 eurow zalutować. Tole předwidźi hospodarski strukturny koncept, kotryž je komornica Carmen Petrick na wčerawšim posedźenju gmejnskeje rady rozłožiła. Lětsa je předwidźane nimale 70 000 eurow zalutować, přichodne lěta stajnje něhdźe 50 000. Z jednym wzdatym hłosom Slepjanscy radźićeljo tomu wčera přihłosowachu.
Nowe wustawki a stara swěca
Něhdyše njedostatki so nětko jako problemy pokazuja
Njeswačidło (JK/SN). Jako mějachu Njeswačanscy gmejnscy radźićeljo na swojim wčerawšim posedźenju składnosć swoje starosće a naležnosće wotbyć, so wukopa, zo maja wjacore wsy problemy z nadróžnym wobswětlenjom. Lampy tam scyła njeswěća abo jeničce žmrikotaja. Wosebje za wěstosć šulskich dźěći w rańšich hodźinach pak je dobre wuswětlenje chódnikow a dróhow jara wažne.
Policija (07.02.17)
Nowych kolegow witali
Zhorjelc. Nimale 20 stražnych policistow zesylnja wotnětka Zhorjelsku policajsku direkciju. Wčera su nowych kolegow witali. Po zadźěłanju zasadźa jich w Budyskim wokrjesu, hdźež maja so předewšěm kołowokoło wohroženych objektow, kaž domow za požadarjow azyla, wo wěstotu starać. Stražni policisća smědźa identitu wosobow zwěsćić, jich přepytać, sobu na rewěr wzać, do bydlenjow stupić a wěcy sćazać. Loni w oktobru je prěnich sydom stražnych policistow swoju słužbu w Zhorjelcu nastupiło.
Premjera z premjeru
„Dinner for one“ serbsce
Dlěje hač dźesać lět schadźuje so w Ćisku serbska bjesada. Maćernorěčni Serbja zetkawaja so z dalšimi zajimcami, zo bychu rěč we wšědnym dnju nałožowali. Při tym je stajnje jedyn z wobdźělnikow hosćićel a tež temu poda. Stawizny a přitomnosć serbskeho žiwjenja runje tak wobjednawamy kaž rozprawy wo zarjadowanjach a nowosće z radija a telewizije. Na kóncu sej stajnje zaspěwamy, nic pak jeno znate pěsnje, ale tež nowe, kotrež zhromadnje nazwučujemy.
Zwjazk měł změnu spěchować
Gmejna Hamor žada sej wot knježerstwa pomoc za domjace firmy
Hamor (AK/SN). Wot zwjazkoweho knježerstwa žada sej gmejna Hamor daloko sahace, jasne a zawjazowace wuprajenja wo energijowej změnje we Łužicy. Tole podšmórny wjesnjanosta Achim Junker (CDU) na wčerawšim posedźenju gmejnskeje rady. „Za naš region měło zwjazkowe knježerstwo zestajić atraktiwny spěchowanski paket za předewzaća, na kotrež so energijowa změna direktnje wuskutkuje“, Junker potwjerdźi. Za to dyrbi so znajmjeńša runje telko alternatiwnych a atraktiwnych dźěłowych městnow wutworić, kaž je tuchwilu w hórni- stwje maja. „Hakle potom damy ze sobu wo kóncu wudobywanja brunicy rěčeć“, praji Hamorski wjesnjanosta.
Z nowym awtom sej přeća spjelnili
Sirena wohnjowoborneho awta wuješe minjeny štwórtk po Pančicach-Kukowje. Njejednaše pak so wo alarm. Na te wašnje skedźbnichu wobornicy na to, zo přijědu z nowym hašenskim jězdźidłom do wsy. Pjatk wječor su je požohnowali.
Pančicy-Kukow (SN/MWj). To žno bě wosebity podawk, jako zetkachu so čłonojo dobrowólneje wohnjoweje wobory Pančicy-Kukow minjeny pjatk k lětnej hłownej zhromadźiznje w swojej gratowni. W njej steješe ze zelenej pletwu wobdate nowe hašenske jězdźidło typa TLF 3000, kotrež farar Daniel Dzikiewicz požohnowa. „To je prěnje nowe hašenske jězdźidło za Pančičansku woboru po přewróće, kotrež gmejnje słuša“, rozłoži nawoda gmejnskeje wobory Markus Richter. Dotalne awto typa Iveco běchu spočatk 90tych lět wot katastrofoweho škita wokrjesa přewzali, wone tež dźensa hišće Zwjazkej słuša. Swój W50 běchu něhdźe w samsnym času trjebany wot Wojerowskeje wobory přewzali. Za nowe awto wuda gmejna něhdźe 250 000 eurow, z toho dósta 117 000 eurow spěchowane.
W Spalach camprowachu minjenu sobotu wjesni mužojo. Při krasnym ...
Krótkopowěsće (07.02.17)
Tilich žada sej konsekwency
Drježdźany. Sakski ministerski prezident Stanisław Tilich (CDU) je sej po namócnosćach Dortmundskich skućićelow přećiwo fanam koparskeho ligista RB Lipsk konsekwency žadał. Tak dyrbjeli so předewšěm ći pochłostać, kotřiž su žony a dźěći nadběhowali, rjekny Tilich wčera w Drježdźanach. Zamołwići w Dortmundźe měli jasne stejišćo zabrać.
Čěska armeja chce NATO zesylnić
Praha. Čěski zakitowanski minister Martin Stropnický je přichodne plany čěskeje armeje rozłožił. Wot lěta 2018 chcedźa čěscy wojacy wuchodnu flanku NATO zesylnić pomhać – pak pod kanadiskim nawodom w Estiskej pak pod němskim w Litawskej. Tež w aliancnych „mocach spěšneje reakcije“ abo při zhromadnym zwučowanju z ameriskimi jednotkami chcedźa sobu skutkować.
Vattenfall zaso minus nadźěłał
Krótkopowěsće (06.02.17)
CSU podpěruje Merkel
Mnichow. Předsydka CDU Angela Merkel ma nastupajo kandidaturu za zastojnstwo zwjazkoweje kanclerki k wólbam Zwjazkoweho sejma Němskeje lětsa nazymu nětko tež oficialnu podpěru ze stron CSU. Na posedźenju wobeju frakcijow je předsyda CSU Horst Seehofer w mjenje swojeje strony 62lětnej Merkel podpěru přilubił, wobdźělnicy internje informuja.
Skupinu za integraciju załožili
Budyšin. Pjatnaće Budyskich ćěkancow je minjeny štwórtk iniciatiwu załožiło, kotraž ma so přichodnje za lěpše dorozumjenje mjez Němcami a migrantami zasadźeć. Ćěkancow podpěruje Budyski integraciski centrum House of Resources towarstwa „Witajće do Budyšina“, kotryž z městom Budyšinom wusko hromadźe dźěła. Nowa iniciatiwa dotal hišće žane mjeno nima.
Hnydom třo wupadnu
