Policija (28.05.18)
Baner při nakupowanišću powěsnyli
Budyšin. Wosrjedź Budyskeho nalěća dyrbjachu sobotu popołdnju policiju do centruma města wołać. Wjacore njeznate wosoby běchu na wonkownej sćěnje Centera na Žitnych wikach 24 metrow dołhi baner powěsnyli. Nimo toho zapalichu tam kurjace praskotaki. Kur ćehnješe do přewětrjenskeje připrawy nakupowanišća. Hač je techniska připrawa škodu poćerpjeła, njeje znate. Policija wuslědźi na to 20lětneho, kiž bě za tule akciju sobu zamołwity.
Wo rěči a pjenjezach
Wotstronja zymske škody
Kubšicy (CS/SN). Wot 18. hač do 29. junija dóstanje wokrjesna dróha z Kubšic do Konjec (Canitz-Christina) nowu ćeńku worštu asfalta. To zdźěli wjesnjanosta Olaf Reichert (njestronjan) na zašłym posedźenju gmejnskeje rady. Jeje čłonojo mějachu wo tym rozsudźić, kak měli so w Konjecach zymske škody na dróhach wotstronić. Tak chcedźa 500 metrow dołhi wotrězk dróhi we wsy ponowić. W tym zwisku ma so tež městno přiměrić, hdźež so busy zawróćeja. Wot cyłkowneje twarskeje sumy 51 000 eurow dyrbi gmejna dźesać procentow sama zapłaćić. Po tym zo běchu radźićeljo tomu přihłosowali, woni tohorunja wobzamknychu, zo ma Budyski inženjerski běrow wotpowědne plany zdźěłać a twarski projekt přewodźeć. Hromadźe z ponowjenjom wokrjesneje dróhi budźe potom zaso rjany čwak wobnowjeneho puća zmištrowany, hódnoćeše wjesnjanosta.
Wulki hołk a tołk knježeše cyły kónc tydźenja na Budyskim ...
Krótkopowěsće (28.05.18)
Dalše pjenjezy k dispoziciji
Drježdźany. Za mjezy přesahowace projekty su dalše 7,4 miliony eurow z programa Interreg Pólska-Sakska 2014–2020 k dispoziciji, zdźěli wčera sakske wobswětowe ministerstwo w Drježdźanach. Spěchować maja so zhromadne přirodne a kulturne herbstwo, regionalna mobilita, mjezy přesahowace wu- a dalekubłanja kaž tež partnerske zhromadne dźěło.
Slědźa w nadawku UNESCO
Choćebuz. UNESCO je prof. dr. Annu Amelinu jako mějićelku specifiskeje katedry w fachowym wobłuku mjezykulturalita Braniborskeje techniskeje uniwersity (BTU) Choćebuz-Zły Komorow wobkrućiła, kaž BTU dźensa wozjewi. Delnjołužiske wysokošulske kubłanišćo přisłuša wubranej syći dwanaće katedrow po cyłej Němskej za přeslědźenje kulturneho namrěwstwa UNESCO.
Hudźbny festiwal zahajeny
Zazběh wobnowjenja znateho mosta
Policija (25.05.18)
Konjacy zapřah twochnył
Njedźichow. Bjez kontrole bě zawčerawšim připołdnju konjacy zapřah w Njedźichowje po puću. 65lětny wobsedźer bě swojej konjej runje před wóz zapřahnył, jako so jedyn z njeju stróži a poda so hromadźe z tamnym konjom a wozom po Kulowskej dróze do směra na zwjazkowu dróhu B 97. Tam powali zapřah wobchadne znamjo. Připadnje přitomnemu znatemu wobsedźerja brunačow so poradźi zapřah zadźeržeć. Ludźo so při „wulěće“ na zbožo žani zranili njejsu, jedyn z konjow so při klamje zrani.
Na muzejowy swjedźeń
Njeswačidło. Mjeztym hižo 14. muzejowy swjedźeń wotměje so njedźelu, 27. meje, wot 13 hodź. na Njeswačanskim torhošću. Wo lóštnu zabawu postara so tam hudźbne ćěleso Morawscy wagabundźa. Tež woblubowane rjemjeslniske wiki zaso na Parkowej a na dwěmaj dworomaj přewjedu. Wětrowski klub oldtimerow so tohorunja předstaji. Dźěći zakładneje šule rejuja publikumej k wjeselu. Tež zumba a aerobic-poskićenja steja na programje. Dale budu wopytowarjo na cyrkwinu wěžu zalězć móc. W domizniskim muzeju a w hrodowym parku su wodźenja předwidźane. Wjesne towarstwo Přećeljo domizny a kultury wjeseli so na mnohich zajimowanych wopytowarjow.
Na zjawny přednošk
Budyšin. Wjacerěčnosć jako wužadanje a wobohaćenje je tema zjawneho přednoška w Budyskim Serbskim instituće štwórtk, 31. meje, w 14 hodź. Referować budźe prof. dr. Dieter Halwachs z Uniwersity Graz, a to wo aktualnej rěčno-kulturnej mnohotnosći w Grazu. Přednošk budźe němskorěčny.
Brigada dwójce koncertuje
Tučasne poměry njespokojeja
Delanscy radźićeljo bychu rady wjace za swoju gmejnu wuskutkowali
Róžant (JK/SN). W gmejnje Ralbicy-Róžant je dźeń a ćešo nadawki na dobro komuny a wobydlerjow zmištrować. Byrnjež za najwšelakoriše projekty spěchowanske srědki dóstała, ma gmejna postajeny swójski podźěl zwjesć. Hižo tón pak jeje tuchwilne móžnosće často přesahuje. Hladajo na trěbny nowotwar pěstowarnje w Ralbicach je to chutny a dorazny signal politikarjam, poměry změnić. To bě tež wuprajenje wjacorych radźićelow na wčerawšim posedźenju gmejnskeje rady. Sakska a Zwjazk w pjenjezach runjewon płuwatej, gmejny pak njemóža najwažniše nadawki zwoprawdźić.
