Za starobu w dobrym stawje

pjatk, 01. februara 2019 spisane wot:

Swinjarčansku postawu swj. Bosćana tuchwilu wobšěrnje restawruja

Drježdźany (SN/MWj). Hakle hdyž wone pobrachuja, ći zwučene wěcy prawje napadnu. Takle so snano tele tydźenje někotremužkuli w Swinjarni dźe, dokelž na kromje­ wsy postawu swj. Bosćana njewuhlada. Po tym zo bě gmejnska rada Pančicy-Kukow loni wobzamknyła po­stawu a postament pod njej wobšěrnje ponowić, je Tina Dömling něhdźe 250 kilogramow ćežku pěskowcowu figuru wottwariła a do swojeje dźěłarnje w Drježdźanach-Pješinje (Pieschen) dowjezła. Tam nětko samostatna diplomowa restawratorka postawu ponowja, skóncowane dźěle wuporjedźa a pobrachowace přidawa.

„Při restawrowanju je wězo kóždy nadawk powabliwy a samo na sebi jón­krótny. Po tym zo běch sej postawu w Swinjarni wobhladała, pak běch sej wěsta, zo bych ju jara rady restawrowała“, Tina Dömling powěda. Hewak so wona často z kamjentnymi wazami, sćežorami a druhimi „mortwymi“ objektami za­běra. Rězbarjenu figuru w dźěłarni měć je jej tuž wosebite wužadanje.

Krótkopowěsće (01.02.19)

pjatk, 01. februara 2019 spisane wot:

Skóržbu zapodałoj

Berlin/Choćebuz. Němska wobswětowa pomoc je w zhromadnym dźěle ze Zelenej ligu dźensa Choćebuskemu zarjadniskemu sudnistwu skóržbu přećiwo hłownemu zawodnemu planej k dalewjedźenju Janšojskeje brunicoweje jamy zapodała. Zniženje dnowneje wody wohrožuje wjacore škitne bahna. Přede­wzaće Łužiska energija a milinarnje (LEAG) chce w jamje hišće hač do lěta 2023 brunicu wudobywać.

Sezony dla wjace bjezdźěłnych

Budyšin. We wuchodnej Sakskej bě w januarje 20 438 bjezdźěłnych, 2 011 wjace hač w předměsacu (plus 10,9 proc.). Aktualna kwota bjezdźěłnosće wučinja 7,2 procentaj. Nimale štwórćina nowopři­zjewjenych bjezdźěłnych je we wysoko- a hłubokotwarje kaž tež w nutřkownym wutwarje dźěłała. Za sezonu typiske wuwiće móžachu w Budyskej agenturje za dźěło hižo minjene lěta wobkedźbować.

Etat přizwoleny

Pala hodowne štomiki

štwórtk, 31. januara 2019 spisane wot:

Pěskecy. Kaž kóžde lěto chcedźa Pěskečenjo jutře, pjatk, wot 18 hodź. při wohnjowobornej gratowni swoje hodowne štomiki zhromadnje spalić. Wobydlerjo ­njech štomik wječor sobu přinjesu, abo jón hižo do toho při gratowni wotpołoža. Prjedy hač štomiki do wohenja ćisnu, přewjedu z nimi małe napřemomjetanje. Wo ćělne derjeměće budźe postarane.

Wotewru wustajeńcu

Stróža. „Na slědach wódneho muža a připołdnicy“ rěka wosebita wustajeńca, kotruž wotewru jutře w 17 hodź. w Stró­žanskim Domje tysac hatow. W njej pokazuje swobodnje skutkowaca Budyska designerka Regina Herrmann postawy ze serbskich bajow jako klanki a plastiki. K wotewrjenju poda dr. Susanne Hozyna­ ze Serbskeho instituta dohlad­ do swěta serbskich bajow. Potom móža sej wopytowarjo přehladku hromadźe z Reginu Herrmann wobhladać.

Pytaja pomocnikow

Policija (31.01.19)

štwórtk, 31. januara 2019 spisane wot:

Dowolnosć a konop sćazali

Rakecy. Z njepowučomnym wobydlerjom dyrbjachu so policisća zawčera­wšim w Rakecach zaběrać. Po přikazu sudnistwa měješe wón jězbnu dowolnosć wotedać, štož pak dotal činił njebě. Jako zastojnicy do jeho bydlenja zastupichu, wuhladachu tam konopjowe rostliny a marihuana. Tuž njesćazachu jeno jězbnu dowolnosć, ale tež njejapku namakanku. To pak 33lětneho scyła njemyleše, přetož bórze na to wón zaso za wodźidłom swojeho awta sedźeše. Policisća wšak jeho při tym lepichu.

Budestecy (SN). 65 chłostanskich přizjewjenjow, 45 njeskutkow a cyłkowna škoda 68 000 eurow – to je bilanca 41lětneho wobšudnika z Budestec. Za to nětko w jastwje sedźi, kaž Zhorjelska policajska direkcija rozprawja.

W měrcu 2016 dyrbješe Budestečan prěni raz na lěto do jastwa, a to znjewužiwanja titulow a falšowanja wopismow dla. Zaso na swobodźe spožči sej wón měsacaj pozdźišo doktorski titul a je so zjawnje jako lěkar wudawał.

Dalše wobšudnistwa slědowachu kaž w filmje. Z wumyslenymi diagnozami so wón sam do chorownjow zapokaza, wudawajo mjez druhim lemjenja a schorjenja na raka w kónčnej fazy. Wjacore razy prócowaše so wo swójske zapokazanje do hladanskich zarjadnišćow, byrnjež žaneje­ přičiny njebyło. Jeho stawiznički běchu runje tak wunamakane kaž sa­mospaslene zapokazanske wopisma.

