Kóšty njepřewozmu
Krućiše naprawy
Budyšin (SN/JaW). W Budyskim wokrjesu bu wčera marka 60 nowonatyknjenjow z koronawirusom w běhu sydom dnjow wo tři překročena. Tohodla je krajnoradny zarjad krućiše naprawy přećiwo rozšěrjenju wirusa wukazał. Zarjadowanja z wjac hač tysac hosćimi njesmědźa so tuž wotměwać. Nastupajo Ralbičansku zakładnu šulu je połoženje dale napjate. Po tym zo buštej wučerce pozitiwnje na wirus testowanej a pjeć rjadownjow do karanteny pósłane, strowotniski zarjad hižo njewuzamkuje, kubłanišćo dospołnje zawrěć.
Krótkopowěsće (09.10.20)
Za myto nominowanaj
Drježdźany. Slepjanski gmejnski radźićel a Rownjanski wjesny předstejićel Matthias Jainsch kaž tež Wojerowska młodźinska měšćanska rada staj mjez nominowanymi kategorije „Zhromadnje skrućić – kraj wuhotować“ za lětuše Sakske wobydlerske myto. Spožčić chcedźa myto mjeztym dźesaty raz w cyłkownje pjeć kategorijach 14. oktobra w Drježdźanskej cyrkwi Našeje knjenje.
Nobelowe myto Louisy Glück
Stockholm. Ameriska basnica, esejistka a mjez druhim hižo z Mytom Pulitzera počesćena Louise Glück je lawreatka lětušeho Nobeloweho myta za literaturu. Šwedska akademija wuznamjeni lyrikarku za jeje „njezaměnjomny poetiski hłós. Wona spřistupnja indiwidualnu eksistencu jako uniwersalne dožiwjenje“, jury rozsud wčera wopodstatni.
„Mały Tibet“ blisko Łužicy
Policija (08.10.20)
Z wotmachom do Lkw-ja zrazył
Porchow. Ćežke wobchadne njezbožo ze złymi sćěhami sta so wčera něhdźe w 17 hodź. na awtodróze A 4 blisko Porchowskeje wotbóčki. Do směra na Zhorjelc jěducy wodźer pólskeho wosoboweho awta je z wulkim wotmachom wotzady do nakładneho awta prasnył. Wón bu ze swojeho awta ćisnjeny, při čimž bu jemu ruka wottorhnjena. Z helikopterom dowjezechu muža do chorownje. Šofer Lkw-ja so njezrani. Awtodróha bě dlěši čas zawrjena.
Na dworje kołpja wobkedźbowali
Prózdninska zaběra
Podpisma přećiwo sćežorej
Měšćanska rada měła so znowa z łoskoćiwej temu zaběrać
Kulow (AK/SN). Přećiwo planowanemu sćežorej za mobilne škričkowanje w Mučowje hiba so protest. Wo tym informowaše Kulowski měšćanosta Markus Posch (CDU) na wčerawšim posedźenju měšćanskich radźićelow. Wobydlerska iniciatiwa je mjeztym 1 050 podpismow přećiwo projektej nazběrała. Znajmjeńša 470 podpismow – přeličene na ličbu wobydlerjow – by za wobydlerske požadanje trěbnych było. „W měšćanskim zarjadnistwje lisćiny tuchwilu pruwujemy a přihotujemy předłohu za rozsud w decembru“, rozłoži Markus Posch. „Měšćanska rada ma potom rozsudźić, hač wobydlerske požadanje prawniske předpisy spjelni a hač ma so wobydlerski rozsud přewjesć. Kaž Posch wčera rjekny, wón z tajkim liči.
Wobornicy běh přewjedli
W nowej straži wjace městna
Štóž nuznje lěkarsku pomoc trjeba, so nadźija, zo je ta spěšnje na městnje. To je nadawk wuchowanskich stražow. Jednu tajku su w Rakecach twarili. Wot wčerawšeho wona dźěła.
Rakecy (SN/MWj). Z přetřihanjom symboliskeho banćika přepodachu wčera, srjedu, na terenje bywšeho Rakečanskeho knježeho dwora nowu wuchowansku stražu. Z njej Budyski wokrjes swoju syć tajkich stražow dale rozšěrja, rjekny přirjadnik krajneho rady Udo Wićaz. Nowa straža je jedna z třoch wotnožkow Budyskeje wuchowanskeje straže a jedna z dohromady 17 stražow wokrjesa.