Dale skaza wón twory a posłužby, kotrež pak njezapłaći, mjez druhim wino a techniske nastroje. Samo bydlenje da sej dospołnje ponowić. Zo rjemjeslnicy za to žane pjenjezy njedóstachu, bě jemu wšojedne.

Najwobšěrniši etat zašłych lět

štwórtk, 31. januara 2019 spisane wot:

Měšćanscy radźićeljo so prěni raz z hospodarskim planom 2019 zaběrali

Budyšin (SN/MWj). Zo so měšćanska rada hakle w januarskim posedźenju z hospodarskim planom tohole lěta zaběra a nic hižo w měsacu do toho kaž zašłe lěta, swědči wo tym, zo bywaja časy pjenježnje komplikowaniše. Tole rjekny financny měšćanosta Robert Böhmer na wčerawšim posedźenju radźićelow, jako jim etat 2019 w hrubym rozłoži. Po jeho měnjenju a tym hospodarskich fachowcow so časy wulkeje konjunktury nachileja. Lětuši etat drje je znowa na jara wysokim niwowje. Za přichodne lěta pak budu nowe směrnicy trěbne, dokelž njebudźe so kóždy projekt zwoprawdźić hodźeć.

Dalšu fyzioterapiju wotewrěł

štwórtk, 31. januara 2019 spisane wot:

W něhdyšim Hančkec modowym domje,­ wjele lět zaměstnjenym w twarjenju­ na Kulowskim torhošću, je Sebastian­ Kern 4. januara fyziotera­peutisku praksu wotewrěł.

Kulow (SN/mwe). Wot spočatka januara 2019 maja w Kulowje dwě fyzioterapiji, a to na Kolpingowym naměsće a na torhošću. Wobě rěkatej „praksa za cyłkownu fyzioterapiju Kern“. Mějićel je hakle 31lětny Sebastian Kern, bydlacy z mandźelskej a synkom w Běłym Chołmcu. Tam ma wón priwatnu praksu „Jězorina“ za osteopatiju, neuralterapiju a ultrazwuk. Nimo toho je sej statnje připóznaty fyzioterapeut a hojer lěta 2016 w Njedźichowje fyzioterapeutisku praksu natwarił.

Myće za měr a socialny angažement

štwórtk, 31. januara 2019 spisane wot:
Bywši zakitowanskopolitiski rěčnik frakcije CDU/CSU w zwjazkowym sejmje Willy Wimmer (srjedźa) je wčera w Němsko-Serbskim ludowym dźiwadle Budyske měrowe myto přijał. Z wuznamjenjenjom chce towarstwo „Budyski měr“ žiwjenski skutk politikarja počesćić. Kontrowersnych wuprajenjow Wimmera dla – mjez druhim bě Prěnju swětowu wójnu „zaničowansku wójnu přećiwo Němskej a Rakuskej, jeničkimaj tehdy za měr wustupowacymaj a na dobro ludu skutkowacymaj mocomaj“ mjenował – wzdachu so oficialni zastupjerjo města wobdźělenja na zarjadowanju. Towarstwu Majak přiznachu Myto za socialny angažement. Foto: SN/Hanka Šěnec

Koncept prěni raz zjawnje

štwórtk, 31. januara 2019 spisane wot:

Čłonojo Budyskeje měšćanskeje rady běchu na swojim wčerawšim posedźenju prěni, kotrymž předstaji direktor Załožby za serbski lud Jan Budar koncept­ za nowy Serbski zetkawanski centrum na Lawskich hrjebjach.

Budyšin (SN/MWj). Po rozsudźe rady Za­łož­by za serbski lud, zo ma w Budyšinje na arealu mjez Hošic hasu a Law­skimi hrjebjemi nowotwar za Serbski institut nastać a zo ma so tohorunja stara póštownja do njeho sobu zapřijeć, póčnu kontury za to dokładniše być. Koncept z tuchwilnym titulom „Serbski zetkawanski centrum“ je direktor załožby Jan Bu­dar wčera Budyskim měšćanskim radźićelam předstajił. Byrnjež to jako samo­statny dypk na dnjowym porjedźe njesteješe, je zjawnosć na te wašnje prěni raz wo wobsahach, zaměrje a financowanju projekta zhoniła.

Šansy ze strukturneje změny

štwórtk, 31. januara 2019 spisane wot:

Ministerski prezident w Zhorjelcu wabił z njej ofensiwnje wobchadźeć

Zhorjelc (AK/SN). Ze zawjazowacym zako­njom wo naprawach chce Sakska srědki we wysokosći 1,3 miliardow eurow zaměrnje wužiwać, kotrež chce Zwjazk lětnje hač do 2038 za strukturnu změnu we Łužicy přewostajić. Zdobom wabi kraj w Berlinje za dołhodobnje płaćiwe pospěšene planowanske prawo. „Zhromadnje z wokrjesomaj Budyšin a Zhorjelc chcemy so jako swobodny stat za to za­sadźić. Dyrbimy zmištrować, zo docpěwamy za wažne twarske předewzaća po pjeć­ do dźesać lětach twarske prawo“, podšmórny sakski ministerski prezident Michael Kretschmer (CDU) wčera na posedźenju Zhorjelskeho wokrjesneho sejmika. Strukturna změna wotkryje Łužicy w dobje 20 lět wulke šansy, wón wu­zběhny.

Serbska debata

nowostki LND